المساجله بين الشاعر سطام سعود العضياني و عبد الله مناحي العصيمي وكان البادئ الشاعر سطام يقول :
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ابتدي ذكر الولي في كل حالي = ربي اللي كل الامه عابدينه
وابدع القيفان وبيوتي جزالي = اترك الهزلات واختار السمينه
راكب اللي لا مشى الخط العدالي = ما يحسب للصحاري والمدينه
وارد الفكسار شوفه شف بالي = ماعلى شريه تحاسيف وغبينه
صمموه وللمسافه ما يبالي = زينة الصنعه وقيره والمكينه
فوقه السواق من طيب العيالي = يوصل المكتوب للي خابرينه
يم ابو فايزتودونه مقالي = حيثه الرجل الفهيم وعارفينه
ماقفه وقت السعد ذخر الرجالي = ياعساه يفسر اللي كاتمينه
اشتكي لك يالعصيمي ما جرالي = من سبب غروٍ تبلاني بزينه
استلم قلبي وخلاني لحالي = والحقه روحي وخلاني رهينه
عنقها يا صاحبي عنق الغزالي = والبلا والموت لا من لد عينه
وان نظرت عيونها يا ويل حالي = رحت مثل اللي يهذري ساجنينه
تاركينه واربع سنينٍ توالي = قاطعينه والجماعه ما تعينه
من تعلق فالهوى ياهملالي = راح واقفى كن ربعه طاردينه
لاونيس ولا جليس له يسالي = خاطره مكسور ودموعه حزينه
مير ويش الحل باللي سم حالي = ناصله والا نروح موادعينه
يوم اهلها سدو الدرب الموالي = واحرموني حبها مع شوف زينه
واعذروني كان وضحت المجالي = في هوا المزيون واللي كاتمينه
[/poet]
ورديت عليه بالابيات التاليه :
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
مرحباباللي بدا القاف وشكالي = ومرحبا باللي لفوني ناقلينه
ياهلا عدة هماليل الخيالي = وعد من صلوا بمكه والمدينه
سايق الفكسار ياحام التوالي = يا رسولٍ بالامانه مندبينه
اقلط وتلقا بغاديد الدلالي = والشحم والعود الازرق منتقينه
ثم تريض عقبها عطني مجالي = لين افك رموز خطٍ موصلينه
شيك الفكسار عن كل احتمالي = ثم تيسر معك خطي مرسلينه
دوك مزروفٍ ختمته بالكمالي = وانص شيخ بالمراجل ذاكرينه
لالفيته شفت ما يثبت مقالي = الكرم من ساس قوم وارثينه
روس قومٍ ما تروم الا المعالي = فزعة المضيوم لا ضيع عوينه
وصله مني سلامٍ كالزلالي = من غديرٍ ما كدر صافيه طينه
قل لفاني خطكم والفكر خالي = لين شفته حب وهمومه دفينه
سقت باليمنى على الكف الشمالي = وهاضت الافكار ببيوتٍ حسينه
أنظم القيفان واختار الغوالي = نظم عقدٍ في معنق كل زينه
ابذل المجهود واشتال الثقالي = في رضا قرمٍ شكالي من ظنينه
يشتكي لي من هوا ظبي السهالي = عنق ريمٍ والقمر طلت جبينه
لاضحك والاغنج والخصر مالي = عود موزٍ لاانثنا يعجبك لينه
كان اهلها سدوا دروب الوصالي = صكوا البيبان من بينك وبينه
احتزم بي مثل راسيت الجبالي = أو كما سيفٍ شطير مجردينه
نظرب الكايد جهار ولا نبالي = وكل عسرٍ لجل خلك واردينه
وكانها بالمال سقت أغلى حلالي = وكل غالي لجل الاغلى مرخصينه
ما وخذ بالصعب يبقى دوم غالي = قيمته تبقى ولو طالت سنينه
غالي الياقوت بالجوهر يكالي = وصاحبك مثل الذهب دره ثمينه
وما يجي بالسهل يقفي بالسهالي = ذا كلام بالدليل موثقينه
وكانها بالجاه قم شد الرحالي = ما علينا لوم رايتنا رزينه
وخذ نصيحة من تحدته الليالي = والنهار يجاهد الدنيا اللعينه
ذاق من حب العذارى سم حالي = العسل والسم فيه منقعينه
كان خلك ياعريب الجد سالي = ما مشى فالعشق ما بيح كنينه
جالسٍ مرتاح في برد الضلالي = مادرى عن ماجرى لك من غبينه
طردت المقفين من سيما الجهالي = اتركه والقلب يدله من حنينه
والهبايب تصطفق في كل جالي = ما تجي في راي قبطان السفينه
[/poet]
| 
|
06-07-2004, 08:48 AM
المواضيع المتشابهه
العرض المتطور
