رفـيـق المطـاريش

[عبدالله المرشدي]

[align=center]قصيدة تحمل اسم ديواني الصوتي الاول (رفيق المطاريش) وموجهه للاخ الغالي بن العم عبث بن على المرشدي آمل ان تنال رضاكم

[/align][poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
انا رفيقي لابغيت المطاريش=قرمٍ يسلي خاطري يوم اخاويه
لاضاق صدري مانصيت الدراويش=اشوم للي مبعداتٍ حراويه
ابو علي ريف الكبود المعاطيش=لامن ولد اللاش بانت دعاويه
غيثه مثل غيث المزون المراهيش=يعطي ولا ياخذ مكاسب عطاويه
منصاً لخطلان اليدين المباطيش=ملفى الكرم والجود محدٍ بغاويه
سقم العداء عون الضعوف المرابيش=لاخابت الاريا تورد هقاويه
ستر العيون اللي هدبها عكاريش=لاطار ستر اللي تكشف غطاويه
مثله نشّري خوته بالمحاويش=لابان فيه الخير والطيب حاويه
ياما حلى مسراحنا بالغبابيش=على مديل الفين جيبٍ مهاويه
شاريه من ماله بليا بخاشيش=فكسار للمقناص والبعد ناويه
صنعة خبيرٍ طرزه بالدناديش=جود مواطيره ووثق عراويه
لادق سلفه مايجي له وشاويش=ماتسمع صياحه ولوكنت كاويه
ابيض على جنبه تبين الخرابيش=خطن رفيع امّيله ثم لاويه
كنك تشوف ام الهدب والتناقيش=لاشفت وجهه بالعذارا تساويه
تنوّشه عينك ليا اقفى تناويش=تمييز وصفه بالقفا مانت قاويه
تشوف بالطبلون مثل الغراريش=فيها رقومٍ تخبرك عن حكاويه
في داخله مثل التحف والمفاريش=يسحر نظرك اليا نظرت اللاهاويه
مقصورته مكتب زعيم البشابيش=حسني مبارك والذي من شراويه
كن المناظر فيه تلبس طرابيش=امزينه للي يناظر تراويه
لاشع نوره كن ضاحه فلاليش=تكشف له ابعاد الطريق ومهاويه
اذا مشاء مع قاع والا خفافيش=ماهتم في زين الطريق وبلاويه
واذا مشاء بالخط ماله خرافيش=ولا لف باللفات ماحلى تلاويه
لامر من عند النقط والتفاتيش=دقوا تحيه والملازم يقاويه
كل الجيوب الغاليات المنافيش=لوجات مثله بالشكل ماتساويه
نقطع فجوجٍ مبعداتٍ مطاشيش=ياكم وكم ميلٍ من البعد طاويه
واذا نزلنا منزلٍ به رشاريش=روضٍ سقاه الوسم وادرج علاويه
في صحصحٍ ماقد وطوه المخاريش=ولاطبه اللي كاثراتٍ شكاويه
مافيه غير الذايرات المواحيش=وريح الخزامى مع مهفة هواويه
قفرٍ خلا ماقد رعوه الطواريش =ماطبه الجمال قدام شاويه
جبنا الدلال وماحوت من مهابيش=في جال نارٍ فوقها الصيد شاويه
سوالنا كيفٍ بليا مغاشيش=وزان القصيد وكيفتنا قهاويه
هذا رفيقي بالحضر و المطاريش=هذا عبث ياسعد منهو يخاويه
اخذ من الجزله واكب العراميش=لعيون من بالمجد حقق مناويه[/poem]

[البارع]

((((((((((1))))))))))))

ملكي ولي عوده.....

[عبدالله المرشدي]

المشاركة الأصلية كتبت بواسطة البارع ((((((((((1)))))))))))) ملكي ولي عوده.....

[align=center]البارع

حياااك[/align]

[كان موجود]

2
حجز فاخر

[عبدالله المرشدي]

المشاركة الأصلية كتبت بواسطة ماهر النمر 2 حجز فاخر

[align=center]ماهر النمر


هلاااااااااااااابك[/align]

[بدر ناصر المورقي]

عبدالله المرشدي
اتمنى لك التوفيق بديوانك الصوتي وتستاهل كل خير
قصيده طيبه ورائعه

سوالنـا كيـفٍ بليـا مغاشـيـش
وزان القصيـد وكيفتنـا قهـاويـه
هذا رفيقي بالحضـر و المطاريـش
هذا عبث ياسعـد منهـو يخاويـه
اخذ من الجزله واكـب العراميـش
لعيون من بالمجـد حقـق مناويـه
بيض الله وجهك عسى الله يوفقك
بدر المورقي

[عبدالله المرشدي]

المشاركة الأصلية كتبت بواسطة بدر ناصر المورقي عبدالله المرشدي اتمنى لك التوفيق بديوانك الصوتي وتستاهل كل خير قصيده طيبه ورائعه سوالنـا كيـفٍ بليـا مغاشـيـش وزان القصيـد وكيفتنـا قهـاويـه هذا رفيقي بالحضـر و المطاريـش هذا عبث ياسعـد منهـو يخاويـه اخذ من الجزله واكـب العراميـش لعيون من بالمجـد حقـق مناويـه بيض الله وجهك عسى الله يوفقك بدر المورقي

[align=center]بدر


لاهنت

على المرور
وصح بدنك
وشاكر لك مرورك

تحيتي [/align]

[مسفر الجعيد]

[align=center]

ابو بدر

صح السانك مدد بلا عدد

لا جديد رااااائع في كل حالاتك

صح قلبك ودام نبضك ولاهنت


تحياااااااااااتي






[/align]

[عبدالله المرشدي]

المشاركة الأصلية كتبت بواسطة مسفر الجعيد [align=center] ابو بدر صح السانك مدد بلا عدد لا جديد رااااائع في كل حالاتك صح قلبك ودام نبضك ولاهنت تحياااااااااااتي [/align]

[align=center]مسفر الجعيد

صح بدنك

لاهنت

تحيتي لك[/align]

[جابر الثبيتي]

[blink]ابو بدر

راااااائعة تضاف لقاموس روائعك

صح لسان

عدد الليل وانهار

عدد ما جرت الانهار

عدد قطرات البحار

بيض الله وجهك

لك

تقديري[/blink]