قبيلة عتيبه في ابيات ؟؟؟؟؟؟؟؟؟؟؟؟؟؟

[الذويبي العتيبي]

[align=center]قبيلة عتيبه في ابيات
احبائي السلام عليكم ورحمة الله وبركاته
سبق لي مشاركه بقصيده ووعدت بان اكتب
قصيده عن القبيله 0ولكن معذرة على قلة
الابيات نظرا لضيق الوقت لدي وهي في
عجاله التمس العذر في التقصير وقد تروق
لكم وقد لاتروق فالعذر والسموحه0

تهيض خاطري في يوم قلت ابا اعـبر القارات
واخـذت الـنـت طياره وحددت السـفــر بالمـيل

دركسونه هي الفاره وخطه فايق الســرعــات
دخلت اجواء الدول في ربع ساعه كلها تسهـيل

بدون اوراق نـكـشـفـها ولا تخـتـيم بالصفحـات
ولا صاحب يـقـابـلـني يـسوي خدمة التحصيل

وحــددت الوقـــوف بـمـوقـع جـذاب للنـظرات
عـلـيه اسـمٍ يـخـلي من يـشـوفه يـنـثـني وايميل

لو انه من شموخ النـفس ياصل معظم الهامات
اسـم ربعي عـتـيـبه مابها شـكـه ولا تـضـلـيــل

رجال يلـطـمون اللي تجي من نـفـسـه العالات
ولوجا ضيف دنوا له من الكـرمه سمان الحيـل

لهـم تـاريخ بالـتاريخ فـالصـولات والجـــولات
يـعـزون الـدخـيـل وللـعـدا سـوات نار الـويــل

لهـم مع بـعـضهـم وقـت الشدايد فالزمن وقفات
جـبال مـرسـيه ما تـنـمـحي ياعـارف الـتمـثـيل

سـلامي ياعـتـيـبـه ياذرى راسي هـل القــالات
عـدد ماعـيـن للـبـراق فــي نـوه تــود اتـخــيـل

ولا اسـب القـبـايل مالـنا فـالـســب من حاجات
وكـل يـشـهـد الـتاريـخ لاســمــه مايـبي تـعـليل

ترى خطي كـتـبته ياجماعه فا سْـرع اللحظات
وطالب للسـمـوحه لو حصل زله وجـأ تـقـلـيـل

اخوكم ابو مازن/ رداد الذويبي العتيبي[/align]

[عــمـــر]

[align=center]صح السانك وبيض الله وجهك

لاهنت يا بو مازن على هالقصيده




تحياتي[/align]

[اميرة عتيبه]

صح لساااانك اخوي رداد

وابياتك شرف لعتيبه .

[ابن مسلم]

اخوي / رداد الذويبي

صح لسانك وبيض الله وجهك

وكفيت ووفيت

وعتيبه يستاهلون اكثر

تقديري لك

[الذويبي العتيبي]

اخوي عـمـــــر

اختي اميره

اخوي إبن مســــلم


الله لايهينكم والشرف لي بتواجدكم هنا


وانتم تستاهلون كل جميل وطيب


اشكركم جميعا على هذا الاطراء الجميل


والاناره الباهره لهذا الموضوع

الله يحفظكم ويكثر خيركم

دمتم بخالص الود

[رائد العتيبـي]

سـلامي ياعـتـيـبـه ياذرى راسي هـل القــالات&&عـدد ماعـيـن للـبـراق فــي نـوه تــود اتـخــيـل
بيض الله وجهك دنيا وأخره وصح السانك رداد

[الريم العتيبيه]

صح لسانك وان شـــــــــــــالله ــــــــــــــــــــــــــــــــــــاءدوم

رافعين روسنا بقبيلتنـــــــــــــــــــــــــــــــا

[الذويبي العتيبي]

اخوي رايد العتيبي

اختي الريم العتيبيه

وجيهكم بيض وكثر خيركم على هذا الرد الجميل


اسعدني تواجدكم وسرني كثيرا

لاعدمناكم يالغالين

[فهدالذيابي]

سلمت يمناك يالذيب

[ناصر الحربي]

رداد العتيبي

صح لسااانك ولاهنت

قصصيده جزله من شاعر جزل

والنعم بعتيبه وبكل القبيال


تحياااااااااااااتي