حبيب العازمى امبراطور المحـاروه مبدع كعادته دائماً(حبيبxتركي2000) هبا هبا ... هبا هبا

[ރسلايـل المجـدރ]

مساءكم الله بالخير

وش تعرفون عن الشقر المردوف

في حفلة بن زريّبه

بصراحه بعيدا عن التعصب سواها حبيّب ذيبان

وذكرني بمباراة المانيا والسعوديه 8\0 مع احترامي لقبيلة المطران

ولكن بأعتراف منهم جميعا ان تركي غفا عن ان الشقر مردوف ولا انتبه الا بعد موال حبيّب الثاني

واللي نبه تركي شايب مطيري وشاعر كان ضمن الحضور




المحاوره كانت ممتعه ورائعه واترككم معها
















حبيب

سرا الليل والمعنى هبايب هبا هبا.....سرا الليل والشيطان عنا هبا هبا
وانا اعرف صفانا الشرق هجره هبا هبا....عسى الله يعزك يا ديار السعوديه

الا يا لليل وين الشاعر اللي ضيع المليون.....ومهما ضيع المليون اكيد الفين مضمونه

وانا ماقول تركي يوم سافر ما حصله لون.....ولكن العلم مبغا هل الدوحه يشيلونه






تركي

اشوف البحر هايج ورست بواخره.....يجي بول اهل السيف ويجي بواخره
الا ياهل العود اشعلو في بواخره.......عسى الله يعزك يا ديار السعوديه


الا يالعازمي لاصرت محتاج وعلاك ديون......ليا قدمت معروضك سواتك نخلص ديونه

اخذنا اللي كتبها الله وبعض الناس جا مغبون.......يسمونه وانا ياقوم مدري وش يسمونه







حبيب

يصيب الرجال من المواقف طنا طنا......ورمح المطني في عدوه طنا طنا
وصوت الضعيف في المزاحم طناطنا......عسى الله يعزك يا ديار السعوديه

انا معطيني الله والعرب من بعضهم يعطون.......وانا ماني بتكسي عند خلق الله يكدونه

نقول ان اصدقانا يوم راحو كلهم يكفون.......احد جانا معه مشلح واحد جانا بكرتونه






تركي

انا اسمع وياتي من جهتكم ندا ندا.......واشوف المطر لاكن عود ندا ندا
الا ياهل المندي بجمره ندا ندا.......عسى الله يعزك يا ديار السعوديه

حبيب يا حبيب لاتنوشك جمره الغليون.......ترا صاحبك لامنه مشا يمشي على هونه

لو اقولك فيه فلوس جيت مصفر الطبلون.......واضن الموتر اللي معك ماتقضب دركسونه







حبيب

ترانا هل الواد المحدد نفي نفي......ولا عندنا للحق دايم نفي نفي
وشيخ القبيله كلها في نفي نفي......عسى الله يعزك يا ديار السعوديه

ياتركي قامت الايام تنطحنا بغير اقرون........ولا يا وجد روحي للكلام اللي تقولونه

ماجي للمجلس اللي يجمع الصاحي مع المجنون.......ولاكن الصراحه والله ان فيه مزيونه







تركي

ليا جا الحدا كلن بطرقه حدا حدا.......ولكن ابن عاصي بدربه حدا حدا
من امرين خذ واحد يعني حدا حدا......عسى الله يعزك يا ديار السعوديه

الا يا العازمي لاتمشي بدربك بدون عيون......ترا الرجال مايمشي طريقه غير بعيونه

تباهم يقبلونك مير سنك جاوز القانون........ونفسك تحت حكم الوقت والايام مرهونه







حبيب

معاد الكلام يفيد في اللي مضا مضا......مضا ما مضا والسيف حده مضا مضا
لو الصبر كسره ملح قلنا مضا مضا.....عسى الله يعزك يا ديار السعوديه

يقولون الرحا دارت وعود حبها مطحون.....والا ياما وياما من حبوب" جات مطحونه






وسلامتكم

[ناصر بن سعدي]

لاهنت..

أخي

سلايل المجـد ..


على نقل هذه المحاوره الرائعه ..

بين الشاعر الكبير..

حبيب العازمي ...

والنجم

تركي2000


وفن الشقر على أصوله ..وفرصه يستفيد منها تركي 2000

ولاهنت على النقل المميز ..

[شموخ النايفات]

[frame="2 80"]سلايل المجد

مشكوور على النقل المحاوره الرائع

...وصح لسان الشاعرين ...

حبيب العازمي
و
تركي الميزاني


الجازي..[/frame]

[بن كميهان]

[a7la1=FF3333]سلايل نجد الفين شكر علا هل محاوره الممتعه ولا كن ماهي اول مره تركي يغفى مع حبيب دايم ياكلهى ؟ وانى اشهد شهادت حق ان تركي2000 مو بسيط لاكن حبيب مدرسه مدرسه مدرسه يعنى لو تجيب شاعر سلمي و قحطاني ومطيري يدوب ياكلون عيش مع حبيب واكيد الي بيقرى بيقول العن ام العنصريه لا كن يراجع محاورات حبيب -----------------------------------تقبلو تحياتي[/a7la1]

[اسد نجد]

المشاركة الأصلية كتبت بواسطة بن كميهان [a7la1=FF3333]سلايل نجد الفين شكر علا هل محاوره الممتعه ولا كن ماهي اول مره تركي يغفى مع حبيب دايم ياكلهى ؟ وانى اشهد شهادت حق ان تركي2000 مو بسيط لاكن حبيب مدرسه مدرسه مدرسه يعنى لو تجيب شاعر سلمي و قحطاني ومطيري يدوب ياكلون عيش مع حبيب واكيد الي بيقرى بيقول العن ام العنصريه لا كن يراجع محاورات حبيب -----------------------------------تقبلو تحياتي[/a7la1]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
سلامات ياخي وش لو تجيب مطيري وسلمي وقحطاني يدوب ياكلون عيش
؟؟؟؟؟؟؟؟؟؟؟؟؟؟؟
سلامات



على فكره
المعروفين بالشعر هم قبيله مطير
والدليل ناظر شاعر رسول الله
الصحابي الجليل / حسان بن ثابت
الصحابي حسان ينتمي الى قبيله مطير
وهو شاعر الاسلام
يعني شوف شاعر الاسلام اللي على وقت الرسول ملقب بهذا القب مطيري هذا مهو دليل ان مطير لها تاريخ بالشعر

[! ولد الشيوخ !]

سلايل المجد.....

فعلاً جات بوقتها .... ويعطيك العافية ربي على ها المشاركة الجميلة

وغلطان يا معاند بحر

حبيب العازمي معروف ومدروس ويا ويل من يجاريه

[ރسلايـل المجـدރ]

شاكر جميع من شارك

[! ولد الشيوخ !]

أخ سلايل المجد

هناك توضيح بسيط ..... فأنا لست شاعراً ولكن

جميع الأبيات لها معنى سوى

وانا اعرف صفانا الشرق هجره هبا هبا....عسى الله يعزك يا ديار السعوديه

لم أفهم معناها ... من قبل
فتقصيت أخبار هذه المقابلة وسألت أناس مقربون من حبيب فأتضح لي أنه :

صفانا الشرق هجرة هبا هبا
يقصد بها الشاعر ( صفينة شرق هجرة هبا )
وتنطق بالعامية صفانا أو صفانه

وفعلاً اتضح لي أن هناك قرية تسمى صفينة وتقع شرق هجرة تسمى هباء .... وبها أناس كثيرون ينتمون لقبيلة عتيبة ولكن أكثر سكانها من قبيلة مطير ....
والشاعر كثيراً ما يذهب هناك للحره وقت المقناص وكانت قريته التي كان بها رئيس مركز تقع على طريق هذه القرية المذكورة ( صفينة )

إنني أبدئ أسفي لو أن هناك شيئاً ما من اللقافة ....

ولكن حرصاً مني لجميع الأعضاء بأن يفهموا المعنى ... حتى يتداركوا الاحراج لو أن أحدهم سئل من أي شخص من قبيلة الشاعر الآخر ... قيستطيع أن يجيبه بكل ثقه

فكان تفكيري لو أحد منهم سأل أحدنا ....

ماذا يقصد حبيب يوم قابل تركي بكلمة صفانا الشرق ؟
فلو لاحضت القصيدة لا تعطي معنى بكلمة صفانا الشرق هجرة هبا هبا

ولكن وأنا متأكد من صحة معلوماتي أنه يقصد معناها بما ذكرت بالأعلى ومتأكد مئة بالمئة

هذا فقط للتوضيح ... وتقبل تحياتي

[ރسلايـل المجـدރ]

[align=center]يعطيك العافيه على التوضيح وشاكر مروك :)[/align]

[اسد نجد]

انا اشوف ان مطير اشهر القبايل بالشعرر