قصيده ::][ هووووول][:::

[رائد العتيبـي]

ذي القصيده للشاعر نـآيـف العتيبــي وهي أعجبتني وحبيت أنقلها لـكم

..............

بعض الغلا ياخذ له ايـام ويـزول ** وبعض الغـلا نفنـا وهولايزالـي
وانته غلاك بوسط قلبي على طول ** ماينمحـي لـو طوّلـن الليـالـي
يصول حبّك داخل فؤادي ويجـول ** آمـر تدلـل ياحسيـن الـدلالـي
اعيونها لاسلهمت ياعـرب هـول ** اتضّيع أشنـاب وعقـول ٍ ثقالـي
العين عين مذير ٍعافـت الجـول ** الكسر ذيّرها عن فـيّ وظلالـي
قطعت من شانه تضاريس وسهول ** وقنبت فـوق النايفـات الطوالـي
لعيون خشفٍ ضامر القد مجـدول ** يالعنبوها من التـرف والجمالـي
اصفر عفر برموشها الموت مسلول ** تقول شلفا ذيـاب وزيـد الهلالـي
كانون رّوح وابتدأ شهـر أيلـول ** شهرين طافو ماتجـاوب سؤالـي
واليا اتصلنا دايم الخـط مشغـول ** وش علمك بحالـي أبـد ماتبالـي
يازين طمّني برسالـه ومسكـول ** اطفي لهيـب زايــد باشتعالـي
وكانك عشقتي غيرنا مابقى حلول ** روحي بطريقك جعل دربك سهالي
يابنت أنا عزيز وعّزي من زحول ** زحول الرجال أهل الفخروالفعالي
أنا عتيبي منثني سيـف مصقـول ** من باعني بعته ولو كـان غالـي
بحفظ ملف قضيتي بسـم مجهـول ** وبنساك وابقى داله ٍ عنـك سالـي

[إبن ثعلي]

مشكور اياخ رائد على حسن الاختيار
تحياتي

[رائد العتيبـي]

أبن ثعلي :: تشرفت في مرورك ياعزيزي وحياك الله

[مستر عتيبي]

صح لسانك أخوي رائد و لسان قايلها
و الله يعطيك العافيه على النقل
مع تحياتي

[رائد العتيبـي]

مستـر عتيبـي .. صح بدنك وأسعدني مرورك طـآل عمـرك

[بنت* عتيبة]

رائد العتيبي مشكور على الابيات

[رائد العتيبـي]

بنت عتيبه .. حياك الله وشرفتي المكآن ياطويلة العمر

[فهموني غلط]

المشاركة الأصلية كتبت بواسطة رائد العتيبـي ذي القصيده للشاعر نـآيـف العتيبــي وهي أعجبتني وحبيت أنقلها لـكم .............. بعض الغلا ياخذ له ايـام ويـزول ** وبعض الغـلا نفنـا وهولايزالـي وانته غلاك بوسط قلبي على طول ** ماينمحـي لـو طوّلـن الليـالـي يصول حبّك داخل فؤادي ويجـول ** آمـر تدلـل ياحسيـن الـدلالـي اعيونها لاسلهمت ياعـرب هـول ** اتضّيع أشنـاب وعقـول ٍ ثقالـي العين عين مذير ٍعافـت الجـول ** الكسر ذيّرها عن فـيّ وظلالـي قطعت من شانه تضاريس وسهول ** وقنبت فـوق النايفـات الطوالـي لعيون خشفٍ ضامر القد مجـدول ** يالعنبوها من التـرف والجمالـي اصفر عفر برموشها الموت مسلول ** تقول شلفا ذيـاب وزيـد الهلالـي كانون رّوح وابتدأ شهـر أيلـول ** شهرين طافو ماتجـاوب سؤالـي واليا اتصلنا دايم الخـط مشغـول ** وش علمك بحالـي أبـد ماتبالـي يازين طمّني برسالـه ومسكـول ** اطفي لهيـب زايــد باشتعالـي وكانك عشقتي غيرنا مابقى حلول ** روحي بطريقك جعل دربك سهالي يابنت أنا عزيز وعّزي من زحول ** زحول الرجال أهل الفخروالفعالي أنا عتيبي منثني سيـف مصقـول ** من باعني بعته ولو كـان غالـي بحفظ ملف قضيتي بسـم مجهـول ** وبنساك وابقى داله ٍ عنـك سالـي

صح لسانك وبيض الله وجهك

[رائد العتيبـي]

فهموني غلط .. حياك اخوي وتشرفت في مرورك طال عمرك