اخواني اعضاء ومشرفين ومراقبين منتديات قبيله عتيبه الكرام
اسعد الله اوقاتكم بكل خير اما بعد سعدت كثيراً بتسجيلي معكم
في هذا المنتدى الشامخ وهذه اول قصيده اطرحها بينكم واتمنى ان تنال
اعجابكم وهي غزليه وابي منكم طلب إذا في القصيده اخطاء او شي
تقولونها لي لاني شاعر مبتدي ومنكم نستفيد
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان عنـي ياحياتـي تغليـن=والله ماينفعـك كـثـر التغـلـي
وان كان عن عشقي وحبي تصدين=روحي بكيفك واتركينـي محلـي
وان كان من هرج الخلايق بتقسين=هرج العرب يابنت ادوسه برجلي
انا ترى مامشي خـلاف المقفيـن=ولا اتبع المقفي ولو كـان خلـي
يابنت غيرك في العذارى ملاييـن=غيرك ملاييـن العـذارى تهلـي
غيرك يابيني والمخاليـق داريـن=ويموت لجل يشوف زولي وظلـي
هرجي حقيقي واثبته بالبراهيـن=ماهوب هرج المهزلـه والتسلـي
والله ماتدمع على شانـك العيـن=ولاينجرح قلـبٍ همومـه تعلـي
لاني عطيتك كـل شـيٍ تريديـن=وهذا جزايه يوم انا جيـت كلـي
فزعت لك يابنت في العسر واللين=وضحيت لك يوم الليالي صفنلـي
وبنيت لك في داخل القلب دوريـن=وعليت شانك يوم قدرك نزل لـي
وسهرت لجلك والمخاليق ممسين=لين الحزن والهـم كلـه حصلـي
واليـوم عنـي يالبنيـه تلفـيـن=وتلتليـن القلـب يابنـت تـلـي
لا تحسبين الحب لعبـه وراعيـن=الحب في وسط الضمير استحلـي
ولا تحسبيني ماعرف وش تسوين=غربي ودربي فيـه يابنـت ادلـي
لاقالوا الغربي تصيـح الشياطيـن=وابليـس لا الله يالبنيـه يصلـي
لكـن خلينـا حبايـب وحلويـن=نمشي بدرب الحب كيلـو وملـي
واعطيك قلبي واسكنك داخل العين=وتصير في عرش الغرام امتعلـي
بعطيك فرصه يمكن انك تعوديـن=ولا يابنت الناس روحـي وولـي
لانـك عليـه يالحبيبـه تغلـيـن=لكـن ماينفعـك كثـر التغـلـي
[/poem]
[align=center]وسلامتكم اخوكم الغربي[/align]
| 
|
08-22-2007, 12:36 AM
المواضيع المتشابهه
العرض المتطور
