وجودي وجود الي يهدد بخشم سلاح ~ غدر به عدوه يوم شبت شبايبها

[ليل وقصيّد]

تهب الهبوب كلمات الشاعر ( سعود بن فهد الدعجاني ) اداء فراج بن نايف

تهب الهبوب وتفرح الداله المرتاح ~ وانا كل ما هبت ومت بي هبايبها
ومت بي على ذكرى لها بالضمير مراح ~ تدبلج مع الارياح واونس لهايبها
ليا مريت الاضلاع كأني كسير جناح ~ تضيق على رجلي دروباً تدوج أبها
علي الله انها ذكرتني زمانا راح ~ زماناً رجاله فالقبور ونصايبها
رجالاً على الهقوات ما هزها النطاح ~ ملاذ الدخيل ومزبن الي يلوذ ابها
فقدنا هلا الطالات كسابة الامداح ~ زحول الرجال الي تفتل شواربها
عقبهم زماناً للهرابيد برقه لاح ~ عيال العبيد الي تعرب مناسبها
ضعاف الروابع والشيم والكفوف شحاح ~ عسى الله مع درب المذاهيب يذهبها
الا يا زمان الضيم الا يا حصاة رزاح ~ متى تاخذ الاجواد غاية مطالبها
تعبنا وحنا نتبع التيه والضحضاح ~ متى نارد اعدودا قراح مشاربها
صحيح ان باب الرزق ما يقفله مفتاح ~ تطير الطيور ورزقها في مخالبها
وجودي وجود الي يهدد بخشم سلاح ~ غدر به عدوه يوم شبت شبايبها
شجاعاً عوده ما هقى يوم شافه طاح ~ على مقرن الحجان وكد مضاربها
عدوه يهودياً على ذبحة الارواح ~ مير الي على دمه وساعاً مذاهبها
على ذكر وقتاً فات يوم القلوب صحاح ~ تهشم معاليق الضلوع ومقاضبها

http://www.youtube.com/watch?v=fyGSsXazfJg

[اصايل]

رائعه رائعه

صح نقلك وذوقك فخامه

تستاهل التقييم ..!

[عبدالعزيز بن حشيان]

فخامه

يسلم ذوقك يالنشميه تقبلي مروري

[ليل وقصيّد]

اصايل
وذوقك ياخلفهم
حياك / نورتي

[ليل وقصيّد]

عبدالعزيز
مرحبا حياك
انا مانيب ببنيه
حياك / فديتك