مما قال الشاعر الكبير / مناور محمد الشمري 0 رداً على الشاعر / تركي عطالله المطيري
على قاف قصيدته التي يسب بها ( حــــــــــــاتـــــم الطـــــــــائـــــــــــــــي )
يـــالله يامجـري ذعاذيــع نــوده ***** عــلام ما نبــدي ومـا كان نـخفــيه
نرجـوك فـي وقتك اترابـه اوهـوده ***يالـواحـد اللي كـل مخلـوق يرجيه
عبــدك ايترجـاك وأنت أمعبـوده ***** ولاهـو غني عـنك لو ما نت مغنيه
وفـاك لـو نـأخذ مـع الشعر نــوده *****والبيــت بـا لمعنى نشـده ونــبنيـه
الشعـر عندي منهلن مـن اعـدوده *اقطع ضمى العطشان بالشعر واللويه
وأسباب ماهـاض البيوت بحشوده ***** هـرجن لفـــى يعـالم الله ايحييه
كم واحدن يــبي أسهوده أمهوده ***** ويجيـــه ملقوفن يحـده ويــتوزيـه
بعـض البشـر تقـل حركـات دوده ***** يدخـــل بشين مايخصــــه ويعنيه
واللـي يقــولـه مايحـسب اردوده ***** هــــذاك قـلبه مرقـــلاتن كراسيه
وإبـن عطـــالله لـيه بيـح إسـدوده ***** يقـــول قولــــن مايحكــم معانيه
الطـرقي اللي داشرن بــه قـعوده ***** عـزالله إنـــه تايهن مـــع متاييه
وإبليس دللـى بالشكيمه يـقــوده ***** ركــب عليه وقام يمســـح علابيه
مـار الحـقايـق لــو جحدها جحـوده ***** للــنور ناسـن تــظهره ماتخفيه
وش جاك ياتـركي تجرهمة كوده *****تقــول لـك قولـن على غير تاجيه
هــو صـيد قـلبك ضايقنه احقوده *****اللـودعك عــوج واللـسانك أتلويه
أو عنـد نفـسك زدت الـفـين زوده ***** هرجـن تقــوله ماتحسب التاليه
أو المعـرفـه خاليه مـن وجــوده **** أو مال عـزوة طي عندك مشاريه
نـطحت حضـك يالمطيري سـنوده *****مثل العمى اللي ما يقدي مواطيه
ذميت حاتم وأنت تعرف شيوده ***** يـــالله دخيلك ليه حظـــك اتدربيه
هل اللحــود أطلعتها من الحوده ***** قــدام ربــك ويـــن وجهك اتوديه
غلطت لك غلطه كثيـرن انقوده *****مـار الخطاء ماعانق الخير راعيه
غلطت من قشر ظميــرك وسوده ***** تقـــول حـــاتم لا تجيبون طــاريه
لاوالله ألا أطــريه وأذكر أجـهوده ***ولا والله الا أبمدحــه وأفتخــر فيـه
ولا يزعــل تــركي بحامي وقوده ***** يـزعل ولا يرضى ولاني مترضيه
ناقــف مــواقيف الرجال الصموده ***** وعـــاداتنا خصيمنا ما أنــداريه
وطرق الخطاء والذم ماهي امحموده **لاشك من يخطي علينا أنخــزويه
وتــركي خــذا بالظلم روحه وعوده **** وحضه بـرجله دايسه وامتوطيه
مايستحــي يــسب حـاتم وجــوده **** اللي جميع الناس تشهـد الماضيه
حتى الرسول المصطفى من اشهوده ***كـان انت ياتركي تذمه اوتشنيه
ما خفت محيي بالصحاصيح عـــوده ****يرجيـه عــودن يابسـن بالمهاميه
مدحت سلطان العــرب بالإنشـوده ***والمـدح اللي كذا عسى اللي يلويه
ترى الرجل عيب إيتعدى احدوده **وجرح المشاعر ما احد امشجعك فيه
لاتزحم العــالـم تحدك احــــدوده ***** ويعيفــــونك فــي جميــع المناويه
واتصــير بيــن المخــاليق شـــوده ****مثل الهدف كلن من الناس يرميه
وإن كــان قـلبك يلطمن الهــوده ****عندي مساميرن أتجـــدد مكـــاويه
ولا اشنى امطير ولا أتعرض أبنوده *لا شانين علوى ولا شانين أبـــريه
لا شك ليت أمطير تمنع أغموده ***** قبـــل خطات الغـــمد تكثر بلاويه
من طاش يلقى من يلطم اخدوده ***** يطلع وتطلــع لـه أرجـالن أتهديه
وسلطان حرن من حرارن هدوده ***** بــدون مديحك أفعولــه أتـــزكيه
شيخن شهر غصبن عليكم صعوده ****راضيه ولا مأنت ياهـيه راضيــه
صميدعن خذا الفخر من جدوده ***** لا مضعفه تركي ولا هو أمقـــويه
الليث أبو خــالد وحـنا أجـــنوده ***** ضــــد الضديد اليا تبين أتحـــديه
حر الحرار اللـي كسب كل جوده ***** نقـــول عسى الله يفــــكه ويحميه
| 
|
08-21-2007, 09:19 PM
العرض المتطور
