[align=center]السلام عليكم ورحمة الله وبركاته
اليوم عندي فكره مدري جديده او سبق طرحها من قبل المهم الفكره تقول:
المدينه والتمدن جعل منا ناس أخرين غير الناس الذين كانوا في (الديره) في كل شئ المأكل 0الملبس0الكلام 0التعامل 000الخ والمهم هنا طريقة الكلام يعني نبي نتكلم شويه مع بعض بكلام الديره :0
مثال:
في وادينا والله هادينا لاعلم قديم ولاجديد ستمر من الله الحلال يشكي قلة المرعى وغلا الضرمه سوقنا فيه من الرزق الكثير سبع ميه وفوق للضيف والمنايح ماواحد يطالع فيها ونحن نتسوق لقينا عبدالله بن صالح وحلف علينا للفطور تسوقنا شويه لين حمية علينا الشمس وروحنا مع بن صالح وعلى قهوه وعلوم حتى جانا بفطوره الى ماينقد لحيته وفطرنا بغير عتب وسولفنا شويه بعد الفطور وجيناكم على هدي الله وبعدها لاجانا ولالفانا علم تخصونه الا سلامتكم 00
وهكذا لكي نتذكر ايام الديره بدون تكلف (ارجوا التجاوب من الجميع يعني واحد يتصور نفسه قاعد في المجلس وهو الي يبي يرد عليه )
وفي الختام ارجو أن تكون الفكره اعجبتكم ودمتم اخوكم بدوي متعلم[/align]
| 
|
04-22-2008, 07:48 PM
العرض المتطور
