[frame="7 80"][align=center]
الصوووت [/align]
[poem=font="Traditional Arabic,5,black,bold,normal" bkcolor="transparent" bkimage="" border="double,4,red" type=2 line=0 align=center use=ex num="0,black"]
لا زان طرق الشعر هلن الافكار=هملولهن مثل المزون المخيله
والا مثل ضرب المجوخ ليا ثار=لا ضاق صدر المتقي عن عميله
اركيتهن كني على قب الامهار=بيض النواصي من بنات الكحيله
اسرجتهن فكري ومفتاح الاسرار=الهاجس اللي ما يدور مثيله
ردتيهنّ يسار ويمين ويسار=لين ابتدا صبح البيوت الثقيله
ما نيب في بدع التماثيل محتار=وانا زبونك يالبيوت الجزيله
ان كان ما جن ملفتاتٍ للانظار=ماني كفو لام العيون الكحيله
اقولهن حشمه وقيمه ومقدار=للصاحب اللي ما ندور بديله
الصارم اللي كنه الضلع سنجار=على حموله حمل غيره يشيله
يا محمد الريمان يا نسل الاحرار=يالشاعر اللي دوم مافيك حيله
سلام من قلب محبٍ ومختار=للطيبين اهل العلوم الجليله
تحية الطيب لوافين الاشبار=يا صل بها قلب الخليل لخليله
عنّيت لك شعري وهو جاك زوار=وانته دليل اللي مضيع دليله
يوم ان شعرك عابرٍ كل الاقطار=عدلت في الشعار مليون ميله
وعلى بحرك العذب يردن الاشوار=نعني لمثلك وانت من ينعني له
واللي يعذرب فيك واليه للنار=لا بوه لا بو كل من ينتمي له
هذا اختصار العلم مع كل الاعذار = يوم القصيده في مقامك قليله [/poem]
[align=center]
الصــدى [/align]
[poem=font="Traditional Arabic,6,black,bold,normal" bkcolor="transparent" bkimage="" border="double,4,red" type=2 line=0 align=center use=ex num="0,black"]
نويت اجهز للمراسيل فكسار= اخر مديل من الوكاله مديله
ماشودوا به عند (معرض وسمسار=ولاقالوا الطبلون كم عد ميله
ولادار به جهال مع كل دوار=ولاهوب معبيٌن لكشته وقيله
من مصنعه مارهموا فيه مسمار=تو المرور مصرحه من وكيله
هو منوة اللي منتون بعض الاسفار=يا عنك غيره مايدور وسيله
لا اونس لهيب النار ومحركه دار=يطوي مدى البيدى ليا فر ويله
يسيرها ويثيرها مثل الاعصار=وليا تزاوى منعطف ينزوي له
يجمح مع الرمله ويسبح مع القار=وكل الدروب الكايده تستويله
عليه شغموم الاواليد بيطار= لاباشره بالترس تسمع عويله
تسمع عويله تقل صفارة انذار=لاشغلوها فالظروف المهيله
عليه سامي للمهمات جبار=صليب راس وفـــ المتاهه دليله
يحمل سلامي للنشامى هل الكار= ويخص لي بالشكر الاجزل زميله
سلطان اخصه بالثنى سر واجهار=ابن دحيم اللي نفل كل جيله
رجل(ن) خذ النوماس قانون وشعار=الوافي اللي مايبور بعميله
يشدي نداوي(ن) على كف صقار= حر(ن) نداوي(ن) من اعظم فصيله
وان غاص في بحر القوافي والاشعار =بيطار في بدع اللحون الجميله
تقول يقطف له رياحين وازهار =من الروضه الغنا البديع الظليله
شعر العطاوي يبهر السامع ابهار =نظمه وتنظيمه ووزنه وكيله
وله لابة(ن) شر(ن) على القوم الاشرار= عوق الخصيم ان شب راس الفتيله
جزٌامة(ن) عزٌامة(ن) ترعى الاخطار= من باسها ترعى الخطر غب سيله
ريف الضعيف وسلوة الضيف والجار= قبيلة(ن) ياحيها من قبيله
هذا... وانا ما اتبع لغى كل هذار =اللي على النمات يومي شليله
ولاشاقني رقصة هل الزير والطار = باللحونهم (يالال لاله ياليله)
وربعي زحول(ن) للمواجيب حضار= ربعي مداويت الكبود العليله
الاد عاصم يوم زوغات الابصار= حمل الحمول الجايره ترتكي له
وختامها ذكر الولي وال الاقدار= محص النفوس وموجد المستحيله[/poem]
[align=left]
الشاعر والعلم /محمد بن عبود الريمان العصيمي[/align][/frame]
| 
|
04-25-2008, 09:51 PM
صوت وصدى مع محمد بن عبود الريمان
العرض المتطور
