يا عقاب لــــــ خالد العتيبي

[فلان الفلاني]

[align=center]


يا عقاب مدري مدح والبستك وشاح
والا الرموز يْحلها من طرقها
يا سيّد الزرقا تعلّي ومرواح
لن سقتها مع قبة الكون سقها
تكّي بصدرك للذعاذيع وارتاح
وافلج محاديب السحايب وفقها
خلّ السواري عنك وانزاح وانزاح
واعلا مراقيبٍ على الجدي وقها
مثلك ليا ستّل جناحه مع الضاح
وارخى سمار الريش في معتلقها
استسلمت كل الجوارح لمن شاح
عنها وجدّد من علّوه رهقها
سيفٍ ليا جرّد على الصيد ذبّاح
وموسٍ ليا ناش الضوافي حلقها
اهواي نجم وكفختك بارقٍ لاح
وتكبيرة الميت على اللي لحقها
وما بين مخلابك وفلاج الاصباح
بيض الثنادي قبل يرهج علقها
زوعتك سيل وطعنتك عَيْلم رماح
من مخلبٍ واليا صفقها صفقها
لا ملت شلت ولا تواسيت وان طاح
ظلّك على كبد الطريده فلقها
والا ليا نشت الخريشه من الراح
ما كن ربك بعد تدمي خلقها
واليا شلعت وجالك صْياح وطْياح
كنّك وكنّ اللي ذبحها وفقها
وصف الاصيل اللي ليا لز طفاح
هذي توطاها والاخرى فهقها
عن بعد ( حر ) ولا تقاربت (سراح)
وان جيت (عبد) اضنى (الحرار) وعتقها
واخطا عليك مْسمي الصقر يا صاح
الحر وانت الحر للي فرقها
وشلون حر وجذب راسه بْملواح
عيشه على كف الرجال وْعرقها
وانته سندك عْضود وصْعود وجْناح
وحداد سم الطايره في شنقها
ما ذلّك البرقع ولا ردّك صْياح
ومن حيث ما تبغى مع الكون سقها


نكمل القصيده
بصوت شاعراً

[rams]http://www.nabdhy.com/vb/uploaded/2_01204752437.amr[/rams][/align]

[قلب الريم]

[align=center]فلان الفلاني

تسلم يمينك على مانقلت

وخالد العتيبي شاعر كبير مهما قلنا عنه مانوفيه

صح لسانه وبيض الله وجهه

يعطيك العافيه فلان

لكـــ وديـــ وورديــــ ,,,,[/align]

[فلان الفلاني]

[align=center]

المشاركة الأصلية كتبت بواسطة قلب الريم [align=center]فلان الفلاني تسلم يمينك على مانقلت وخالد العتيبي شاعر كبير مهما قلنا عنه مانوفيه صح لسانه وبيض الله وجهه يعطيك العافيه فلان لكـــ وديـــ وورديــــ ,,,,[/align]

الله يسلمك يا قلب
وفعلاً خالد شاعر كبير
والكبير يبقى كبير ..
الله يعافيك يا ريوم

مودتي [/align]

[ناصر بن سعدي]

إخوي الغالي ..

فلان الفلاني ..

نقل رائع ومميز..


وصح لسان الشاعر الرائع ..

خالد العتيبي ..

ولكن .. الملف الصوتي مايعمل عندي ..

وتقبل خالص تحياتي ..

[فلان الفلاني]

[align=center]

المشاركة الأصلية كتبت بواسطة ناصر بن سعدي إخوي الغالي .. فلان الفلاني .. نقل رائع ومميز.. وصح لسان الشاعر الرائع .. خالد العتيبي .. ولكن .. الملف الصوتي مايعمل عندي .. وتقبل خالص تحياتي ..

صح لسان شاعرها خالد
شاعر مرثية الرسول
ومتنبي الشعر ..

شغال الملف الصوتي


اتبع الرابط
http://www.nabdhy.com/vb/uploaded/2_01204752437.amr

لا هنت [/align]

[كان موجود]

[align=center]القصيده هذي سمعت عنها قبل سنتين ولا عمري سمعتها الا الحين ,,
انا اشهد انه شاعر ما يجاريه شاعر ,,
صح لساااااااااااااااانه مدد بلا عدد ,,
لاهنت اخوي فلان الفلنتاني على نقل القصيده ,,[/align]

[فلان الفلاني]

[align=center]

المشاركة الأصلية كتبت بواسطة ماهر النمر [align=center]القصيده هذي سمعت عنها قبل سنتين ولا عمري سمعتها الا الحين ,, انا اشهد انه شاعر ما يجاريه شاعر ,, صح لساااااااااااااااانه مدد بلا عدد ,, لاهنت اخوي فلان الفلنتاني على نقل القصيده ,,[/align]

هلا با ماهر
فعلاً متنبي عتيبه
وشاعر جزل

بعدين تراك مو قلب ريم تقول
الفلنتاني :)

لا هنت يا الماهر ..[/align]

[شموخ النايفات]

اخوي فلان الفلاني


صــح لسـانــك ولســان شـــاعر

مــرثية الــرسوول خالد الدعجاني

يعطيك العافيه على القصيده ولرابط

تحياتي..:)

[فلان الفلاني]

[align=center]

المشاركة الأصلية كتبت بواسطة الـجـازي اخوي فلان الفلاني صــح لسـانــك ولســان شـــاعر مــرثية الــرسوول خالد الدعجاني يعطيك العافيه على القصيده ولرابط تحياتي..:)

الله يعافيك
يا الجازي

لا هنتي ..[/align]

[عــمـــر]

[align=center]فلان الفـلانـي

مشكور على نقل القصيده لناااااا

لاهنت [/align]