أقام الشيخ : عبد الله بن ضيف الله العبود شيخ شمل قبيلة القثمة من عتيبه
حفلاً للشيخ بندر بن نايف بن محمد بن هندي بن حميد
يوم الأثنين الموافق 9 / 7 / 1428 هـ في العاند ( مركز إمارة القبيلة )
وقد حضر هذه المناسبة الكريمة بعض من شيوخ وأعيان قبيلتي القثمه وعتيبه ومنهم :
الشيخ عمر بن فارس ابا العلا العصيمي
الشيخ فيصل بن ناشي بن عديس الشيباني
الشيخ حجاب بن عديس الشيباني
الشيخ الداعيه عبد الله بن حماد العصيمي
الاستاذ بادي بن وديد المرشدي الروقي محافظ محافظة رنية سابقا
الاستاذ محمد بن عبود بن مغيرق العصيمي
الاستاذ بلج المرشدي
الدكتور ناصر العصيمي
الفريق متقاعد سعد بن سالم الاوسيمر القثامي
العقيد متقاعد سعد بن عبد العزيز الذيابي
الشاعر الكبير حميد بن رازن الذيابي
رجل الاعمال عبد العزيز السهلي
سعود بن سعد العبود
فهد بن سعد العبود
منصور بن فنيسان السيحاني
وشارك الشاعر الكبير حميد بن رازن الذيابي بمجموعة من القصائد الرائعة
ولكن للأسف لم يسعفنا الوقت للحصول عليها .
وشارك الشاعر عبد المحسن بن داخل القثامي بقصيدة موجهه للشيخ بن حميد :
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ان كان يا بن حميد شفك مغاتير=والقلب في حرش العراقيب ميلاع
عندي مجرد راي يا مير لا غير=والا أنت رايك كنّه الجدي لمّاع
اليا سمعت العشب جاله تباشير=وجاله على الحد الشمالي تشعشاع
ثم اكتست باللبس حمر الدعاثير=عقب الدهور الممحله عشبها فاع
وتشابكت فالروض روس النواوير=لا طقها الغربي تمريع تمرياع
وفيها الثلاث اللي تقول التعابير=الماء والخضرة وزينات الاسناع
ابطح لهن يا ميرنا بالمحادير=ولا به عن الصمان والحد مرجاع
يازين مقدمها يخض المخاضير=يوخذ بها عبة على كل مرباع
والوضح شفٍ للرجال المناعير=عزل الشيوخ اللي لها فالكرم ناع
رثم الخشوم اللي تهوم المشاوير=عراض الخدود منومسة كل صعصاع
وُساع النحور أرقابهنه بواكير=سند الغوارب والعراقيب هزاع
قفز الظهور عراض سلت المواخير=تِلقى مع العتبان ولا مع سباع
عفراً تصخر نازح الدار تصخير=على حارك القعدة تشمع تشماع
فيها مصاغيرٍ وفيها معاشير=الضغط والسكر اليا شافهن ضاع
منوة فداويٍٍ براسه صعاطير=يمشي على درب الطحاطيح ما تاع
واليا بدا فالجو عجّ ومعاصير=وتلافتـت لديارها شقح الاقطاع
ثم سنّدت ودروب اهلها مسافير=كلن يبي داره وللدار طماع
خلها تروج من المشاقيق للنير=وتاخذ على الصاقب وجذوان مذاواع
انته ولد من قاد روس الطوابير=لو الرحى يشهد شهد يوم الافجاع
يومن على ضده تدور الدواوير=دون الجهام لغالي الروح بياع
قلته مجرد راي يا مير لا غير=ولا انت رايك كنّه الجدي لمّاع
وان كان شعري حاصلن فيه تقصير=فالعذر منكم يا طويلين الابواع
[/poem]
ثم بعد ذلك القى الشاعر سمران بن عايض القثامي هذة القصيدة :
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا قصيدي غن وأرقى فالطويـل العالـي =عادتك روس النوايـف والقمـم ترقاهـا
ما سقيتك في رحاب الصدر غير زلالـي =شجرة منهـا الظـلال وفاليديـن جناهـا
غن يا ورق الحمـام وهـات يـا موالـي=هات من وبل المزون ليا ضحك منشاهـا
لين اسطر فالـورق در الكـلام الغالـي=من ينابيع الضميـر اللـي قـراح ماهـا
شاعر مـا يـارد الجمـة بـدون حبالـي=وان ورد بل الكبود الضاميـو وارواهـا
يا سلام الله علـى نبـع الكـلام الحالـي=والهجوس اللـي تبايعنـي وانـا مولاهـا
كل ما دكـت هواجيسـي وجـاد خيالـي=اعشبت بيـد المعانـي والنفـل يغشاهـا
شوش يا راسي وأبا احذف غترتي وعقالي=موقف يفـرض عليـه وقفتـي وأحماهـا
كيف ما سطر كلامي وافتخـر فاقوالـي=واتنومس بالبيـوت اللـي علـى معناهـا
مهرتي تجمـح ولـي فالطايلـة منزالـي=والعزاوي والسيـوف المرهفـه تشعاهـا
قاضب خطام الحقايـق والسعـد يبرالـي=والفعـول مثبتـه واللـي نشـد يلقـاهـا
لي حوالي شهر مغلق شاشـة الجوالـي=مبتعد عن زحمة العالم وعـن ضوضاهـا
عاقد حبـل العزيمـة والسبـب كالتالـي=لابتي وفعولها اللـي مـا أحـد ينساهـا
كيف ماسوق المدايـح والكـلام الغالـي=وارفع البيرق واسوق المدح في طرياهـا
لا بتي زبـن المجنـا والذليـل الجالـي=والوحيد اللي يديـن العـون مـا يلقاهـا
لابتي سقـم الحريـب ولطمـة العيالـي=سعد من عنز على الهيـلا ومـن ينخاهـا
لا اشتعل للحرب نار وعـودت للصالـي=واتفتح باب العـزاوي والرمـك وحداهـا
لاعوى ذيب المجاعة فالشعيـب الخالـي=وانكفت خيل الحفيـف وعزوتـي تقفاهـا
بشرو ذيب الخلا يقنـب بصـوت عالـي=للذياب اللـي تجـاوب فالخلـي بعواهـا
والله لتشبـع بعـد ينـذاق مـر وحالـي=من وقايع عـزوة عتيبـه بصـف عداهـا
مـا كسبنـا طيبنـا بالحكـي والدوفالـي=غير بالسيف الحـدب ومهارنـا وحداهـا
لين بنينـا البيـوت اللـي لهـن ظلالـي=في سنام الديـرة اللـي رمحنـا يحماهـا
في قرارة نجـد قـدام الحكـم والوالـي=ماش حب خشوم غيـر بسربـة ننخاهـا
لين زحزحنـا الجبـال الشـم والاقذالـي=والجمال اللـي تهـادر بالطغـى سقناهـا
ما تخضعنـا لـو الـدم الحمـر وشالـي=المذلـة وصمتـة سـوداء ولا نرضاهـا
يوم سـوق الهـدو للمربـاع والترحالـي=والقوي يفرض على القصرة ثمن مرعاها
ما مسحنا جوخة الشيخـة قديـم وتالـي=لو سموم القيظ ترمينـا علـى رمضاهـا
يوم ميحات الدلي والجيـش والزرفالـي=والليال الموحشة والخوف مـن ظلماهـا
فعلنا نـون يجـي لـه فالبحـر زلزالـي=بالجموع اللـي فعايلهـا عطـور لحاهـا
في جبين المجد بصمتنـا فخـر وتلالـي=مثل ضوح الشمس في كبد السماء مبداهـا
لين جاء عبـد العزيـز محقـق الامالـي=وانطفت نـار الفتـن والله دفـع بلواهـا
بدد الظلمـة وغيـر مجمـل الاحوالـي=وحد بدود الجزيـرة وانتهـت فوضاهـا
وازهرت به نجد مثـل الغيـث بالهمالـي=واعتلى مع رايـة التوحيـد فـي علياهـا
لين صـارت مملكتنـا بالفخـر مدهالـي=وارقبـت فـوق الثـريـا درة نفـداهـا
في ذرا آل سعود كف البطـش للمحتالـي=وجنة يلقى رغدها مـن مشـى لرضاهـا
والختام أزكى صلاة وخيـر مـا ينقالـي=بالرسول اللي لطم عين الجهـل وأعماهـا
[/poem]
وشارك الشاعر عبد الله بن عايض القثامي بهذة القصيدة :
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابدا بذكر الله قبل بدع النشيد=ومن بعد ذكره نبتدي بجزالها
ويزين نظم الشعر ويزين القصيد=في الحلة اللي طيب الله فالها
في مجلس العبود والمجد التليد=اخوان عبده طيبها وجلالها
عبد الله العبود ابا الرأي الرشيد=انشهد انه كل جزلة نالها
شيخ الشيوخ اللي عن الزايد يزيد=عسى لياله ما يغيب هلالها
ولو اطلق الاشعار طلق بدون قيد=لانهى القصيدة كلها بكفالها
في مدح ابو فيصل ولا غني جديد=له سيرةً كل العرب تصحا لها
سيرة رجل مع قيفٍ يضد الضديد=الآد القثامي طيبها برجالها
قبيلةً ما مدت المد الزهيد=برجالها ولا ذخائر مالها
ابشر يا بو فيصل فلا والله ازيد=لو كان مابه حاجة نسعى لها
من ينكر التاريخ ابد ما يستفيد=تاريخ عز لابتك وابطالها
يقول ابو فيصل هلا والليل عيد=عد المزون وعد وبل خيالها
يا مرحبا وعداد ما أخضر الصعيد=ترحيبةً ما ينقفل مجالها
ترحيبةً تبقى عذيه ما تبيد=مثل العسل من خاطر اللي قالها
عز الله اني يوم ارددها سعيد=ولا اقصر عن اللي حاظرين حبالها
يا مرحبا في مرحبا يا بن حميد =يا فارس الهيلا ويا خيالها
يا بندر النايف ويا الرأي السديد=يا بن الرجال اللي يظل ظلالها
يا ابا العلا يا مرحبا ترحيب أكيد=يا مقدم اللي جمل الله حالها
وحييت يا بن عديس يا نعم الحفيد=يالآد مشيب والسعد يبرى لها
وترحيب وافي للقريب وللبعيد =لشيوخنا اللي طيبٍ منوالها
اهل الوفا والطيب والفعل المجيد=عتيبه الهيلا عزيزٍ جالها
وقت اللاقا تشرب فناجيل العنيد =وسيوفها الناموس حدر ظلالها
بالدين والنخوة وبالسيف الحديد=يا عنك محدن شاربٍ فنجالها
اسباع غاب ما تكاد الا تكيد=ترمي العشا بكفايها واقبالها
وليا التقى الجمعان واحتز الصعيد=ناموسها يؤخذ بحد سلالها
وباقي القبايل فعلها فعل يقيد=سمو القبايل ما نغط أفعالها
وصلوا على اللي ساد وأرخى كل سيد =عد السعة وايامها وليالها
[/poem]
وقدم الشاعر محمد بن جالي القثامي قصيدة رائعة قالها في الملك عبد الله بن عبد العزيز
حفظه الله تحت إسم ( صقر العروبــة )
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صقر العروبه حبيب الشعب عبدالله=رمز الشهامه ورمز الطيب في جيله
خادم لبيت الله ومسجد رسـول الله=الله يعـزّه ويكتـب لـه تساهيـلـه
شفته وشفت الفرح بعيون خلـق الله=يومي بكفه وكل الناس تومـي لـه
اناشهد انه زعيم الخيـر بـاذن الله=بالخير يسعى ويسعى الخير ويجي له
الخيرفي مجلسـه يبـدا بذكـر الله=ينصت لشرحه بعد ما انصت لترتيله
للشعب مخلص وقلـبه ملخـصٍ لله=ماضنتـي فيـه مخلـوقٍ يحاليلـه
الحكم حكم الوفا والديـن ديـن الله=ركعه وسجـده وتكبيـره وتهليلـه
حَب اليتامى وهم حبّـوه بامـر الله=ومن حبهم دمعته طاحـت بمنديلـه
ياكثـر عدلـه وكثـر مراقبـه لله=ومن كثرعدله جميع الناس تدعي له
حتى عدوه سمـح لـه واعتقـه لله=اخلـى سبيلـه ولادوّر محاصيلـه
مادام شيٍ يخصـه فالعـوض بالله=تفكيره اكبر من الوقـت ومهابيلـه
لكـن دون الوطـن والديـن لاوالله=يشيل حملٍ عجز كم واحـد يشيلـه
يضرب على هامة الظالـم بحـدالله=راع المحابيـل ماتمشـي محابيلـه
عليه عين الرضا واقول ماشالله = غيثٍ تعلّى ورشتنا هماليله
كل القرارات عنْونهـا بعـون الله=يصدر قـراره وتسعدنـا تفاصيلـه
يمد كف العطا والـرزق عنـد الله=اوامر الخير تشرب مـن فناجيلـه
هـذا ملِكنـا وقايدنـا بـشـرع الله=اتموت حكام ماوصلـت مواصيلـه
[/poem]
وشارك أيضاً الشاعر فهد بن بادي المرشدي بقصيدة قالها .
وبعد تناول مأدبة العشاء تم التقاط هذه الصور بعدسة المنتدى :
الشيخ فارس بن نماس العبود - الفريق متقاعد سعد الاوسيمر - الشيخ بندر بن نايف بن محمد بن هندي بن حميد - الشيخ عبد الله بن ضيف الله العبود - الشاعر حميد بن رازن الذيابي
ذوي عديس من قبيلة الشيابين
الشيخ عبد الله بن ضيف الله العبود - الشيخ مسلط بن ضيف الله العبود
الشاعرالشيخ بندر بن سلطان العبود - الشيخ عبد الله بن ضيف الله العبود - الشاعر سمران القثامي - الشيخ مسلط بن ضيف الله العبود
الرواي والشاعر سعد الذيابي -الشيخ فارس بن نماس العبود
الاستاذ بادي بن وديد المرشدي - سليم بن عايش القثامي
الشاعر سمران القثامي الشاعر - عبد الله بن عايض القثامي - سالم بن شباب القثامي
عوض بن مذعور القثامي - عايض بن سعيـّـد القثامي
ذيب الدهاسي -الشاعر محمد بن جالي - مرضي بن جالي -الشاعر عبد المحسن بن داخل - مسفر بن عساف
مازن موسم القثامي - الشاعر موسم بن سفر القثامي
[align=center]منقــــول[/align]
| 
|
07-26-2007, 12:28 AM
المواضيع المتشابهه
العرض المتطور
