[poet font="Simplified Arabic,6,black,normal,normal" bkcolor="transparent" bkimage="backgrounds/5.gif" border="inset,4,gray" type=2 line=200% align=center use=ex length=0 char="" num="0,black" filter=""]
تعالي مبتدا همس المشاعر بينـك وبينـي=
تعالي والقوافي همسها من شانـك لحالـك
تعالي واحكمي بالعدل قسطاس الموازينـي=
تعالي واسرج خيول القوافي لجل تصفالك
تعالي كل ذكرى هـزّت الاقـلام بيدينـي=
تعالي كل ذكرى بالقوافي تكتـب اقوالك
تعالي كل نجمة في سمـا ليلـي تناجينـي=
تعالي ساهري معي النجوم اللى بها امثالك
تعالي يوم انادي قلت لك عطشان واسقيني=
تعالي واسقي العطشان من نبعك وشلالـك
تعالي عاتي الامواج في بحـرك يغطينـي=
تعالي وانقذي غرقان في بحـرك ونادالـك
تعالي والدفا عندي وانا البـردان وادفينـي=
تعالي هب نسناس الشمال بنشرة حوالـك
تعالي وامسكي يدي انا الحرف وكتبتينـي=
تعالي والعهد ماتمسحين الحرف في بالـك
تعالي واصليني يوم غبـت ولا وصلتينـي
تعالي واحفري كلمة وفا ف الكف بوصالك
تعالي عالجي جرح الخفوق اللى جرحتيني=
تعالي لايزال الجرح ينزف لا يـورا لـك
تعالي وانزعي سهم ٍ من اسهامك رميتيني=
تعالي سم سهمك قد نفذ في جسمي الهالك
تعالي واستبيحي دم يجري فـي شرايينـي=
تعالي وانثري دمي على اللوحه من افعالك
تعالي واشرحي ظرف ٍ من اسبابه جفيتيني
تعالي والظروف اتحل دام الشوق يسعى لك
تعالي نوّري درب السهر لجلـك يناديني =
تعالي واوقدي شمعة طريق اللى تعنا لـك
تعالي ثبتي خطوات دربي يـوم تمشينـي=
تعالي خطوه بخطوه مشت رجلي وتبرا لك
تعالي حددي خـط المسيـره بالعناوينـي=
تعالي واتركي للمستحيل بعـزف موالـك
تعالي واحرقي كل الورق ماعـاد يمدينـي=
تعالي كيف يمديني رجوعي عقب منزالـك
تعالي منزلك بين الحنايـا ولا رحمتينـي=
تعالي قبل تنهار الحنايا فـوق تمثالـك
[/poet]
| 
|
02-28-2004, 06:33 PM
تعالي قبل تنهار الحنايا فوق تمثالك
المواضيع المتشابهه
العرض المتطور
