انا من برقا ياخبله ؛ وربعي الهيله ( عتابه )

[فواز الشيباني]

(يقال انه في رجال تزاعل مع صديقته) قامـــت هالبنـــت وعــابت الرجال وعــابت قبيلــــــــــــــته فرد عليها الرجال بهالابيــــــــــــات

.................................................. ........................................

انـا مانيـب حــرف الـجـر ؛؛ تجريـنـه عـلـى الاعــراب
.......................انا حرف(ن) جزم نفسه ؛ ومثلي يصعب اعرابه

تشـوم النفـس عـن زيـنـك عـقـب مـاطـاح فيـهـا ذبــاب
........................ وانا حر(ن) ولد حر ؛؛ تركت الزين وذبابـه

انـا يابنـت مــن ربــع(ن) لـهـم فــوق الفـخـر مـحـراب
........................ انا من برقا ياخبله ؛ وربعي الهيله ( عتابه )

نسـيـا ماكـلـى (عمـهـوج) وكــم روس بــدون ارقـــاب
........................رزقك الله بحكم اللي حفظ عمهوج في جرابـه

انــا شـيـخ(ن) ولــد شـيـخ ؛ بـذكـره تنـعـم الانـســاب
........................ اليا قام العرب كلاً ؛؛ يراجع دفتـر انسابـه

ولـد شيـخ(ن) وسـط ربـعـه لــه بـيـن الـرجـال حـسـاب
........................ اليا ضاقت به الارياء ؛ يهز الارض مشعابه

محنكـنـي عـلـى الطيـبـه مــن يـومـي صغـيـر وشــاب
........................ اجل وش رايك بطفل(ن) دلال القهوه العابـه

تــرى بــدري عـلـى مثـلـك تعـيـب وساسـهـا معـيـاب
........................ ياليت اللي يعيبني ؛؛ يحـاول يستـر ثيابـه

انــا لاجتـنـي الـزلـه ؛ مــن الجـاهـل وهـــو كـــذاب
........................ تركت القافله تمشي ؛؛ وراهـا تنبـح كلابـه

وانــا ليـامـن كـشـف ان الـخـوي اصـبــح لـسـانـه داب
........................ نزعت السم من عرقه وكسرت بمخلبي نابـه

خــلاص الـيـوم يافـلانـه ؛ كرهـتـك والقـلـوب غـــراب
........................وترى كل طير(ن) بكبد السماء يشبع مخلابـه

خـسـاره مثـلـك بقـلـبـي تـضـمـه غـرفــة الاحـبــاب
........................ وخساره غلطة العاشق ؛ يحطك اول احبابـه

بعـد هـذا تبيـن ارجــع لاجــل عيـنـك نصـيـر اصـحـاب
........................ خسيتي واقلبي وجهك ؛ ولا كلمه ؛ ولاجابـه

[طويل الذراع]

فواز من مانعدمها

لاهنت

تحياتي

[((الدلبحي))]

فواز تسلم روحك على اختيارك الجزل


تحيااااااااااااااااااااااااااااااااتي

[فواز الشيباني]

اخي طويل الذراع

شاكر لك مرورك الكريم

يعطيك العافيه

[فواز الشيباني]

اخي الدلبحي

مشكور ياغالي

على المرور المشرف

الله يعطيك العافيه

[إبن ثعلي]

مشكور اخوي فواز على المشاركه الجميله بس اشك فيك انك عدلت القصيده من روق الى برقا لأن عمهوج سيف الضيط شيخ مزحم والظاهر ان الشاعر عضياني ماهو برقاوي بدليل هذا البيت

نسـيتي ماكـلـى (عمـهـوج) وكــم روس بــدون ارقـــاب
........................رزقك الله بحكم اللي حفظ عمهوج في جرابـه
هذه مجرد مداعبه لك والا روق وبرقا اخوان وعينان في راس واحد
تحياتي

[فواز الشيباني]

المشاركة الأصلية كتبت بواسطة بن ثعلي مشكور اخوي فواز على المشاركه الجميله بس اشك فيك انك عدلت القصيده من روق الى برقا لأن عمهوج سيف الضيط شيخ مزحم والظاهر ان الشاعر عضياني ماهو برقاوي بدليل هذا البيت نسـيتي ماكـلـى (عمـهـوج) وكــم روس بــدون ارقـــاب ........................رزقك الله بحكم اللي حفظ عمهوج في جرابـه هذه مجرد مداعبه لك والا روق وبرقا اخوان وعينان في راس واحد تحياتي

اخي ابن ثعلي

يشهد الله اني لم اعدل في القصيده بل نقلتها كما هي من منتدي

هتان كوم وهاذي رزحه مو مزحه يبن ثعلي الله يسامحك

[راع المحاني]

السلام عليكم،

القصيده نشرت قبل ثلاث سنوات بمنتديات الاقلاع وشاعر القصيده عضياني ..وجدتها في أكثر من منتدى على لسان اكثر من شخص من الشباب والشابات أهل العشق الجديد.

والبيت كما قال ابن ثعلي يوضح للجميع انها لعضياني

والبيت الأصلي ((أنا من روق ياخبله وربعي الهيله عتابه))

ارجوا منكم الدقه في النقل.
وونعم بروق وبرقا
تحياتي

[راع المحاني]

الاخ المشرف فواز،

اسمح لي بالعوده مره اخرى فلقد لفت انتباهي في منتدى الشعر نقل القصائد بدون اسم أصحابها وهذا مالا يرضاه شاعر او محب للشعر الا اذا كان كاتب الموضوع يسأل في موضوعه عن كاتبها. السرقات الأدبيه موضوع طويل تحدثنا عنه في هذا الصرح من قبل وهو أمر لايجوز لما فيه من ظلم لصاحب القصيده.
لاحظت نقل كم كبير من القصائد هنا بدون ذكر اسم شاعرها وهذا فيه تدليس للقاريء، فلو لم أسمع بأبيات عبدالله القثامي الموجوده في توقيعك (انا ضريت بشبة النار والطيب) لتوقعت ان شاعرها انت وكذلك قصيدة العضياني اللي بتوقيعك.

تحياتي لك واتمنى لو ارى تغيير لبعض قوانين المنتدى الشعبي بما انك مشرفه

اخوك

راع المحاني

[فواز الشيباني]

المشاركة الأصلية كتبت بواسطة راع المحاني الاخ المشرف فواز، اسمح لي بالعوده مره اخرى فلقد لفت انتباهي في منتدى الشعر نقل القصائد بدون اسم أصحابها وهذا مالا يرضاه شاعر او محب للشعر الا اذا كان كاتب الموضوع يسأل في موضوعه عن كاتبها. السرقات الأدبيه موضوع طويل تحدثنا عنه في هذا الصرح من قبل وهو أمر لايجوز لما فيه من ظلم لصاحب القصيده. لاحظت نقل كم كبير من القصائد هنا بدون ذكر اسم شاعرها وهذا فيه تدليس للقاريء، فلو لم أسمع بأبيات عبدالله القثامي الموجوده في توقيعك (انا ضريت بشبة النار والطيب) لتوقعت ان شاعرها انت وكذلك قصيدة العضياني اللي بتوقيعك. تحياتي لك واتمنى لو ارى تغيير لبعض قوانين المنتدى الشعبي بما انك مشرفه اخوك راع المحاني

راع المحاني الاتهام الي مالها داعي دوره عند غيري فتح عيونك زين وشف الي مكتوب فوق القصيده المذكوره وكذلك الكلام الي موجود في التوقيع تراه موجود في توقيعي في منتدي الهيلا
وعبدالله القثامي من المشاركين في منتدي الهيلا وقصيدته اعجبتني وحبيت احطها في توقيعي اما من ناحية الابيات الموجوده اسفل التوقيع لو كنت ابي انسبها لي ماطرحة القصيده من الاساس في المنتدي والقصيده تحكي عن شيخ ابن شيخ وانا شيخ ابن شيخ
واعتقد اي شي في توقيعي يخصني ولا يخصك اما من ناحية ان القصائد اغلبها لايكتب تحتها اسم شاعرها او منقول اتحداك انك تثبت
اني جبت قصيده ولم اذاكر شاعرها او انها منقوله ولو اطلعت على المثبت لوجدت اني مثبت موضوع بخصوص القصائد والتقيد بذكر كلمة منقول او اسم صاحبها وما كل من حط في توقيعه قصيده يجب عليه ذكر القائل

فواز ابن ناشي ابن اعديس الشيباني