[align=center]إني بكتابة هذهالقصيدة قد وضعت النُقاط فوق الأحرف
وبـِها أيضاً وضعت حدّاً لِمن يصطادون في الماء العكِر
وبـِها وبغيرها لن أسمح لكائنٍ من كان
بأن يشّوه صورة أو سمعة وطني العزيز أو ولاة أمرنا حفظهم الله من كلِ مكروه
وأدامهم الله للبلاد والعباد أعلاماً ترفرف إلى قيام الساعة
فإذا كان هُناكَ مسئولٌ قد قصّر في واجبه وأخل بالأمانة التي أوكلت أليه فكل نفسٍ بما كسبت رهينة وولاة أمرنا وقادتنا وآل سعود جميعاً بريئين منه[/align]
[poem=font="Simplified Arabic,5,white,bold,normal" bkcolor="seagreen" bkimage="" border="ridge,4,limegreen" type=1 line=0 align=center use=ex num="0,black"]
أنا سـعودي عمـري الـحين عـشـريـن=توّي شباب وقلبي الـطـفل خايف
كـنـّي أسير الـحرب في يوم تشرين=مـــابــيـن هــم وغـــم والرأس نايف
أنـا ســعــودي والـمُـعـانـاة نــصــفــيــــن=نصف الديون ونصف قل الوظايف
لأجل أتوظف لازم ابـحث لـي سنـين=بـين الـريـاض وبـين جدة وطائف
وإذا لـــقــيـت ألــقـى وعـمـري ثلاثين=بـالـواســطـة بـالـمــلـعـنـة بـالكلايف
والمشكلة لا قـالـوا الـراتـب ألفين=تـبــغـــاه وإلا غـيــرك ألـفــيــن هــايف
لا بالله إلا أبــغــاه هالحين هالحين=ولا أمـــوت مــن النــدم والحسايف
ثم بــــعـدهـا أبـغـى أتـزوج ومـن وين=مـن ويـن يافـقـر الـسـنـين العـجايف
مـافـيـه غـيـر الـقرض والـقرض سكين=يقعد ثمان سنين في الظهر جايف
والقرض بعده قرض وتصير قرضين=إلا قـروضٍ فـي قـروضٍ ردايـف
وسوق التداول زوّد الجرح جرحين=أقتـشّ كل اللّي بقى في القطايف
أقـتــشـّـتـه أهــل الـكـروش الـمُــرابـين=الـلـّي لـهـم لـنـدن وسدني مصايف
أقـتـشّـتـه أهــــل الفـلـل والـــمــلايــين=مـن كـد سـُكـان الـعشش والسفايف
سـوق التـداول هو كمين المساكين=والله شـايـف وأغلب الناس شايف
العيب والله فـي (( البطـانة)) بلا دين=هم حاجزٍ بين الملِك والضعايف
لا قــــال عبد الله عـــسـى شـعبنـا زيـن=قـالـوا بـخـيـر وقـولـهم ذاك زايف
هم حاسدين الشعب من لفتة اللين=وإلا يــبــون الـشعب يائس وعايف
وإلا يــبــون الأكـــل يــســار ويــمــيـن=هُـم أولاً والـشعب في رقم فايف
لا يــا بــطــانـة يــا حــســد يــا مـجـانـين=حـــنّــا ولانــا طــيـلة العُمر كايف
لآل الـسـعود أهل العطايا الكريمين=أهل القلوب الطيّبات الصخايف
لا مــا تــفـرقــنــا الضــعــاف السروقين=لا مـاتـفـرقـنـا الـظــروف الحوايف
لكـن أملـنــا دايــم ( بـيوم الاثنين )=لـعـل بــه عـلـمٍ جـمـيـل اللـطايف
أمـّـا مــلِكـنـا صــقر سرب الشــياهـين=فـإنــه أمـلـنـا فـي زمـان الصلايف
هو خادم البيتين نجل الســلاطـين=أهـل السيوف الباترات الرهايف
وأخوه سلطان القلوب ادعوا آمين=الله يـــعــزّه عــد ســاعــي وطايف
بو خـالـد اللـّي فـعـله يـزين ويبين=لـــه حـبـنــا وقــلــوبــنــا لـه ولايف
وأخـوه نــايف لا وزنــّا الـــمــوازين=مـــالــت وفــيــها لـلــغـلا وزن نايف
وأخوه سلمان السعد وأحمر العين=حلاّل عـقـدات الأمور الـعـكايـف
وآل السعود وكُلّهم داخل العين=هم ذُخرنا هم فخرنا في الشرايف
أنـا ســـعـــودي بـالاسـم والـعـنــاويـن=والسعْوده خذها غريب الطوايف
في وجهي أنــواع الـنُـظم والـقوانين=وفي وجهه القانون راخي ورايف
أنا سعودي والملقّب ( أبو ديـن )=أموت وأحياء في ديون ورجايف
خلقت في الدنيا وأنا وارثٍ دين=وباموت في دين وعذاب ولوايف
أغلّق اقصادي على عُمر ستين=يا الله عـلـيـك الـمنـفعة والخلايف
أعـــمــارنــا مـــابـــيــن ستين سبعين=وديـونـنـا مـثل الـجبال النوايف
بالمختصر لأني سعودي ومن وين؟؟=مـن ديـرة الـبـتـرول والبـث لايف
لأني سـعـودي بيـن ديزل وبـنزين=بس للأسـف فقران جيعان خايف[/poem]
[align=center][motr1]الشاعر
مبارك الأكلبي[/motr1][/align]
| 
|
11-28-2007, 06:31 AM
أنا سـعـودي .. بـيـن ديــزل وبـنـزيـن
المواضيع المتشابهه
العرض المتطور
