الهوا يا اهل الهوا صعب وأنتم تعلمون

[عيدالعتيبي]

[align=center]الهوا يا اهل الهوا صعب وأنتم تعلمون


[poem=font="Simplified Arabic,5,black,bold,normal" bkcolor="transparent" bkimage="backgrounds/13.gif" border="groove,4,gray" type=0 line=0 align=center use=ex num="0,black"]
الهوا يا اهل الهوا صعب وأنتم تعلمون=مر حلو ومر فيه المشاكل مركمه
قد هلك ناسٍ وناسٍ قريب ويهلكون=من سبب عشرة وليفٍ حياته مبهمه
ولا غريب إن قلت ناسٍ بعد ما يسمعون=والله أعلم لو ناسٍ بعد هي مبكمه
يا حبيبي الهوا فيه ناسٍ يفهمون=ماهوب رسمة خيال الحروف المعجمه
يا وجودي وجد من صككت فوقه ديون=صككت فوقه ولا أحدٍ بوضعه يرحمه
لا رفاقه ينتخيهم ولا صاحب يمون=والليالي معبسات في وجهه مظلمه
ولو لجا في ديرةٍ يلحقونه يركضون=ناس ما ترحم وناسٍ عثت به مجرمه
والزروف اللي تجي له من الي يشتكون=كل زرفٍ يفتشه فيه موعد محكمه
ويا وجودي وجد عودٍ فقد عشرة بنون=جرفتهم جائحات السنين المجهمه
ما جداه الا التولول وجرات الونون=شايف ٍ جورة زمانه وسطوة ميسمه
ويا وجودي كل ما سلهمت سود العيون=وجد خيالٍ توفى على راس سهمه
الهوا لا صار في يدين ناسٍ يلعبون=يعدم الرجال والله حرام ليعدمه
يصبح الرجال حاله كما حالة جنون=ما حدٍ ينظر بحاله وكلٍ ينهمه
يا حبيبي ليش كثر الشكايك والظنون=كل شكٍ يمنا طالبينك تكزمه
أنت غالي والبشر لو راحوا لو يجون=كل حبٍ غير حبك نقض ونهدمه
أنت وصفك يتعب اللي وصف لو ياصفون=تتعب أفكاره ويده وينشف قلمه
يا بشر يا ناس يا ناس يا اللي تعرفون=وش أسوي مع حبيبٍ وقلبي يبرمه
إن نظرت الخد والخشم والطرف الحنون=أتنهت ثم أقول ارحمي يا مسلمه
واللعانه لابتسم ثم تلالن السنون=كن شمس الظهر تسطع على واسط فمه
والليالي ضاويه في مناقيض القرون=نعنبوا من شانها ما يقطط محزمه
وأطلب الله يا عساهم عساهم يسلمون=من عيون الحاسد وكل حاسد يكعمه
ويا وجودي كل ما سلهمت سود العيون=وجد من حده زمانه وشدّه ولكمه[/poem]


ولكم أجمل التحايا
أخوكم / عيد بن عبد الرحمن الصفياني العتيبي[/align]

[خلف مرزوق]

00

صحححححح لسااااااانك

ابداع وراااائعة


والله يحييك وكل عام وانت بخير

بس اذا كانت القصيدة لك فمكانها قصائد الاعضاء

تحياااااااتي

[هداج تيما]

رووووووووووووووووووووووووووووووعه

[الحصان]

صح لسانك قصيدة جيده

[عيدالعتيبي]

[align=center]

المشاركة الأصلية كتبت بواسطة الحصان صح لسانك قصيدة جيده

حيا الله مشرفنا .. :)

صح بدنك .. وإن شاء الله تكون أعجبتك القصيده[/align]

[عيدالعتيبي]

[align=center]الأخ / خلف مرزوق
صح بدنك ... و مشكور على المرور[/align]

[عيدالعتيبي]

[align=center]الأخ / هداج تيما

شاكر لك مرورك ... وإذا كان القصيده رائعة فهي من روعتكم[/align]

[النـايــــــف]

صح لسانك اخوي عيد



ومعليش نبي نقل الموضوع إلى قسم قصائد الاعضاء



تحياتي لك ،،،،،،،،

[عيدالعتيبي]

[align=center]

المشاركة الأصلية كتبت بواسطة النـايــــــف صح لسانك اخوي عيد

صح بدنك ... ومشكور على المرور

ومعليش نبي نقل الموضوع إلى قسم قصائد الاعضاء

أنا اللي أتأسف إني وضعت القصيده في المكان الخطأ .. :(

~.~.~.~.~.~.~.~.~.~.~.~.~.~.~.~.~.~.~.~.~

المشاركة الأصلية كتبت بواسطة بن ثعلي صح السانك ياعيد ما قصرت

صح بدنك .. وسلمك ربي إن شاء الله

~.~.~.~.~.~.~.~.~.~.~.~.~.~.~.~.~.~.~.~.~

المشاركة الأصلية كتبت بواسطة الحصان القصيدة طيبة و من طيب

هذا من طيبك ... الله يسلمك ويعافيك
شاكر لك مرورك

[/align]

[إبن ثعلي]

صح السانك ياعيد ما قصرت
تحياتي