[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اركب على اللي كنها حنوت القـوس=(بي ام ) ماركبوا عليها اكثـر النـاس
قـوة محركهـا دبـل ستـة تـروس=وأبنصهـا بمجـرد اللمـس حسـاس
وبخاخها من ريحـة النـار متـروس=اليا اشتعل با الدوس فـي بطنهـا داس
اذا مشت با الهـون تقـول طـاؤوس=ولامن فزت فـزت الطيـر قرنـاس
واصطبها في عتمة الليـل ممسـوس=جمره ونامت فوقهـا قطعـة المـاس
واذا وقفت تقـول (سلطـان قابـوس)=وباق المواتر حولهـا تقـول حـراس
هي فكرة الالمان هي نكبـة الـروس=هي سلعـه لكـل المعاييـر مقيـاس
(برلين ) فاضت عقب تصديرها فلوس=وقصر ( الكرملن ) اعلنوا فيه الافلاس
انص َ ديار ٍ كلها خبـوب وطعـوس=طريقهـا واحـد ممهـد ومنـحـاس
وصل غرام ٍ بين الاضـلاع محبـوس=من عام الاول يصطفق مثل الاجـراس
للي هواها داخـل الـذات مغـروس=وشجرة غلاها انبتـت بيـن الانفـاس
لازاورت فكري غـدا كلـه عـروس=مثل احتفال اهل الامارات بـا الكـاس
اهديتها مـن منهـج الحـب قامـوس=وهي طعنتني عقبهـا برمـح جسـاس
وليا وصلت لبابها بصـوت مهمـوس=سلم عليها من خـوا الـراس لـراس
ثم قلها وضعي تـرا صـار ميـؤس=ثم وصها وصيـة العـود( لدبـاس)
عطتنـي الايـام مـن بعدهـاا دروس=وجملة مشاعر فوق مقدور الاحسـاس
خيولها تصطي على القلـب وتـدوس=وتاخذ لها في ساحة الصدر مـرواس
والحلم صار بزحمـة البعـد كابـوس=وقلب الامـل قطـع معاليقـه اليـاس
وخل الخبر عن باقي الناس مدسـوس=عـن كـل نمـام ٍ وحاسـد وبـلاس
وبسم الله الرحمن ياصـاح محـروس=ياطيب الفزعـات والفـال والساس[/poem]
| 
|
01-25-2008, 09:09 PM
.gif "SnipeR (2)")
العرض المتطور
