o0oالــلـــقــــــــبo0oلطلال الرشيد

[حسام هوازن]

هذه قصيدة .. (( اللقب)) للامير/ الشاعر طلال العبدالعزيز الرشيد

واتمنى ان يحوز على رضاكم


[rams]http://www.movn.net/6allal_alrsheed/ya_9qyr.ram[/rams]

[حسام هوازن]

ياصغيـر مـا يكبـرني لقـــب
ومايصغرنـي اذا انكرنـي صغيـر
***
ما خذينا الصيت من جمع الذهب
و لا نسابة شيخ أو قربة وزيـر
***
كاسبينه مـن هل السيف الحدب
الجنايز كان مـا جاك الـنذيـر
***
صيتهم نـجـم على راسه لهب
سمعوا الصقهان به واجهر ضرير
***
بالـوفـا تـاريـخ ابيـض ينتصب
لاحكم بالـحق حيـين الضمـيـر
***
ضيغمي(ن) للسناعيـــس انـتسب
لابة (ن) طلنا بها عـرش(ن) كبيـر
***
عنـد حدك يـا كثـيـر الـهـرج تـب
ولا تمـر النـار وثوبـك مـن حـريـر
***
كــان لك عــز(ن) بذلي فتعـقب
والله إلا تبـطـي وحبلـك قـصير
***
احسب انـك مـن صناديد العـرب
وأثر ساترتك عباتـك يا غريــر
***
مـا حسب لسّوس زراع القصـب
والـقراده مـادرى عنهـا البعيـر
***
ولــو حسبـنـا للحـسايـف والـتعب
مـابذرنـا يالعـصـافـيـر الشعـيـر
***
عــن هلك أبـــراي لله احـتـسب
الـرجـال الـلـي مجاراهـم عسيـر
***
من قريش المصطفـى وابو لهب
والدغالب ما غشت عذب الغديـر
***
للـرجـال مــن رجاجـيـل العـتـب
والزكـاة اتحـل فــي حــال الفقيـر
***
لعـن ابـو وقـت(ن) غدينـا بــه حـطـب
تحـرقـه نــار(ن)... يثـورهـا أجـيــر
***
مـا ألومـك الـزمـن ســوا العـجـب
هـو بقـى غيـر الكـرامـه بالجفـيـر ..؟
***
مـــا أذل وراسي يــشــم المهب
لو بقى من شمـر (ن) طفل (ن) غرير
***
ومـا أهــاب ولا يزلزلـني غضــب
الشجـاعـة ورث والعـاقـل غـزيـر
***
يـاصغـيّـر مـا يـكـبـر باللـقـب
غير منهـو كـان مـن دونـه صغيـر

[ابوسـعد]

قصيده رائعه في مدح السناعيس ...ونعم بشمر وافعالهم معروفه....شكرا يالحسام الغالي

[حسام هوازن]

ولد العم ابوسعد حيّاك الله ونور الموضوع على المرور

الطيب من لدنك وانشالله يكون المقطع الصوتي قد اعجيك

[حسام هوازن]

حيّاك ياابوسعد وقصيدة اللقب لها قصة معروفة ولها سبب

في جعل الامير الشاعر طلال الرشيد يقصد هذه القصيدة

رحمة الله عليه رحمة واسعة واسكنه فسيح جناته

[ابوسـعد]

نعم مقطع صوتي جيد والظاهر كان الالقاء في حفله جماهيريه...., وتسلم يالغالي وياهلاااوغلا

[ابوسـعد]

الابيات تدل على ماذكرت....والشاعر المرحوم باذن الله اجاد السبك وشكرا لك ياحسامنا وهذه الحياة يوما لك ويوم عليك..........

[حسام هوازن]

المشاركة الأصلية كتبت بواسطة ABOSAAD الابيات تدل على ماذكرت....والشاعر المرحوم باذن الله اجاد السبك وشكرا لك ياحسامنا وهذه الحياة يوما لك ويوم عليك..........

اي والله ياابوسعد الحياة يوما لك ويوم عليك

والكراسي والدول ماتدوم لأحد... مشكور ولاهنت

على المرور الطيب يالغالي لاعدمتك

دمت بخير

[رهين السهر]

مشكوووووووووووووووور حسام،،،،،،،


القصيدة رائعة جداً وجات من الامير في وقتها وفي موقف رجولي لاينسى،،،،

وسيسطره التأريخ أبد الدهر،،،،،،،،،،،،،،،،،،

ومن ينكر أمارة ابن رشيد؟؟؟؟؟؟!!!!!!!!!!!

رحمه الله رحمة واسعة،،،،،،،،،،،،،،،،،،


تحــــياتي لك حسام،،،،،،،،،

[حسام هوازن]

المشاركة الأصلية كتبت بواسطة رهين السهر مشكوووووووووووووووور حسام،،،،،،، القصيدة رائعة جداً وجات من الامير في وقتها وفي موقف رجولي لاينسى،،،، وسيسطره التأريخ أبد الدهر،،،،،،،،،،،،،،،،،، ومن ينكر أمارة ابن رشيد؟؟؟؟؟؟!!!!!!!!!!! رحمه الله رحمة واسعة،،،،،،،،،،،،،،،،،، تحــــياتي لك حسام،،،،،،،،،

الله حيّهم برهين السهر

كيف الحال يالغالي من مدة طويلة ماشفناك

في المنتدى انشالله المانع خير..

مشكور على المرور الطيب وانشالله

تكون القصيد قد حازت على رضاك

..وطبعاً لايوجد احد يستطيع ان ينكرامارة بن رشيد

ورحمة الله على الامير طلال الرشيد

وأسكنه فسيح جناته