محاوره ناريه بين حبيب العازمي ومستور العصيمي...

[ستار موون]

السلام عليكم ....

اليوم جايبه لكم محاوه رووووووووعه بين الشبح ..حبيب العازمي
والشاعر ..مستور العصيمي


اتمنى تعجبكم




حبيب العازمي:




ابن تركي يباله قاف مثل النار والبنزيـن
حريقه في حريقه والمطافـي ماتطفيهـا



على شان العلوم اللي نبى تفسيرها بعدين
يخربها ولد جـاره ولا يقـدر يسويهـا






مستور العصيمي:




ليا شبيتها نرميك فيها ياغـراب البيـن
علاك اتشبها وأنا علـي اكفتـك فيهـا



والا يالعازمي ماني بزايد فوق دينك دين
أخذ عبر التجارب فاول الدنيا وتاليهـا






حبيب العازمي:-




أنا ماني غراب البين أنا خلالً يخل العين
وأنا وشلون احول وسطها وأنت متوقيها



ثمان سنين زايدها ثمان سنين كم سنيـن
نعشي الأرنب السوداء وتفتلنـا باذانيهـا







مستور العصيمي:




بناناها على طول الليالي مثل صور الصين
تراكم صيدة ً فالوقت نطبخهـا ونشويهـا



ولا يارعي الحجه نبى برهانهـا ذالحيـن
ولا تغدي علينـا بيـن كاتبهـا وقاريهـا








حبيب العازمي:-




حديتونا على علـم الـردى ياربعنـا الغاليـن
رديه والرديـه راجعهـا فـي حـظ راعيهـا



يموت الحظرمي والحبحبه حمراء على السكين
ولا يقـدر يقطعـهـا ولا يـقـدر يخليـهـا







مستور العصيمي:-




عسى الله ينصر الأسلام ويقوم عمود الدين
ويكتب لك ثوابك فالصلاه اللـي تصليهـا



ابوي امحارب الكفار في غزوة بدر وحنين
وأبوك اللي مغار يسند الديـره وينحيهـا







حبيب العازمي:-




يقولون الرجال الضعف دائم حيلة المسكين
وحنا أهل المـروه والضعافـه ماندنيهـا



ابوك الله يغفر له قضاها مع رعاة الضين
ويزعل لو يشوفك فالغنم سـارح مفليهـا






مستور العصيمي:-




يقولون الرجال العز ضرب السيف ابوحدين
وابا اذكرك في بعض اللحون اللي تغنيهـا



أنا دوبي عرفتك ياحبيب بعـد عـام الفيـن
واعاين في وجيه الناس واجرحها واداويها






حبيب العازمي:-




ترى اللي يدفع الدرمه على وقت الشريف حسين
عـلاه ملاحظـه عنـد الزكـاه اللـي يزكيهـا



ليـا منـا تمادانـا تـرانـا كلـنـا مخطـيـن
وأنا جيتـك مصيبـه والمصيبـه ويـن تغديهـا

وسلامتكم

[فهيد مقعد الرويس]

تسلم ياخوي

على حسن الاختيار

وصحة السنت شعارها

تقبل تخيتي و تقديري

[ستار موون]

مشكوررررررر فهيد على المرور

لكن ياخوي انا بنت شوف تحت اسمي مكتوب مشرفه..

[ذيب الينوفي]

فعلاً محاوره ناريه


شكراً ستار مون


تحياتي

[ستار موون]

مشكوررر ذيب على المرور

[أبوسارة]

بارك الله بك , شكراً أخي الكريم

[ستار موون]

مشكوررررررررر ابو ساره

لكن اخوي انا بنت

[ناصر بن سعدي]

مشكــوره أختي ,,


ستارمون ..

ومحاوره قمه بين عمالقة شعــر ..


ودمتي بخيـــر ..

[ظافر العتيبي]

والله اني احسبنك ولد


بس اشو عرفتك اليوم هههههههه


عموماً مشكوره وفعلاً محاورة ناريه


من العيار الثقيل وهذي هي المحاورة اللي على اصولها


تشكراتي

[ستار موون]

هلااا فيك بن سعدي


شرفني مرورك