في ليلةٍ من ليالي العز وفي إحتفال بهيج شقت أنواره كبد السماء
في يوم الخميس ليلة الجمعة الموافق 7 – 8 / 5 / 1428 هـ
وبحضور فاق عددهم الــ2500 شخص من شيوخ واعيان وافراد قبيلة عتيبه والقبائل الأخرى .
كان للتكريم موعد وكان لمن يستحق التكريم حضور
حفل أقامته قبيلة المقطة بمناسبة زيارة الشيخ / فيصل بن سلطان بن حميد إلى هجرة عشيرة
الشيخ / فيصل بن سلطان بن حميد في المنتصف
وعلى يمينه الشيخ / هندي بن حميد وعلى يساره الشيخ / بجاد بن سلطان بن حميد
وكان لشيوخ قبائل عتيبه كعادتهم السبق في الحضور للمشاركة :
الشيخ / عبدالله بن ضيف الله العبود ( الثاني من اليسار )
الشيخ / مسلط بن ضيف الله العبود ( الثاني من اليمين )
وكان في معية الشيخ عدد كبير من أعيان قبيلة القثمة
وقامت وفود فخوذ قبيلة المقطة وقبائل عتيبه بإلقاء الحدايا الترحيبيه
واخترنا لكم منها حداية وفد قبيلة القثمة :
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
سلام جيناكم كما نو يقود من المخايل =يبرق ويرعد في السماء والسيل مع مجراه سايل
يا ذي حمد يأهل الوفا والطيب ورجال الدلايل =عاداتنا التكميل في وقت اللوازم ما نغيب
حنا قثام أهل الوفا والعرف ورجال الجمايل =قبيلة تعرف بطيب الأصل من بين القبايل
والله يعز املوكنا أهل الطيب ورجال الفعايل =في حكم ابو متعب وابو خالد منزحة الحريب[/poem]
ثم بعد ذلك بدأ البرنامج الخطابي للحفل :
بآيات من الذكر الحكيم
تلتها كلمة أهالي عشيرة
ثم ألقيت بعد ذلك ثلاث قصائد ترحيبة ألقاها :
الشاعر / حبيليص بن قبلان المقاطي
الشاعر / مسعود بن سعد المقاطي
ثم أنشد الشاعران عبدالله القثامي و مسعود المقاطي عرضاً ترحيبياً
بمناسبة تعيين صاحب السمو الملكي الأمير / خالد الفيصل
أميراً على منطقة مكة المكرمة
الالقاء الإنشادي الترحيبي
تم تبعهتها مجموعة من القصائد المختارة التي ألقاها :
الشاعر / سمران بن عايض القثامي
والشاعر / جابر الشيباني
والشاعر / نوار العامري
والشاعر / عوض القني
وهذا نص قصيدة الشاعر / سمران بن عايض القثامي
[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا قصيدي غن وأرقى فالطويل العالي=عادتك روس النوايف والقمم ترقاها
ما سقيتك في رحاب الصدر غير زلالي =شجرة منها الظلال وفاليدين جناها
غن يا ورق الحمام وهات يا موالي =هات من وبل المزون ليا ضحك منشاها
لين اسطر فالورق در الكلام الغالي=من ينابيع الضمير اللي قراح ماها
شاعر ما يارد الجمة بدون حبالي =وان ورد بل الكبود الضاميو وارواها
يا سلام الله على نبع الكلام الحالي=والهجوس اللي تبايعني وانا مولاها
كل ما دكت هواجيسي وجاد خيالي=اعشبت بيد المعاني والنفل يغشاها
شوش يا راسي وأبا احذف غترتي وعقالي=موقف يفرض عليه وقفتي وأحماها
كيف ما سطر كلامي وافتخر فاقوالي =واتنومس بالبيوت اللي على معناها
مهرتي تجمح ولي فالطايلة منزالي =والعزاوي والسيوف المرهفه تشعاها
قاضب خطام الحقايق والسعد يبرالي=والفعول مثبته واللي نشد يلقاها
لي حوالي شهر مغلق شاشة الجوالي=مبتعد عن زحمة العالم وعن ضوضاها
عاقد حبل العزيمة والسبب كالتالي=لابتي وفعولها اللي ما أحد ينساها
كيف ماسوق المدايح والكلام الغالي= وارفع البيرق واسوق المدح في طرياها
لا بتي زبن المجنا والذليل الجالي=والوحيد اللي يدين العون ما يلقاها
لابتي سقم الحريب ولطمة العيالي =سعد من عنز على الهيلا ومن ينخاها
لا اشتعل للحرب نار وعودت للصالي=واتفتح باب العزاوي والرمك وحداها
لاعوى ذيب المجاعة فالشعيب الخالي=وانكفت خيل الحفيف وعزوتي تقفاها
بشرو ذيب الخلا يقنب بصوت عالي=للذياب اللي تجاوب فالخلي بعواها
والله لتشبع بعد ينذاق مر وحالي=من وقايع عزوة عتيبه بصف عداها
ما كسبنا طيبنا بالحكي والدوفالي =غير بالسيف الحدب ومهارنا وحداها
لين بنينا البيوت اللي لهن ظلالي=في سنام الديرة اللي رمحنا يحماها
في قرارة نجد قدام الحكم والوالي=ماش حب خشوم غير بسربة ننخاها
لين زحزحنا الجبال الشم والاقدالي=والجمال اللي تهادر بالطغى سقناها
ما تخضعنا لو الدم الحمر وشالي =المذلة وصمتة سوداء ولا نرضاها
يوم سوق الهدو للمرباع والترحالي = والقوي يفرض على القصرة ثمن مرعاها
ما مسحنا جوخة الشيخة قديم وتالي = لو سموم القيظ ترمينا على رمضاها
يوم ميحات الدلي والجيش والزرفالي= والليال الموحشة والخوف من ظلماها
فعلنا نون يجي له فالبحر زلزالي=بالجموع اللي فعايلها عطور لحاها
في جبين المجد بصمتنا فخر وتلالي = مثل ضوح الشمس في كبد السماء مبداها
لين جاء عبد العزيز محقق الامالي=وانطفت نار الفتن والله دفع بلواها
بدد الظلمة وغير مجمل الاحوالي =وحد بدود الجزيرة وانتهت فوضاها
وازهرت به نجد مثل الغيث بالهمالي=واعتلى مع راية التوحيد في علياها
واكتمل عقد المسيرة والحمول ثقالي=في طريق اللي قطع رووس الفتن وأخزاها
لين صارت مملكتنا بالفخر مدهالي = وارقبت فوق الثريا درة نفداها
في دار آل سعود كف البطش للمحتالي=وجنة يلقى رغدها من مشى لرضاها
والختام أزكى صلاة وخير ما ينقالي = بالرسول اللي لطم عين الجهل وأعماها
[/poem]
الشاعر / سمران بن عايض القثامي أثناء القائه القصيدة
ثم أقيمت أمسية شعرية ضمت الشعراء التالين :
الشاعر / عبد الله بن عايض القثامي
والشاعر / تركي بن ماطر الغنامي
والشاعر / مرزوق المقاطي
شعراء الأمسية
وبعد ذلك تفضل الضيوف والحضور لتناول مائدة العشاء
ثم إختتم الحفل بالمحاورة الشعرية بمشاركة كلاً من :
الشاعر / مستور العصيمي
الشاعر / عبد الله بن عايض القثامي
الشاعر / فيصل الرياحي
الشاعر / عايض أبو رجيله
شعراء المحاورة
أحد صفوف المحاورة الشعرية
والسلام عليكم ورحمة الله وبركاته
منقول من منتدى قبيلة القثمة الرسمي
| 
|
05-26-2007, 08:18 PM
المواضيع المتشابهه
العرض المتطور
