سؤال ياعتيبه

[بواردي عتيبه]

ابغى اسم الشاعر صاحب القصيده اللي مطلعها:
يالله انا طالبك حمرا هوى بالي
لاروح الجيش طفاحن جنايبها
وانا اعتبرها افضل قصيده بعد رائعة بديوي الوقداني :
ايامنا والليالي كم نعاتبها
شبنا وشابت وعفنا بعض الاحوالي
وارجو الرد الله لايهينكم.........

[إبن ثعلي]

اللي اعرفه من سنين طويله يوم غناها سمير الوادي في الثمانينات انها لأبوه مخلد الذيابي ولكن العام الماضي قابلت بعض احفاد مخلد الذيابي وجاء فيها مجال وقالوا انها ماهي لجدهم وانها قصيدة القرقاح القحطاني
تحياتي لك

[ديم]

فراج بن ريفة القرقاح القحطاني رحمه الله

[ديم]

الا قال ابن ريفه عدى مرقـب(ن) عالـي
مرقب(ن) عالي تومـي بـه هبايبهـا ..

هيضني الرّجـم ونـا عقبهـم سالـي ..
وذكرنـي باوطـان(ن) شطّيـت ابهـا ..

يالله انا طالبك حمـر(ن) هـوى بالـي ..
لاروح الجيـش طفـاّح(ن) جنايبـهـا ..

وان برّك الجيش حديّه اشهـب اللاّلـي ..
ماهيب تورّد وسيع(ن) صـدر راكبهـا ..

اللّي علـي كورهـا واللـي بالحبالـي ..
واللي علي المردفـه واللـي بغاربهـا ..

لاروحت مـع تخاتيـخ الخـلا الخالـي ..
كـن الذيابـه تنهّـش مـن جنايبهـا ...

مع بندق(ن) رميها ماض(ن) لها افعالي ..
امخضّب(ن) عذبها من ضرب شاربهـا ..

حديدهـا واذكـر الله كنـه اريـالـي ...
كـن الحيايـا تلـوّى فـي مقاضبهـا ...

الـي لفونـا مـن المقنـاص زعّالـي ..
احد(ن) مدح بندقه واحـد(ن) يعذربهـا ..

بشرتهم بالعشـا مـن عقـب مقيالـي ..
القايده مـع مـرد الكـوع ضاربهـا ...

الله يرحمـك ياعـود(ن) شراهـا لـي ..
من واحد(ن) جابهـا للسـوق جالبهـا ..

ويالله انا طالبك حمرا(ن) هـوى بالـي ..
لاروّح الجيـش طفـاّح(ن) جنايبهـا ....