[grade="00008b ff6347 008000 ff4500"]
مساء النرجس
من ذائقتي[/grade]
[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرفع يدك وأرفع يدي لا هـبّ نسنـاس البـراد =في خاطري كلمه لكنّ .. أرفع يدك وأرفع يدي !
لازم نعرف شلـون نبـذل للفـراق الإجتهـاد=قبل اللقاء لا ينتهي علـى الـوداع السرمـدي
تلويحة العشـاق مـا تنطـاق لكـنّ المـراد=منها نفسّر كيف تنشف راحـة الكـف النـدي
يا صاحبـي علّقتنـي بيـن التغلـيّ والعنـاد=وأنا قنعت أن الغلا مسكين .. والحـبّ أجـودي
ولّعتنـي والنـار أصاليهـا وتاليهـا رمــاد=وأنته لا قلت النار من شبابهـا قلـت أبعـدي
وضمّدت جرحي ثم تركت الجرح وأخذت الضماد=عطني ضماده من مشا درب المجاريح يغـدي !
دايم تـزلّ ولا تمـلّ .. وزلّتـك كبـوة جـواد=يا كثر كبوات الجواد اللي مـع الخيـل يعـدي
منك وعليك المشكله والحـلّ والعلـم الوكـاد=أني عطيتك ما بقى من عزمي وضـاع جهـدي
الصدر كائن حيّ لكن عـيّ وضلوعـه جمـاد=مقوّسه والقلب يآخـذ قـوس منهـا ويحـدي
والحال ينقـص والمحبّـه مستتبّـه فـإزديـاد=حسبي عليّه .. ثم عليها .. ثم على الحظ الردي
العام أغنـي قلبـي اللـي لا يسـاق ولا يقـاد=واليوم لا باللّـه حنـيّ يـا مخايـل وأرعـدي
عوّدت أسافر بالتوجّـد مـن بـلاد إليـا بـلاد=قام الغرام الصح يلعب صح وأخلـف مقصـدي
أمّا يموت الحب .. ونعلـن للمحبيـن الحـداد=وإلاّ يعيش .. وتحفظه في ذمّتـك يـا سيّـدي [/poem]
لــ سداح
| 
|
06-16-2009, 12:30 PM
العرض المتطور
