ســــــلــــــطــــان الـــشــــــعـــــــر

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="double,4,sienna" type=0 line=0 align=center use=ex num="0,black"]
حبيت اجمع بعض من روائع الشاعر/سلطان الهاجري
في صفحه واحده بسم سلطان الشعر اتمنى ان من
الجميع المشاركه ممن لديه قصيده لهذا الشاعر الكبير


ان جيت ياضاوي عسى الله يحييك=على الشحم ومبهرات الدلالي
عند الرفيق اللي يعزك ويغليك=حيثك ولد عود عزيز وغالي
وإن رحت ياضاوي فلا عندنا فيك=تغيب عنا أشهور ولا ليالي
خذها على الذرعان مني وأنا خيك=الكذب ماهو من صفات الرجالي
لا راجين غيرك ولاني براجيك=وفي كل ميرادن طوال حبالي
أشبك وأحل معقدات الشرابيك=وأشيل ماشالت ظهور الجمالي
ياما تصعلكنا وصرنا صعاليك=وياما تحملنا الحمول الثقالي
للمرجله صرنا عبيد مماليك=وكفوفنا تندى من أول و تالي
لو كان مانمك رصيد على شيك=أوجيهنا عند النشاما طوالي
نشوم عن هذي ونرهي على ذيك=وماحاشت أيدينا مهو راس مالي[/poem]

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="double,4,sienna" type=0 line=0 align=center use=ex num="0,black"]
مثل تالي النهار اللي تقفاه ليل=والشفق تحت قرص الشمس متبعثري
يالله إني دخيلك يامنجي الدخيل=جعلني دايم متهوم وأنا بري
مايذل العزيز ولا يعز الذليل=كود مسرى الخلا في ليل ماينسري
حسبنا الله على الظالم ونعم الوكيل=كل ماشفت طلة زينب العسكري
ياوجودي وجود اللي عشق مستحيل=قلت وش تحتري وقال وش أحتري
قلت طرقي ومتغرب وعابر سبيل=والمصيبه هنا يابري حالي بري
والله إني من الوزن الثقيل الثقيل=مير بعض المواقف ماتجري جري
ما أدري ويش أحط ولا أدري ويش أشيل=بس أغني كذا يالابس الغندري
زينب العسكري بي أم آخر موديل=ماركه عالميه تتعب المشتري[/poem]

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="double,4,darkred" type=0 line=0 align=center use=ex num="0,black"]
رؤيـا منامـي بشّرتنـي بلامـاك=وفزيـت أقـدّم للبشيـر البشـاره
هل تعّلم أنّي واحدٍ مـن ضحايـاك=قتيل حربٍ مثـل حـرب الحجـاره
ليتك مصوّبني برمحـك وشلفـاك=الموت من يمناك ماهـو خسـاره
لكـنّ ذابحنـي بهجـرك وفرقـاك=مدري متى تسمـح لنـا بالزيـاره
شربت سحر البابلي مـن شفايـاك=شراب ضرمانٍ شرب لـه زقـاره
يوم أنّي أزيح الشعر عن محيّـاك=وإيدٍ يميـن الجيـد وإيـدٍ يسـاره
وأن طاحت الدمعه على كف يمناك=حـرارة الدمعـه تداعـب حـراره
يامن خلقك الله بحسنـه وسـوّاك=أشوف فيك مـن العبـاره عبـاره
أحلف واقدّم لـك رهـن وأتحـدّاك=مالـك شبيـه الاّظبْـيّ الـزبـاره
والأشقر اللي كل ماقمـت غطّـاك=شقـار بشـت فـداويٍ فالأمـاره
وإليا نطحـك الريـح والاّ تقفّـاك=شبح !! شبح !! صدام بدْي وغماره
ماقـط سافـر فيـه هـذا ولا ذاك=شبح وزيـرٍ عنـد بـاب الـوزاره [/poem]

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="double,4,darkred" type=0 line=0 align=center use=ex num="0,black"]
والله ما يفتـح مغاليـق الضّمايـر=كود تـل الجيـب والموقـع محـدّد
لا كفـخ بيـن الحتيفـه والزّبايـر=كفخ شيهانِِ علـى الصّيـد يتهـدّد
والحصى مثل الفشق بين التّوايـر=وعجّهـا مثـل الغثيـر اليا تـبـدّد
نحِره معطي على الضّيف البشايـر=عن مواجيب النّشامى مـا تصـدّد
ذاك (أبو سلطان) حمّال الخسايـر=صامـل الفزعـات روقـيِِّ مـردّد
يوم كلّمته وجـور الحمـل جايـر=قال:أنا (ابن روق ) قول:ولا تردّد
قلت : كفووو ،وهلّت العين العباير=لعن ابو قلـبِِ بحبِّـك مـا تجـدّد
جعلها يمناََ مـا تلمسهـا الجبايـر=اليميـن اللّـي تطـش ولا تـعـدِّد
جعـل يفدونـه مجمِّعـة التّجـايـر=شلِّّـةِِ ،عنوانهـا قيِّـد، وســدّد
عكس ( أبو سلطان ) حمّّال الخساير=صامل الفزعات ( روقـيِِّ ) مـردّد[/poem]

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="double,4,darkred" type=0 line=0 align=center use=ex num="0,black"]
يا مجهز الفكسـار بسيـوف ورمـاح = ومفرقـات الجمـع حيـن التحـامـه
مـن ثقـل مافوقـه مطبـه تمرجـاح = مجهـزه راعيـه والـدرب أمـامـه
يهوي كما حـرٍ دعـي لـه بملـواح = فوقـه عطـاوي خـوالـه عمـامـه
من وادي الشبرم الى مفـرق رمـاح = يحـدّد السرعـه ويـربـط حـزامـه
وساعة تعـدى سعـد يـالاح يومـاح = عوّذ من الشيطـان وارخـى خطامـه
ولحظة وصوله والشفق مابعـد بـاح = رحبـت بـه قـدام يبـدي سـلامـه
على أشقـر الفنجـال والعـود فـوّاح = وفقـار شـتـوي سنـامـه يـدامـه
واخذت منـه روس الأقـلام بألحـاح = وازرا المفسّـر لا يفـسّـر حـلامـه
ورحت أتصفّـح كـل بيـت تصفـاح = وافـك حـرف وحـرف أزوّد لحامـه
يا ( ناصر الروقي ) ترى الزند قـداح = والسلـم الأول عــزه الله وادامــه
ماكـل راعـي ذود للـذود مـصـلاح = بعـض الرعـاه مرافقتـه iiالغشـامـه
اللهم انـه بـس ضـاوي iiوســرّاح = عنده مسـاس الأرض كنّـه iiوخامـه
الموت لا طيـح مـن الـذود iiطيـاح = واقفـى عليهـا الليـل يابـو دلامـه
وجاتـك بعـد مـدّه معاشيـر iiولقـاح = وولادهـن عيـد الضحّيـه iiتمـامـه
والغيث لاتكـره مطيحـه اليـا iiطـاح = ربـع بصفـاره وعطـنـي خـزامـه
وان مرتـك هجـن المهابيـل iiطفـاح = اهبـال طيـب ولا صحـاوة iiرخامـه
هذا شطر بيـت كمـا النجـم iiوضـاح = وعـز الله ان راعيـه علـى كلامـه
اللي مسح روس التماسيـح iiتمسـاح = واليـا انتقـم كـلٍ يعـرف iiانتقامـه
والأولـه والثانيـه ســم iiاذحــاح = يبحر بها الصايـم وتجـرح iiصيامـه
راحـت سوالـف كحيـح iiونتحـنـاح = كـلٍ شكـت سبّابتـه مـن iiابهـامـه
واليـا حصـد زرع الفلاليـح iiفـلاّح = العـز يبقـى مـن يجـوّد iiزمـامـه
ولا يربح المليون يا جـورج iiقـرداح = يكـود مـن راسـه قويّـه iiعظـامـه
ما يستـرد الحـق بصيـاح iiوانيـاح = وبشـتٍ حسـاوي وسـاعٍ iiكمـامـه
الا بيـوم فيـه للجمـع iiضحـضـاح = يشيـب منـه اللـي بحـزّة iiفطـامـه
واسلـم ودم مانـاض برقـا iiومـالاح = واقبـل تحيـة صاحبـك iiواحتـرامـه[/poem]

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="double,4,darkred" type=0 line=0 align=center use=ex num="0,black"]
واهني الصخره اللي مايحرقها iiسمـوم=الزمان اللـي يهـد العـزم مـا هدّهـا
الزمان اللـي تحـدا قوييـن iiالعـزوم=لين مشّاهـا علـى ود ماهـو iiودّهـا
والمجامل بعض الأحيان ما يقضي iiلزوم=لابو النفـس الضعيفـه ولابـو جدّهـا
مير تجبرنا العوايد وتجبرنـا iiالسلـوم=نكتم الأسـرار ياليـن تاصـل iiحدّهـا
الردي لا طاح جعله يطيـح ولا iiيقـوم=باح سدّه والنشامـا مـا بـاح سدّهـا
كل ماكبرت وضاقت على عيال iiالرخوم=نحتزم لأكبـر مصيبـه وناطـا iiخدّهـا
جعل قسمي عند ربي من خيار iiالقسوم=واحـدٍ يعطـي العطايـا ولا iiيرتـدّهـا
ياعيال آدم وحـوّا تراهـا مـا iiتـدوم=دورة الأيــام لابـدّهــا iiلابـدّهــا
ياوليد البـط وشلـون ماتقـدر iiتعـوم=وانت ابوك يعوم جزر البحور iiومدّهـا
وانت ياحلمٍ حلمته مهو مثـل iiالحلـوم=ياضحيّة مزح الأحـلام مـدري iiجدّهـا
ادري ان فالناس معطى وفالناس محروم=ايـه يابيـض النوايـا ويامسـودّهـا
وياضميري لا يهمك من الدنيـا همـوم=الصعيبـه حلّهـا والبسيطـه iiعـدّهـا
جات في سد الشوارب وفي سد iiالخشوم=كبّر الضيفه وعش الضيـوف iiوغدّهـا
والمراجل ماتوفـى بضافيـة iiالهـدوم=كود بسيوفٍ يشـوق النواظـر iiحدّهـا
والردي لو درّس المرجله في كل يـوم=المراجل عنـد اهلهـا يذعـذع iiندّهـا
يعتبر قسمه مثل قسم زاهيـة iiالرقـوم=يوم تكحل رمشهـا والقـرون iiتكدّهـا
ماكسبت الا رضا اهل النمايم iiوالعلـوم=يارسول الحكي هـات العلـوم iiوودّهـا
الصفوف اثنين هذا دفـاع وذا iiهجـوم=وانت اظنك لانت معها ولا انت iiبضدّها
شرهة الطيّب تعـداك للغـوج iiالعـزوم=وانت صلفات المشاريه ماانـت iiبقدّهـا
وانت في سود الأظله تريّـح iiومخـدوم=وان ذبحك الجوع كد التكاسـي iiكدّهـا[/poem]

[رمح عتيبه]

الله يعطيك العافيه يااااااااساااااااااري علي روائع الشاعر ابو وساااام ومشكووووووور علي جهوووووووودك

[اخو من طاع الله]

صح لسانك ولسان شاعرها


شاكر لك حسن اختيارك وجهدك الواضح في الموضوع

[برقاوي هواوي]

صح لسانك ولسان شاعرها
وتسلم يمينك

[بدوي متعلم]

الاخ ياليت كل قصيده في موضوع مستقل حتى يكون لها مردود افضل ولاهنت

مجرد وجهة نظر فقط

بدوي متعلم