[poem=font="Simplified Arabic,4,black,normal,normal" bkcolor="white" bkimage="../backgrounds/39.gif" border="outset,4,gray" type=0 line=0 align=center use=ex num="0,black"]
طار الكرا عن موق عيني وفـرا=وفزيت من نومي طرالي طـواري
وابديت من جاش الحشامـا تـدرا=وأسهرت من حولي بكثر الهذاري
خـط لفانـي زاد قلبـي بـحـرا=من شاكي ضيم النيـا والعـزاري
سريا قلم وأكتب على مـا تـورا=أزكي سلام لابن عمـي مشـاري
شيخ على درب الشجاعه مضـرا=من لابة يـوم الملاقـا ضـواري
ياما سهرنـا حاكـم مـا يطـرا=واليوم دنيا ضاع فيهـا افتكـاري
أشكي لمن يبكي له الجـود طـرا=ضراب هامـات العـدا مايـداري
ياحيف ياخطو الشجـاع المضـرا=في مصر مملوك لحمـر العتـاري
مـن الزادغادلـه سنـام وسـرا=من الذل شبعان ومن العز عـاري
وش عاد لو تلبس حريـر يجـرا=ومتوج تـاج الذهـب بالـزراري
دنياك يابـن العـم هـذي مغـرا=ولا خير فى دنيا حلاهـا مـراري
تسقيـك حلـو ثـم تسقيـك مـرا=ولذاتهـا بيـن البرايـا عـواري
اكفـخ بجنحـان السعـد لاتـدرا=فالعمر ما ياقـاه كثـر المـداري
مافى يد المخلـوق نفـع وضـرا=وما قدر الباري على العبد جـاري
واسلم وسلم لى على مـن تـورا=واذكر لهم حالي وما كان جـاري
ان سايلـو عنـي فحالـي تسـرا=قبقب شراع العز لـو كنـت داري
اليوم كلًّ كل مـن عميلـه تبـرا=حطيت الأجرب لي رفيق مباري
رميت عني برقع الذل برا=ولا خير في من لا يدوس المحـاري
يبقـا الفخـر وانـا بقبـر معـرا=وافعال تركي مثل شمس النهـاري
نعم الرفيق الى سطـا ثـم جـرا=يودع مناعيـر النشامـا حبـاري
وأحضنت نجد عقب ماهى تطـرا=مصيونه عن حر لفـح المـذاري
وانزلتهاغصـب بخيـر وشــرا=وجمعـت شمـل بالقراياوقـاري
والشرع فيها قـد مشـا واستقـرا=ويقرا بنا درس الضحى كل قاري
زال الهـوى والغـى عنهـاوفـرا=ويقضي بها القاضي بليا مصـاري
ون سلت عن من قال لى لا تزرا=نجد غـدت بـاب بليـا سـواري
ومن أمن الجاني علىمـا تحـرا=وتازي حريمه بالقرايـا وجـاري
واجهدت فى طلب العلا لين قـرا=وطاب الكرى مع لابسات الجزاري
ومن غاص غبات البحر جاب درا=ويحمد مصابيح السرى كل ساري
وانا احمد اللي جاب لـى ماتحـرا=واذهب غبار الذل عني وطـاري
والعمـر مـا يـزداد مثقـال ذرا=عمر الفتى والرزق فى كف باري
وصلاة ربي عد مـا خـط قـرا=على النبي ما طاف بالبيت عاري [/poem]
الأجــرب : اسم ســـيفــه
| 
|
04-05-2007, 02:32 PM
المواضيع المتشابهه
العرض المتطور
