اكتب اليكم هذه القصيده كمصافحه اولى واتمنىا ان تنال اعجابكم [poem=font="Simplified Arabic,6,darkred,normal,normal" bkcolor="transparent" bkimage="backgrounds/15.gif" border="double,4,black" type=2 line=0 align=center use=ex num="0,black"]
يا هاجسي عطني قوافي مثل زخات المطر = الي لها وقعٍ على الارض البسيطه والسهول
عطني من اخيار الشعر شطرٍ وانا انظم لك شطر = الين ما ننجز قصيده وافيه حسب الاصول
يا ناس اصغوا لي ثواني به لكم عندي خبر = عندي كلامٍ ناقشوني فيه ما يحسب فضول
الله من همٍ فقلبي زاد حده وانتشر = الله من همٍ يصول فداخل القلب ويجول
مليت ارددها عباره يا ولد غض النظر = واليوم مرغم رغم انفي عما في جوفي اقول
اشره على بعض البشر لانهم دوماً بــِ شر = ومع كل هذا مبعدين عن طاعة الله والرسول
وانا ترى من ظمنهم اخذتني الدنيا غدر = وضحكت لي الايام ضحكه زايفه بسنٍ خجول
هو ليه بالله نبتعد مع اننا فاكبر خطر = هو ليه بالله يا بشر ربي عطانا هالعقول
الا لجل انا نحكم راينا في كل امر = وكل المسائل لو اخذناها بعقل الها حلول
والحل يبغىا مننا عزمٍ وهمه مع صبر = ترى القضيه لو تدبرنا امرها فيها شلول
يا انت يا هذي كفايه لا تهلون العبر = وايظاً ابىا انصحكم نصيحه لا تدقون الطبول
ترى الزمن رحله طويله والفوايد فالعبر = لزوم كلٍ يعتبر حتى ولو صابه ذهول
وش ينفع المخلوق لامن صار في وسط القبر = الا عمل صالح وماهو دون ذلك ما ينول
لا واوجودي كل ما اسهر تحت نور القمر = اجلس احسب فالزمن واقيسه عرضٍ بطول
وليا حسبته يا بشر يصيبني اكبر قهر = القىا المصيبه مننا وفينا وبيدينا تزول
صحيح ماهو صابنا شيٍ مدون فالقدر = لاكن حنا في يدينا شي في وصفه يهول
اكتاب ربي نحفظه ونقدسه طول الدهر = فيه النجاه من البلاوي والمصايب بالشمول
هذا كلامٍ من ظمير السام جاكم يا بشر = وانا بريء منكم ولا ابغىا منكم لو هي ذلول[/poem]
اخوكم /
سامي العتيبي
| 
|
03-31-2008, 10:56 PM
العرض المتطور
