دلبح وراها يوم جات اللزايم

[مدلج الليل]

قصيدة قالها الشاعر فهد غازي الغويري على أثر قضية حدثت في السابق .. ب

دلبح وراها يوم جات اللزايِمْ .. كلن كنز كنّه من الموت خايِفْ
تكفون يادلبح ترى العلم يلزِمْ .. ماينفع المعذار عقب النكايِفَ
تكفى يابن عصاي برجس وقل سَمْ .. وتكفى يابن صنهات وعيال نايِفْ
وتكفون يالنشار عاداتكم تَمْ .. وتكفى يابن هندي على منت شايفْ
وتكفون ياطلحة ويكفون مِزْحَمْ .. وتكفى عتيبة كلها بالوصايفْ
وتكفون يهل الخير كلّن يساهِمْ .. محدن يريد الشر ..للخير عايفْ
ولونّ خاتم حيّ ماجاني الهَمْ .. خاتم ولد حمدان مروِ الرهايفْ
وكان الغويري قام محدن تكلّمْ .. كلن يقول الراي عندك وسايَفْ
يعيش أبو شارع وفيحان الأشرَمْ .. من صلب أبوي ورايهم مايخالَفْ
وين المصايب من على نوح وآدَمْ .. كلن بوقر السمع والعين شايِفْ
وصلاة ربّي عد من زار زمزَمْ .. وعداد من كبّر على البيت طايِفْ

خاتم : هو خاتم ابن مسعد يرحمه الله .
ابن هندي : هو أمير الحمادين من الدلابحة .
أبو شارع : عبد المحسن الغويري يرحمه الله .
عيال نايف : نايف ابن شارع الغويري يرحمه الله .

وكانت بتاريخ : 3 / 3 / 1405 هـ .. ومع الأسف لم يحدث شيئاً من ذلك .

[ناصر بن سعدي]

الغالي

مدلج الليل ..



لاهنت على النقل ..

وصح لسان الشاعر/فهد غازي الغويري ..


والله يصلح شأن المسلمين .

ودام الجميع بخيــر ..

[شموخ النايفات]

مدلج الليل

صح لسانك ولسان شاعرها
ويعطيك الف عافيه

على هالقصيده الجميله


تحياتي لك

[مدلج الليل]

الأخوان ناصر بن سعدي و الجازي

أشكر لكم طيب متابعتكم وعذوبة كلماتكم

وصحّت أبدانكُم