أقسمت لك باللي فرض حجة البيت ،،،،، منساك لو القبر شيّد ترابه

[اخو من طاع الله]

... من روائع الشاعر المرحوم محمد بن احمد السديري ...


كذبت يوم أنك تقول أني أخطيت ،،،،، وخطاك والله مـا يعـدد حسابـه

ظلمتني ياعزوة الحي والميت ،،،،، وكذبك علـى اليـوم كـلٍ درى بـه

ياما على شوفة خيالك تشافيت ،،،،، وقلبي كفـاه مـن الغرابيـل مابـه

أن شفت غيرك صدت النفس وغضيت ،،،،، لو هو يهلي قلت له لا هلا به

إن كان شفتك فز قلبي وهليت ،،،،، وربع محيل القلـب وأزهـر جنابـه

دنياي تضحك بالسعد كل ما جيت ،،،،، وقلبي من الفرحات ينهـج بابـه

إليا ذكرتك ياعزا الروح ونيت ،،،،، وعزي لمـن مثلـي تزايـد عذابـه

أقسمت لك باللي فرض حجة البيت ،،،،، منساك لو القبـر شيّـد ترابـه

أنت الذي يانور عيني تجنيت ،،،،، ونهبـت قلبـي مـن كنينـه نهابـه

وأنا الذي بسواق حبك تماديت ،،،،، وقلبي دخـل وادي هـواك وعذابـه

أبيه يسمع عبرتي والتناهيت ،،،،، والحب في قلبـي غطـس كـل نابـه

على الذي بآيات حبه تسليت ،،،،، طفلٍ سلـب مكنـون عقلـي وذابـه

وجدي على لاماه ياليت ياليت ،،،،، أبيح زبن ان كان قـام وسعـى بـه

اما فزع لي وانتخى شايع الصيت ،،،،، والا ترك غاليه ينـزف صوابـه

من ضيقةٍ بالصدر ياخوي ناديت ،،،،، زبن المسمى ويـن حـيٍ نحابـه




وسلامتكـــــــــــــــــــــم

[الحصان]

ياسلام رائع واروع منهاقايلها ابوزيد رحمه الله والله يعطيك العافيه يالحافي صاحب الروائع

[حسام هوازن]

مشكور ولاهنت يعبدالله على القصيدة الجزلة
واختيار رائع يعبدالله

[فواز الشيباني]

اخي عبدالله

صح السانك والسان شاعرها

الله يعطيك العافيه على الاختيار الرائع

[برقاوي هواوي]

سلمت يمينك على النقل الراااائع أخوي عبدالله

[((الدلبحي))]

الله يرحم السديري وتسلم يمناك

تحيااااااااااااااااااااااااااااااااااااتي

[اخو من طاع الله]

مشكورين يا احبابناااااااااااا على التواجد الرائع والمرور الكريم

[العريدي11]

يعطيك العافيه علي النقل الرائع

[النـايــــــف]

صح لسانك اخوي عبدالله الحافي


والله يرحم الشاعر الكبير محمد احمد السديري

وبيض الله وجهك يا الغالي


على هذا الاختيار


تحياتي لك ،،،،

[اخو من طاع الله]

الله يعفيكم والشكر لكم على مروركم