/+/+/+/ ((( فلســـفـــه ))) /+/+/+/

[الشاعر الفهري]

السلام عليكم ورحمة الله وبركاته

مشاركة متواضعة للتواصل

[poem=font="Simplified Arabic,6,chocolate,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black"]
شفت الغيوم من التبخر لـ/التكثف لـ/الهطول = الدوره المائيه اللي في كتاب المدرسه
وشفت الورود من البذور اليا التفتح لـ/الذبول = ورده حزينه ذابله . واخرى سعيده معرسه
وشفت إختلاف أذواقنا والرفض فينا والقبول = احد(ن) كلامه سم . واحد (ا)يتكتكه و يهندسه
وشفت العداله والجهاله والتعصب والميول = وشفت التواضع والتكبر والغلو والغطرسه
وشفت الشدايد والمهمات العسيره والحمول = احد(ن) زمانه دلعه . واحد(ن) زمانه يفرسه
احد(ن) خدمه الحظ . واحد(ن) حط في كبده فعول = هذا يطيح وما يقوم . وذا حظوظه تحرسه
يعيش راس الكارثه لا طاحت سروج الخيول = أمّا صهيل وعز . ولاّ نوم ذل ودنفسه
إمّا خذيت بساعدك حقك توطتك الرجول = ما يرجّع الحق الخضوع السرمدي والوسوسه
إرفع مقامك لا يجي بين المواطي و************************ = ومن لا يكرم لحيته تحلق وتجعل مكنسه
احد(ن) حضوره من عدم ما له مع اهل الطيب قول = اكبر طموحه مطعمه ثم مشربه ثم ملبسه
واحد(ن) على ما قيل لا منه حظر قول(ن) وطول = العمر كله ناذره للمرجله ومكرسه
شفت إختلاف الوقت هذا والمواسم والفصول = محد(ن) جنى غير الذي بالأمس بيده يغرسه
وشفت الوريد الأورطي والقلب الأبيض والعقول = القلب الابيض للبياض . القلب الاسود منجسه
وفزيت من نومي وانا اقول اختلف ولاّ مهبول؟ = ثم استعذت من الرجيم . وصار حلم وهلوسه
إلاّ على فكره . أنا وش لي ولـ/ أنصاف الحلول = العرق الاكحل بقطعه . دام التلوث دنسه
ولاّ السحاب من التبخر لـ/التكثف لـ/النزول = معلومه ومرت علينا في كتاب المدرسه [/poem]

وسلامتكم

[فلان الفلاني]

صح لسانك مليون
يا الفهري



لا هنت

[فهيد مقعد الرويس]

صح السانك

يالفهري

لاهنت على هذه المنظومه الجزله

تقبل تحيتي وتقديري

[عبدالله المرشدي]

الشاعر الفهرري


صح لسانك


قصيده جزله من جزل


تحيتي لك

[تركي ابن خالد]

الشــآعـر الـفهري




صح لسانك ولاهنت


قصيده رائعه كروعة حضور شاعرها



تحياتي


..

[ابن مسلم]

الشاعر الفهرري


صح لسانك


تقبل تقديري