[frame="9 80"][align=center]أعزائي هذه إضاءه حول شاعر
تميز بشعره
مهما قلنا لا نفئيه حقه
أنه
أسم كبير في خارطة الشعر الخليجي
ويعتبر من شعراء الشعر النبطي المخضرمين
وأحد أهم مؤسسي مدرسة الشعر بمدينة الشعراء
شاعر برتبة استاذ شهد له بذلك اعظم أدباء الخليج
يمنح القلوب عذوبة الشعر وعذوبة الإحساس
ويخط تفاصيل التفرد الشعري في مفردة القصيده
من مواليد دومة الجندل بمنطقة الجوف
بدأ مشوارة الشعري وأيضا الصحفي منذ عقدين من الزمان
حيث عمل بأكثر من مطبوعة منها على سبيل المثال:
*زاوية (ملاحظات شعبية) في جريدة البلاد وهي نقدية
وأيضاً صفحة وجدانيات في نفس الجريدة
* عامود شبة يومي( الكي على الوجع ) في جريدة اليوم
*زاوية أسبوعيه في جريدة الجزيرة
وأيضاً له العديد من المشاركات الشعرية
في بعض الصحف والمجلات السعودية والخليجية
أمسياته الشعرية
اقام العديد من الأمسيات داخل المنطقه كان أخرها
في مهرجان الصيف في العام الماضي
و خارجها كانت آخر أمسياته مهرجان الجنادريه عام1426 هـ
وأقام أمسية له في مهرجان الجنادرية عام 1418هـ
قال في إحدى لقاءاته عندما سئل عن الشعر
أن الشعر اذا له حسنات تذكر لعل من أهمّها بالنسبة لي
أنه قام بدور الوسيط بيني وبين جمهوري وكان سبباً في تعرفي على الناس
والذي وصفهم على حد قوله (أي الجمهور) انهم الثروة الحقيقية والتي
طالما فاخر بهم في قصائده
أ
بتعد عن الساحة الشعبيه من خلال النشر منذ ما يقارب تسع سنوات
والأسباب على حد تعبيره
ان هذه الساحة (اي الشعبيه) لم تعد تفرق بين الصالح والطالح
هو الشاعر الذي صنّف الحب على ثلاث أصناف حيث قال[/align][/frame]:
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حب ٍ يموت وحب يبقى معي حي=وحبٍ يمر القلب مـر السحابـه[/poem]
[align=center]أنه الشاعر
((عبدالرازق الهذيل ))
اليكم مجموعه من قصايده التي يحملها الشريط الصوتي[/align]
[align=center]*******************************[/align][poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مهما يكون الشعور اللـي علـي بـادي=لا زلت انا الوارد اللي ماطـوى حبلـه
على القـراح الزلالـي طـال تـردادي=اشرب واصدر ظما مدري وش اشرب له
يا من تغاربتـي غيابـي وهـو عـادي=بُعد الرجل عن دواعي ذلـه اهيـب لـه
ماامشي قبل لا اعرف الوجهه بلا قادي=ولا اصلـي الا وانـا متقبـل القبـلـه
منزالي النايفـه عـن حـدري الـوادي=ورجلٍ يجي في مسيل السيل يـا هبلـه
أبعدت مالي غـرض فـي ذل مقعـادي=ما دام يلعب لي الذعـذاع والعـب لـه
ماني لعرفي مع هـل العـرف متـرادي=لاشك كبدي من اللـي شفـت مندبلـه
يا لاقيـة خيـر هـاك العلـم للغـادي=اللي عجز يفرق الشيحـه مـن الربلـه
أمانـتـك بلغـيـه لـكـل حـسـادي=لا غارت الكـدش وكحيـلان باصطبلـه
أنا أول العشـر مانـي للعشـر حـادي=مالك ومـال افتـراض الجاهـل الأبلـه
يموت انا حاسدي مـا ياصـل ابعـادي=منّي نجوم السما لو يفهـم اقـرب لـه
ولابد ما الهايج المايـج يجـي هـادي=وكلٍ يشاف المكان اللـي يناسـب لـه
إن مت مات النبـي وآبـاي واجـدادي=وما دام لـي يـومٍ مانـي ميّـتٍ قبلـه [/poem]
[align=center]*******************************************[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أببعـد عنّـك لديـارٍ بعـيـده=أبرحل واترك الديـره لاهلهـا
أبنسى وأبتدي صفحة جديـده=وأصلّح حالتـي وأرفـع خللها
عنيد وقمت اصارع لي عنيـده=ابي ترضى وهي يكثر زعلهـا
زرعت الزرع ما نلت الحصيده=تموت بساع ما يطلـع سبلهـا
تعبت ولا وصلت اللـي اريـده=ومات بداخـل عيونـي أملهـا
تدور براسـي أحـلامٍ سعيـده=وطيفـك لا تذكرتـه غسلهـا
أبرحل وأترك الحـال الزهيـده=وأبدل بالوعر واسـع سهلهـا
يعاف السوق من يخسر رصيده=ويترك ديرته من عاف اهلهـا [/poem]
[align=center]***********************************************[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا خاطري مهما زعلت ابعد الرمـس=خل الزعل عن مزعلك سـر مكتـوم
لا تلمس الجرح الخفي داخلي لمـس=تراك فـي هالسالفـه منـت ملـزوم
ماليوم لو تستنكر الوضع مثل أمـس=يا كبر فرق صار بين أمس واليـوم
بيني وبينك خلها همس فـي همـس=ترى اصدقانا بالحقيقـه هـم القـوم
عندي خبر بأهل الحسد رايهم عمس=اول هدفهم وأخـره صـار مفهـوم
والله لو أظهر للملا كنـي الشمـس=غير يتظاهـر حاسـدي بالعمـا دوم
النمس يبقى طول عمره وهو نمـس=والبوم يحسب كل طاير سمـا بـوم
وكم جاهل يهرف ولا يعرف الطمـس=له عند حسـادي سواليـف وعلـوم
ياخاطري مايصفق الخمس بالخمـس=غير اللذي صارو له امثالك خصـوم
اصبح على رجوى فرج خالقك وأمّس=مالك بغير الله فرج ضيـق وهمـوم [/poem]
[align=center]*********************************************[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا حسين قبل الفنا خذ منـي الجزلـه=ذي خارطة كنز ابوك بداخـل ابياتـه
ورث الذهب ما يفيد اللحيـة الرزلـه=والفقر ما عيّب اللـي يحتـرم ذاتـه
ولا كل رغبات راعي المال تنجزلـه=كم رغبـةٍ بيـدت حيلـه وحيلاتـه
انصحك عن طلعة تفجعـك بالنزلـه=الكذب مـا يحمـد العاقـل نهاياتـه
لا من تكلمت كـب الهرجـة الهزلـه=واذكر من الهرج دسماتـه وجزلاتـه
ومن بان في ثوب غيره حط في عزله=ويفضح قصير النظر كثـر اتجاهاتـه
وياحسين لاجاز لك عقل الرجل جزله=وره حقيقة شعورك واطلـع مرآتـه
وابعد عن الصاحب المشبوه واعتزله=تـراك لـو ماتتيـه تشيـل تيهاتـه
والنذل لـو مـت جايـع لا تلزلزلـه=ارفع مقامك عـن الواطـي ومنّاتـه
ولا كل صاحب رخا بالضيق يعنزلـه=ياكثر ما تكتشف لا احتجـت علاّتـه
وراعي الحسد ما يخلي للحيّل غزلـه=لا يستثيـرك بهمزاتـه ولمـزاتـه
ترى سكوت الرجل لا زعّل اركز لـه=راع الحجا يذبـح الحسـاد بسكاتـه
[/poem]
[align=center]ودمتم بألف خير[/align]
| 
|
01-31-2007, 09:50 PM
المواضيع المتشابهه
العرض المتطور
