قصيدة أعجبتني للشاعر المعروفءءءءءءءءءءءءءءءءءءء

[ابـو حـمـود]

قصيدة قيلت في الجنادرية للشاعر المعروف نايف صقر إن شاء الله تنال أعجابكم.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يالـي تكسـي العظـم بالحـال=تسقـي وطـنـا مزنة(ن)عقربـيـه
وانـك تبـارك بالحرايـر والانجـال=وتساعـد الراعـي حبيـب الرعيـه
والشعر ما يكتب علـى كـل منـوال=والارض ماهـي كــوره دايـريـه
الارض كوكب والسماء مالهـا جـال=والعيـن ماهـي فـي هواهـا خليـه
واحباب الارض الوان واشتات وأشكال=والحـب فطـره والمحبـه سجـيـه
قد وردوهن هيت واخطوهـن عيـال=لين ادخلوهن فـي حمـى العيطليـه
يتلون شيخ مـا معـه غيـر الامـال=والاربعـيـن شـيـوخ وبـوارديـه
على النضى والعمـر فانـي ورحـال=باعـو ضمايرهـم علـى المهمهيـه
والذيب ياما بات فـي صـدر رجـال=عـلـى دروب متعبـيـن المطـيـه
عقب ذبحه جوعه على روس الاقضال=وجر العوى في كل صـوب ونحيـه
واليوم طابت نجد في كـل الاحـوال=ومن المـرض والخـوف والجاهليـه
ويالي عقالـك فـوق حاجبـك ميـال=نفـداك حتـى جــدودك الوايلـيـه
ياعـل عيـن ماتشوفـك وتخـتـال=لا شافتك تمسي عبـوس (ن) رديـه
حنـا هلـك نفـد وتهاتيـه وجبـال=وعزوتـك حنـا والعقـيـده قـويـه
حنـا الكتايـب والسرايـا والابطـال=وحـراس راعـي السنـه الاحمديـه
حنا العرب حنـا القصايـد والامثـال=مـن قبـل قيـس وفتنـة العامريـه
حنا هل التوحيـد ماضيـن الافعـال=هـل البيـارق والظفـر والحمـيـه
بحجازنـا جبريـل حـول بالانفـال=علـى محمـد خيـر كـل البـريـه
مافـي عروبتنـا سواليـف وجـدال=لنـا المهـور تـعـود واليعربـيـه
يايعربيـن بينـت عنـك الاجـيـال=المجـد لـك والخـيـل والشاذلـيـه
نمد لك مـن صافـي الـود فنجـال=مـن كـف نجـد المكرمـه والعذيـه
من وين اببداء فيك يالشامـخ العـال=حيـرت فيـك الـقـدره الابجـديـه
من يم ابو تركي بطـل دار الابطـال=والا لـدمـك وامــك الشـمـريـه
قلت السراب أعذب مـن الهـم والال=وأخطيـت ياكبـر الغـلا والخطيـه
يابنت يالـي علـى صـدرك جـلال=ياالـحـره الميـاسـه الغشمـريـه
ياكم هلـك دونـك هـواوي وعـذال=مانتـي مناديـلـك عليـهـم نـديـه
شمتي لـراع العـز والجـاه والمـال=ونمتي تحت حدب السيـوف محميـه
وإلك السـلام شمـام ياطيـب الفـال=ليـت اليالـي اعـراس وجنـادريـه [/poem]

الشاعر| نايف صقر

[إبن ثعلي]

مشكور يابو حمود ماقصرت
تحياتي

[محمد العتيبي]

لاهنت يابوحمود على النقل وصح لسانك ولسان الشاعر نايف صقر.

تحياتي

[الفطين]

صح لسانك ولسان الشاعر ...

مشكوووووووور يا أبو حمــــود ...

[عطيب عتيبه]

لاهنت يابوحمود على النقل وصح لسانك ولسان الشاعر نايف صقر.

تحياتي

[النـايــــــف]

صح لسانك اخوي ابو حمود

وصح لسان الشاعر الكبير نايف صقر الدلبحي

وبيض الله وجهك يا الغالي

على هذا الاختيار الرائع

تحياتي لك ،،،،

[ابـو حـمـود]

إبن ثعلي
محمد العتيبي
الفطين
عطيب عتيبه
النـايــــــف
الله الله أثرها لنا وأنا احسبني سارقها الحمد لله يوم رجع حلالنا علينا وثبتناه وسط منتدانا
تدرون وين لقيتها في منتدى بحدود الشمال حاطينها في القائمة الأولى ومتبجحين عليها
وليلي كله أحاول فيهم لئن جيئتكم بها.
ومشكورين على الحضور ومشكور الأخ النايف على إيضاح القصيدة .

[طلق الشيباني]

ابو حمود صح لسانك

ولسان الشاعر نايف صقر

وتشكر على الاختيار الجزل

والله يعطيك العافيه

تقبل خالص تحياتي وتقديري

[رمح عتيبه]

قصيده رائعه وقمت الروعه وصح لسانك ولساااان شاعرها

[برقاوي هواوي]

صــح لسانك اخوي ابو حمود وصـح لسان قايلها ولا هنت على النقل الرائع