تضحك عيال الخدم وتزعل الساده

[الصهد]

السلام عليكم ورحمه الله وبركاته

الدار لي كدرت صافي مشاربها * ماقادني يمها شف ٍ ولا راده

أشوم عنها واخليها واجنبها * الذيب يبخص مصاديره وميراده

العين ماتبكي إلا من سبايبها * الوقت غلاب والعربان نقاده

سود الليالي كثيراتٍ عجايبها * تضحك عيال الخدم وتزعل الساده

ياعل ربي يعديني مصايبها * من ماجرى للعرب ماهيب نشاده

احد ٍ يصدق لها واحد ٍ يكذبها * وابن الرخم يحتفل في عيد ميلاده

اعز نفسي واعزيها واعاتبها * وكثر المجامل ترى ماهيب لي عاده

إن كان نفس الولد نالت مطالبها * والا قعد مقعد الحقران مقعاده

كل الخلايق لها رب يحاسبها * واللي تمنى كثير مناه ما فاده

اللي يعمر بها واللي يخربها *واللي يواعد ولا يصدق بميعاده

ارض الله الناس تسعى في مناكبها * كل ٍ بفاله بمصداره ومسناده

بعض الرياجيل لو تنتف شواربها * ان كان راسه يخلي الزود ومناده

يمنى تقصر عن الماجوب عقبها * تستاهل اللوم دوم الدوم وزياده

قصيده تعجبني
ارجوا منك ياصاحب السمو
السموحه على طرحها

[نايف تراحيب]

يارااااااايق يا مبدع

والله العظيم انها رايقه وانها مجنونه


لاهنت على نقلها يا الامير


احترامي


/


،

[الدماسي 2007]

لله در قائلها

حكيم ,,,,,,,,,, شاعر،،،،،،،،،،، أمير

يتبين ذلك من قصيدته

اتمنى ان ينال مايتمنى

[الصهد]

[align=center]نايف بن تراحيب [/align][align=center]
اسعدني مرورك
يالوسيم
ورواقتها من روقانك
يالذيذ يارايق
الله لايهينك


الدماسي 2007
آمين
كلك ذوق

تحياتي وتقديري ،،،،،[/align]

[الأمير الفارس]

مبـــــــــــدع وراقي يا

الصهد

شكراً لكـ

تحياتي

[الصهد]

المشاركة الأصلية كتبت بواسطة الأمير الفارس مبـــــــــــدع وراقي يا الصهد شكراً لكـ تحياتي

كلك ذوق
الراقي تفكيرك
والابداع مرورك ياالأمير
تحياتي وتقديري ،،،،،

[سعود بن فيصل]

العين ماتبكي إلا من سبايبها * الوقت غلاب والعربان نقاده

لو ودي لاسرق هالقصيدة

مشاء الله ذوق راقي

ممكن نعرف اسم شاعرها ؟

[الصهد]

المشاركة الأصلية كتبت بواسطة دغبوج العين ماتبكي إلا من سبايبها * الوقت غلاب والعربان نقاده لو ودي لاسرق هالقصيدة مشاء الله ذوق راقي ممكن نعرف اسم شاعرها ؟

شاكر لك مرورك المميز
من ذوقك اخوي
استميحك العذر في ذكر صاحبها
تحياتي وتقديري ،،،
ملاحظه اخوي
الله يجزاك خير
ماشاء الله
تنكتب هكذا

[الثاقب]

مبدع
سفير فوق العاده للشعر الراقي
صح لسانك

[الصهد]

المشاركة الأصلية كتبت بواسطة الثاقب مبدع سفير فوق العاده للشعر الراقي صح لسانك

حياك الله
اخوي الثاقب
باسمي
واسم اخواني بأداره منتديات قبيله عتيبه
نرحب بك واهلا ً وسهلا ً
صح بدنك ولسان قايلها
شاكر لك مرورك وروعه ذوقك
تحياتي وتقديري ،،،،،