السلام عليكم ورحمة الله وبركاته
هذه قصيده للشاعر المبدع : مشعان البراق العتيبي
أعجبتني فحبيت انقلها لكم ..
أتركم مع القصيده لـ تستمتعو بها وبعذوبتها ...,,,,
\
\
\
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامن عزفتي للاشواق المزامير= لاتورديني على حوض المنايا
خطاء الهوى كان يحتاج لْه تكفير= وآلله لا ابطي ماكفّرت الخطايا
لكّن شوفي لروحي خير تدبير= لا تلحقين .. الكوايا بالكوايا
الحلم وردي ولا له اي تفسير= وشلون ( وردي ) مثل ( بيض ) النوايا
بلا وعد جيت وورودي مصادير= صدفه من الله .. وسوّت هالسوايا !
من دونها .. لا ماقدّمت المعاذير= الا علشانها احث المطايا
لو ان من بيننا طول المشاوير= عروق قلبي على وصلك ضمايا
طيفك يداعب خيالي صبح وعصيْر= وان غاب .. ضاقت بي وساع النحايا
وصدري ظلال وبراد ومجلس أمير= تربّعي من وراء ضلوع الحنايا
قربك نعيم ٍ مقيم .. وعالم ٍ غير= ياشيخة الغيد .. واعذبهن سجايا
اصلاً .. مجالك لاجاء بين الغنادير= اصبح قضيه من كبار القضايا
سبحان معطي ملامحك التعابير= اللي لـ( بيته ) يحجّون البرايا
الزين يمك يسير .. وعندك يحير= كنه عليك انتي موصّا وصايا
ودلال شعري على وصفك مباهير= اقنّد الراس من كيف المزايا
عين ٍ بها يآرد الضامي على البير= وعين ٍ تطارد بها جرد السبايا
والارض تنبت تحت رجلك نواوير= وجرّتك .. فيها مقابر للضحايا
ولو ان مالك على القزاز تأثير= ماكان تغمز لك عيون المرايا
قبله .. وصوّرك ربي خير تصوير= ماعاد خليتي لـ( غيرك ) بقايا
وفالنحل تكفين بالله افعلي خير= خليه يأخذ عسله من الشفايا
واليا عطيتيه .. لا يلحقْه تقصير= يابنت من لا يحسبون العطايا
جدّانك اللي يقودون الطوابير= يوم ألتحام السرايا بالسرايا
تاريخهم ماتسطّره الاساطير= مسطّر ٍ مثل تاريخ الطنايا
احب واشتاق واحن لك واغير= واطآ عشانك على روس الحيايا
ما أشتاق لك كثر تغريد العصافير != لاوالله اكثر من احلام الصبايا
منك الهديه مثل سوق التباشير= شكراً .. ولك مني اجّل التحايا
وانتي هديه .. وجابتك المقادير= هدية ٍ غير عن كل الهدايا[/poem]
\
\
وسلامتكم نيابة ٍ عن مشعان :)
.
| 
|
08-19-2007, 07:14 AM
المواضيع المتشابهه
العرض المتطور
