[align=center]الاخ الكريم كحيلان مشرف المنتدى الادبي تشكر على إراد قصيدة الشاعر/معجب بن فرج المغيري. وعلى جميع جهودك الحثيثه معنا في المنتدى..
واحب ان أُخبرك واُخبر جميع الاخوان بانك قد اوردت القصيده وفيها الكثير من الاخطاء والنقص وهذا الشيء لاتلام عليه لأن الرواه دائماً يروون القصايد القديمه بطريقةٍ خاطئه القصيده موجوده لدي كامله
قمت بنقلها من مسودّات الباحث والراوي القدير والمحقق الكبير الاستاذ/ سعدون بن فهد بن عقاب الهرس المرشدي الذي يتحرّى الدقه دائماً في جميع رواياته ,,
وإليكم قصيدة الشاعر والفارس/معجب بن فرج المغيري .[/align]
[poem=font="Simplified Arabic,4,black,bold,normal" bkcolor="transparent" bkimage="backgrounds/14.gif" border="groove,9,gray" type=0 line=0 align=center use=ex num="0,black"]
يالله ياربٍ عليمٍ بحالي=ياغافرٍ ذنب البنادم ليا تاب
اغفر ذنوبي ياعزيز الجلالي=ياحامي اركان الحرم من ورى الباب
واحيسفي (ياصقر )يامى جرالي=محدٍ حسب لي تالي العمر بحساب
ماكن لي يومٍ خلاف التوالي=ليا صرّبوا تال النقذ والنسم ذاب
وياعيني اللي للقطر ماتخالي=ليا اختلف عن عقبها كل نصاب
ياعنك ماجا دثرها في الموالي=ولاقط جرّت في قبايلها الاسباب
إلا ليا جانا النقيلي يشالي=جانا البرى مردود من يم الاجناب
وإلا ليا مانقّضن العمالي=ثم جا لنار الحرب موقد وشباب
يامى تقوّدنا المهار الغوالي=من فوق عيراتٍ من القفل عصّاب
يمشن مشي مخزّمات الجمالي=والجمع قافيهن مع بطن ملهاب
أما نصينا عن وألا وعالي=والا تنصينا ديار بن مشهاب
والا نصينا الشام والا الشمالي=مدهال عربٍ ربّعت يم الاحضاب
يامى خذينا من عزيبٍ يوالي=ولا يطلعون إلا على الرحل وركاب
ليا لقانا دوكهن في المفالي=قلط لهن اللي مضرّاً بألاوجاب
السبر اغار وشاف للبل زوالي=واومى لنا بألردن من راس مرقاب
وغرنا على البل مهملين الحبالي=والمال زاعنّه عريبات الانساب
وتلافتن بارقابهن المتالي=يرجن ملحاق الطلب جرد الارقاب
ولحقوا هل البل فوق مثل السيالي=وجونا وجيناهم وجات ام غصاب
جونا كما نوٍ صدوق الخيالي=سيله يجيله فألنّحى فري وأخراب
وتواجهن بمكرمين السبالي=والخيل من ضرب المزاريج هرّاب
وغدى لهم فوق الطريح إجتوالي=والدم يثلغ من جسد كل معطاب
كم من صبيٍ في نهار القتالي=متلبسٍ ثوب الطغى مابعد شاب
خلي على الجرّه طريحٍ يشالي=اما درك والا على الحول قد عاب
وكم مهرةٍ يصبح عوضها الجلال=نصبح نفاديها من العرب الاشباب
نقفي بهن ونردهنه عجالي=ونارد حياض الموت ماعنه مجناب
بقفايهنه مانعد الليالي=وبقبالهن عجلين من خوف الاطلاب
وليا لفينا مرخصين النوالي=ماجوبنا ماحسّبوا فيه بحساب
ماجوبنا بنٍ بصبح الدلالي=وحيلٍ مواحيل كبيرات الاذناب
وغب النكيفه كل عذراً جمالي=اللي تسمع في الحكا ترم الاسلاب
لو شوقها يشري لها كل غالي=تشناه لو مال الشنا فيه مضراب
ويامى شربنا من قراحٍ زلالي=ويا مى شربنا من غثا كل مغراب
نوبٍ يجي شربٍ على الكبد حالي=ونوبٍ يجي شربٍ على الكبد غيّاب
ويامى خذينا الحق والحق غالي=ويامى عطينا الحق والحق غصّاب
ويامى ثبتنا تحت شد الرحالي=ويامى تصيعبنا وزدنا بالاصعاب
وكم مرتعٍ يذكر من النزل خالي=كلٍ يباه وعنه الاجناب هيّاب
نرعاه بأللي وسمهنه يلالي=المطرقين اللي على جرد الارقاب
ويازين مصباحي وراهن لحالي=بمسلبٍ تغدي دم الجوف صبّاب
لاجاك حايشته هبوب الشمالي=والصيد عند نحورهن جاك هرّاب
مضرابها سير النحر والكحالي=اما انعثر والا يدعثر بالاعطاب
واليوم انا عاين ذلولي نعالي=مالي ذلول ولافرس غير مشعاب
واحيسفاه إن كان ماجوا عيالي=ان كان ماجوا لي على كل هنداب
وانشد بني عمّي ونشّد خوالي=ويقطعك ياهرجٍ ليا قيل ماصاب
إن كان ماقالوا يفك التوالي=ياعنك مالي مع هل الحق مضراب[/poem]
[align=center](صقر) بن سلطان من ذوي حمّاد من المغايره[/align]
| 
|
12-25-2005, 08:21 PM
اسمعوا هذه القصيده
المواضيع المتشابهه
العرض المتطور
