[poem=font="Simplified Arabic,5,blue,bold,italic" bkcolor="transparent" bkimage="backgrounds/7.gif" border="solid,4,deeppink" type=1 line=0 align=center use=ex num="0,black"]
انا وين بلقا اللي بحطه على يمناي=خوي تشوقه المطاريش والخوه
لاهاض المجال وزعزعوا للسفر طراي=يسوقه على مشي الخلا شوق وجروه
نزيه المسار اللي على رغبتي ومناي=زمام المراجل قاضبه طبع وجبله
ليا قلت له ياطيب الفال ويش الراى=مع القار ولا مع خلا خالي جوه
ترى مامعك معواد قبل السبوع الجاي=تجهز وشغلك قبل وقت السفر سوه
يقول المشاغل علتي والمسير دواي=وابشر على خوة هل العرف وانوه
هذا اللي ليامنه حصل طاب لي مسراي=اعرف الدروب ولي بها عهد وضروه
لاناحرت مبدى الجدي وسهيل من وراي=ظلام الدجى لمعرب الخال ماتوه
ابنصا وليف حدني لين جيت اقصاي=تربع على عرش الضمير وشعم ضوه
وليفٍ نواني بالقطيعه وقص ارشاي=عزم بالمفارق واختلف نوي ونوه
ادوج بعد فرقاه وامشي بليا راي=وواقف على المدهال وادوج وابوه
واعدي على روس المبادي واجر عواى=وامد النظر مع صحصح موحشٍ دوه
يروا خياله كل ماجيت في مبداي=ولاحولت مالقا لاخياله ولاهوه
وعودت اصفق كف يمناي في يسراي=ولاعاد لي حيلٍ ولاعاد لي قوه
وساد القلق وضعي وعم الظلام اجواي=وجا للسهر في خاطري ود وعنوه
فعسى البارق اللي في غزير المطر سراي=يحول على دارٍ رحل صوبها نوه
وليف ملك قلبي وحسي وكل اعضاي=وفي القلب عن غيره من العالم سلوه
آشوف العرب في الزين والطبع منه وجاي=وفي زينه وطبعه على غيره علوه
وراعي مضاليل ليا سلهمت باغضاي=اطمن نضر عيني سحى منه ومروه
لامنه نظرني نظرة الواثق الرماي=لزوم اغوى لو هرجتي مابها غوه
اعيش بوجوده مستوى العالم الهاى هاي=ولاغاب عني جمع الوقت لي سوه
واخفي دموعي مابي احدٍ يشوف بكاي=وجامل على انظار الشماميت واموه
اجامل على الانظار واصبر على بلواي=مقاريد خلق الله على الطيب تفوه
قدام العرب كنه من اقصى العرب وعداي=وكن الغلا والشوق في القلب من جوه
فسقى الله زماني يوم خلي على مشهاه=ليلي تقافت صافي جوي وجوه
ليالي الغلا والجانب الدمث واللباي=على اول مبادى حبنا توي وتوه
وذلحين يامشكاه لله ومشكاي=ياصعب المواجه والرجا فيه ياشوه[/poem]
[align=center]الشاعر/محمد بن عباد السلولي[/align]
| 
|
09-24-2007, 11:27 AM
العرض المتطور
