هــذه محاورة بين الشاعرين مطلق الثبيتي يرحمه الله والشاعر صياف الحربي أتمنى أن تحوز على إعجابكم
مطلق
الحريبي ينفض اللحية ويطوي في معمه
راغ قلبه من شليويح المطيري و الزلامي
والبعير اللي يشيل الحمل عود يرضع امه
بعد قالوا شامخ النيبان مردوم السنا مي
صيا ف
الحريبي يوم غنى حطكم في راس كمه
ثم خلاكم عجينة كن ما فيكم عظامي
الجمل يمشي على الدرب وكلامك ما يهمه
من هديره قمت من نومك وحرمت المنامي
مطلق
الزمان اللي ستر حالك وحالي لا تذمه
والحرم من دونه المسعى وبيبان السلامي
انت داب كل ما حرك شد وقه سال سمه
والله انا ما نذوق السم يا الداب التهامي
صيا ف
انت ذيب تكره البارود يوم انك تشمه
ما تحب النور الابيض ما تحب الا الظلامي
الطعام اللي ليا شفته على صدرك تضمه
لا نقول انه حلال ولا نقول انه حرامي
مطلق
علموا صياف لا يتبع خفيف العقل عمه
دام انا و ياه فالمذهب و فالطرقة ليا مي
والله انا ما نبا اللي بيننا نقال نمه
بعد عود باعة بين القبايل ماتسامي
صيا ف
انت اشو فك كل ما تسرح تضوي لك مطمة
تحسد المسلم على دينه ليا صلى و صامي
لا يزعلك الكلام اللي عسى ربي يتمه
ثم بعده تستريح بلا شراب ولا طعامي
مطلق
كل شيء في طريقك يا ابيض الشارب تخمه
لين ضيعت الفشق والبندقية والحزامي
ان نثرت العفش يا صياف ماتقدر تلمه
وان قربت من العرب ميمسك جوف النار حامي
صياف
لو يدًن لك على باب الخزينة رحت يمه
وان نظر لك نظرة حمرا تعديت النظامي
المسافر ما يطلب البحر لين انه يطمه
يذكر الله في بلد مكة ويلبس له حرامي
مطلق
انت ما انته مستشار ولا انت ريس مجلس امه
انت غصن الحنظله ما لك زهر ولا نوامي
جيت عند الحسو ظامي مار ما للحسود جمه
مخبل اللي يحسب ان الحسو يروي كل ظامي
صياف
لو حطوك العرب ريس قضا ما فيك ذمه
يوم تضحك لي بسن ويوم تزعل من كلامي
لا تنزلك الدروب العوج وانته راس قمه
ثم لو تموت ما قلنا لعله للرحامي
مطلق
والله انك تعرف الصواغ نقاش الازمه
هات يا صياف خشمك كان تبغي له زمامي
مخبل اللي يرسلونك يا السحيمي في مهمه
وانت في رجلك سلاسل وانت في راسك خطامي
صياف
ثوبك الابيض تغير يوم طولت الاكمه
مار ليتك تصبغه بالسدر وعروق البشامي
| 
|
06-10-2006, 03:19 PM
المواضيع المتشابهه
العرض المتطور
