[align=center]السلام عليكم ورحمة الله وبركاته
ترددت كثييييييييييييير ف طرح مشكلتي
ابدا معكم
بس ف البدايه ياليت الإداره ماعاد ترسل اي شي ع البريد الإلكتروني لا دعايه اوغيرها انا عدلتها من الإختيارات بس الحذر واجب
وبعد أللي هنا ويعرفني من مشكلتي ياليت مايقعد يفضّح بي قدام خلق الله لأني مالي إلا الله ثم انتم وهالمنتدى افضفض فيه
المهم
انا إنسانه متزوجه ولي اطفال ولله الحمد مشكلتي في حياتي كللللللها الرجال بصفه عامه في عايلتنا مع إنها عائله والله معروفه والكل يشهد لها بحسن الاخلاق والوقفه مع الناس بس سبحان الله ما ادري وش فيهم عليّ
في البدايه صارت معي انا وزوجي مشاكل<تعرفون ف بدية الحياة الزوجيه لابد يكون فيه شوية خلافات
المهم كنت اروح اشتكي لأبوي كل شي عشان ارتاح<طبعا" كنت دلوعة بابا مثل مايقولون
المهم مع مرور الايام إكتشفت إن زوجي يبصبص هنا وهناك ف البنات عاد انا غيوره ومحبه لزوجه لدرجه فظيعه
كلمته وسفهني وتعرفون العتبان يلفونها ع الوحده ويركبونها الغلط عاد انا زعلت وتهاوشت انا وياه راح هو الله يسامحه كل اخوي يشكيه مني>يهب كيف قلبها
هذا كله في الصيف الساعه 4 الفجر المهم اذّن الفجر وجا اخوي اخذني ووداني عند ابوي عاد هنا جات الصدمه والله يالقيت كلام من ابوي والله ماتوقعته ابدا" يطلع منه <اكيد بتقولون ابوكي ويبغي مصلحتك بس مو بالطريقه
المهم هزئني وركبني الغلط وكل المشاكل أللي كنت اعلمه بها صار يتهزابها فيني
ويقول انا ماعندي إستعداد اجيبك عندي ولا احد من خوانك يبيكي واصلا" زوجك مدري كيف متحمل واخواني ماصدقوا كلن بدأ يحذف الهرج إلا واحد اصغرهم الله يستر عليه ويوفقه وقف معي وتهاوش مع ابوي يقول مهوب زين تردونها لزوجها بالشكل والله تضيع كرامتها <ليش يبه لييييييييش
والله هو أللي كان يقول إذا كان عندك شي تعالي لي مع إني كنت اسكت بس هو أللي يجي يسئلني واعلمه وفي الآخر يقول لي كذا؟؟!!
المهم والله ما كملت حتي ساعتين عندهم قاموا وردوني لزوجي وانا مالي وجه ما انسى نظرات زوجي لي وانا راجعه مكسوره منهم حتي يقول اهلك لو فيهم خير ماردوكي لي تخيلوا!!!
المهم صبرت وإنطميت وجلست عند زوجي وتحملت إهاناته ودقه بالكلام لي
ومره سافر خارج المملكه المهم زعلت لأنه قطعني ولا اعطاني مصروف والله ياناس إني آخذ قيمة البامبرز الله يكرمكم من اختي الصغيره واخوي الصغير وكنت ادق عليه ويعطيني مشغول بعدين قفل الجهاز وجلس إسبوعين غااااااااااايب ما اعرف عنه اي شي
وبناتي مرضوا- بامراض الصيف إسهال وتطريش وعنقز وبكذا احتاج فلوس- وكنت منومه مع وحده والثانيه عند اهلي وإني كل ما احتجت فلوس يطيح وجهي عند ابوي واهلي <هو صح مافيها شي إني آخذ فلوس من اهلي بس المصيبه حالة زوجي الإجتماعيه اكثر من ممتازه هذا أللي قاهرني كل ما قلت ابغى شي قالوا ليش زوجك ما اعطاكي؟؟؟
والله زي السم في دمي
المهم مع القهر تعرفون الشيطان شاااااااطر ف هالحالات قمت اتذكر كل شي شين فيه اعوذ بلله
ودقيت ع عمي <ابوه عشان يجي يصرف ع البنات وما قصر اخوه الكبير
المهمشرف الشيخ من سفرته وانا زااااااقتن معي منه رحت لأبوي وقلت والله ما ارجع معه لحد مايجيب لي ورقه تثبت إنه خالي من الامراض المهم سالفه جرت سالفه ويوم كان الحق كله معي جا عمي<ابوه الله لا يسامحه ولا يبيحه وينتقم لي منه هو وزوجاته وتبلوني بمصيبه في عرضي عشان ولدهم والمصيبه الاكبر زوجي سااااااااااااااكت ولا قال ولا كلمه والله بغو يجنون ع ابوي بسببهم
المهم ابوي قال ياإنك رجال تثبت أللي قالوه اهلك وعليّ إني اسيح دمها قدامك وإن ما جبت الإثبات والله لأفرث بطنك في مجلسي
عمي تدارك الموقف <بس بعد إيش ياشاطر وتأسف وقال تعرف الغضب وش يسوي وجاب لي رضوه بس ماقبلتها قلت وشرفي وسمعتي وين راحت من بيردها وابوي قاهرني ما قال شي< والله إني ابكي الحين من القهر والحره أللي فيني
المهم مرت الايام وتحرش اخو زوجي من ابوه ببنتي الكبيره عمرها الحين 5 سنوات <وعلمته عن اخوه كذبني وقال خلصتي من امه وبديتي فيه وحتي يوم جبت بنته له كذبني وصار داااااااااااااايم يوديها عندهم < يعنني بقهركي عاد قبل كنت اتخانق انا وزوجي عشان عمته زوجتة ابوه داااااااايم تدخل في حياتي وتدقني بكلام والله لو اقوله لكم ماتصدقون وكانت تغير زوجي عليّ وكان يحبها حب يمرضني ويشككني فيه وحاجات لو قلتها بتقولون كذااااااااااااااااااابه<اكيد بتقولون إنك شينه لا والله ربي منعم عليّ بالجمال وطيبة هالقلب الاقشر أللي يسامح ولا يشيل ع احد
المهم مره رحت اكلمها عشان تفكني منها قامت وطردتني وسبت اهلي ولعنت والديني <الله ينتقملي منها
والمصيب تقول لزوجي وعمي إنها تهجمت عليّ وصدقوها وسالفه طوييييييييييله عريضه تشيب الراس
المهم جاني عمي ومسح بي الارض< الله يسامحك يابوي أنت أللي فتحت لهم الباب
وبعدين جيت وإستسمحت من عمي عشان الاعمال ترفع لله ماعندي إستعداد اكسب ذنب عشانهم المهم عمته يوم جيتها والله كأني كيس زباله عندها يوم تطالع فيني بنظراتها
والله إحتقرت نفسي إني جيتها وبعد حزروا وش صار؟؟
كسحتني قدام مجلس مليياااااااااان حريم وطنشتني ولا سلمت عليّ وانا قايمه لها انا ووجهي< ياقهري
ويوم قلت لزوجي ماقال ولا شي
لو إنه انا كان يمديه قطع راسي
المهم تمر الايام
وابوي عنده زوجه عقرب كذبت عليّا عند ابوي
عاد ابوي ماصدق تقول إنه يستنى احد يقول هاوشها والله ياناس قال لي كلام ماقاله لي زوجي
وحتى يوم ولدها مو اخوي ولدها من زوج ثاني تحرش ببنيتي المسيكينه يقول انا اعرفه مايعرف الحركات هاذي وهو عمره 13 سنه وبنتي 5 سنوات <-عاد بنت بعد حركة عمها فيها قلت اي شي يصير لك علميني ع طول وترا انا مركبه كميرا واشوفك وبسم الله عليها صارت تقول لي عن كل شي اول بأول-
وش قصده إن بنتي هي أللي تحرشت فيه؟؟
وطردني وقال لا عاد اشوفك عندي بس انا ما قاطعته خايفه من الله ومن العقوق
وكل ما كلمته يصرفني وإذا قلت إدعيلي يقول طيب طيب زي أللي يسكتني ومنول إذا قلت دعي لي مايفصل من الدعا لي وبعد مشكلتي مع زوجته صار ماااااااااااايطيقني
ليش كذا انتم يالرجال إذا حبيتوا وحده نسيتوا وإستغنيتوا وتبريتوا عن العالم عشانها حتى اخواني كلن مع زوجته ولا يسئلون عننا إلا ما رحم ربي منهم
والله بنفجر من الحزن ع نفسي وصدمتي ف ابوي وزوجي وعمي واخواني آه يالسند ياحسافه والله ارهقت نفسيتي هذا أللي اقدر اكتبه وما خفي كان اعظم
وبس [/align]
| 
|
01-07-2008, 05:36 AM
.gif "SnipeR (2)")
العرض المتطور
