أطرح بين أيديكم هذه المتواضعة
من أواخر الجديد وليست بأخره
أمل تحوز على شيء من القبول أمام أذواقكم الراقية[poem=font="Simplified Arabic,6,black,bold,normal" bkcolor="transparent" bkimage="backgrounds/17.gif" border="ridge,7,burlywood" type=2 line=0 align=center use=ex num="0,black"]
الورد من دونه يقولون الأشواك=وأنته زرعت الورد تحت لثامك
ماني بلاقي بالعذارى حلاياك=فرس لكن صعيب يقضب لجامك
حليتي بقلبي وقلبي غدا حماك=الروح تحرسك(ي)وفكري حسامك
نامي يا قرة عين منهو ترجاك=عسى الهنا في صحوك(ي)في منامك
خليني أسهر بالليال أتمناك=وأحلم بشوفك وأتخيل كلامك
كل المنى يا زين راحتك ورضاك=وإن ضاق صدرك قول لي وش علامك
ما ودي أشوف الكدر في محياك=أخاف لا يكدر عليك(ي)حلامك
لاتشيل همي يريش العين بفداك=هنا حياتي كلها في غرامك
أفرح ليا مرت على القلب ذكراك=هي سلوتي لا حان وقت إنهزامك
لا يخطر ابالك مع الوقت بنساك=أنتي بوسط القلب عالي مقامك
مدام فيني عرق ينبض فنا أهواك=بفني حياتي كلها في هيامك
أدور من حولك مثل دور الأفلاك=ماني بعارف وين شرقك وشامك
مديت لك يمناي وكفيت يمناك=مدري جفا والا موفر سلامك
الأمر كله يريش العين بيداك=إختار منهو يستحق لوسامك
أما تعال بكل ذاتك وقل جاك=كلك على بعضك مريد إنقسامك
والا تراني بقفل القلب بسلاك=بمنع دخوله لا يحلل حرامك
وإن كان رب العرش عن مثلي أغناك=عيشي حياتك لو تحقق مرامك
جرب معزة غيرنا كانه أغلاك=كسر على درعه بقايا سهامك
لو جاد لك في يوم بعدين معطاك=وإن لنت له سهل عليه التهامك
دور بدالك مثل مهو توطاك=مهو محسب بالليالي خصامك
يا كم من تهواه يصبح من عداك=يبان لك لا حان وقت إقتحامك
رقيق بالملمس خطر لا تولاك=طعنات غدره ما ترده عظامك
لو ضحكك في يوم بأيام بكاك=تبا المعزة منه لكن ضامك
وأنا أدري إن الوقت لابد يجفاك=في حينها وفر لنفسك ملامك
الحظ ليا منه بوقتك تخطاك=ما عاد يرجع لو يشوف إنعدامك[/poem]
| 
|
01-28-2008, 09:01 AM
العرض المتطور
