--((( ولا صك باب الطيب ضبه ومزلاج )))--

[الشاعر الفهري]

[align=center]متواضعه تطلب التمرير :[/align]
[poem=font="Simplified Arabic,6,black,bold,normal" bkcolor="transparent" bkimage="../backgrounds/15.gif" border="double,4,gray" type=2 line=0 align=center use=ex num="0,black"]
الأرض زانت واكتست بالثماما = في مرتع(ن) ما جاه طرقي ودواج
زين الشمطري والنفل والخزاما = في خايع(ن) كنه ملبس بديباج
وصوت أم سالم والولع والحماما = أخير من صوت المعازف بقرطاج
وشوف الدلال ومجلس(ن) به نشاما = والملّه اللي جمرها له توهاج
الجو رايق والنشاما حشاما = أنا اشهد إنها يا ولد فلة حجاج
ما فيه لا هافي ولا به خماما = نقوة عيال(ن) ذكرهم بالفخر راج
رجالهم عز (ا)ووقار ومقاما = ما يستمع لهروج واشي وهراج
ورجالهم له في المراجل مراما = ورجالهم يسوا طوابير وافواج
الماجدين الطيبين الكراما = اقسا من البالود واثمن من العاج
يا سعد منهم عزوته والحزاما = ينزاح همه لا ذكرهم وينباج
قلته وانا منهم وهذا وساما = والطيب لهل الطيب سنه ومنهاج
والله جعل للطيب راس وسناما = ولا صك باب الطيب ضبه ومزلاج
احد(ن) علا بالطيب فوق وتساما = وشيد له حصون(ن) رفيعات وابراج
واحد(ن) غدا قسمه قليل(ن) عداما = شبره قصير ووجهه أسود من الصاج
ومن شاف مثلي يا عرب ما يلاما = منظر طبيعي ما يبي فن واخراج
والبال صافي والقوافي تراما = وانا احمد الله ما وقف دونها سياج
ولا صرت في روض(ن) خضر مع نشاما = انا اشهد انها يا ولد فلة حجاج[/poem]
[align=center]وسلامتكم[/align]

[وحش عتيبه]

[align=center]صح لسان الشاعر راعي القصيده

ولاهنت يا الشاعر الفهري


مع تحياتي[/align]

[الشاعر الفهري]

المشاركة الأصلية كتبت بواسطة وحش عتيبه [align=center]صح لسان الشاعر راعي القصيده ولاهنت يا الشاعر الفهري مع تحياتي[/align]

[align=center]اخوي وحش عتيبه

الله لا يهينك على المرور وصح بدنك

والقصيده لي بس انا دايم اغلط بين القسم هذا وقسم قصائد الأعضاء

لاكن ما ادري كيف انقلها هناك

تحياتي[/align]

[محمد العتيبي]

الشاعر الفهري

يعطيك العافيه لاهنت على المشاركه الجيده

والله جعـل للطـيـب راس وسنـامـا**ولا صك باب الطيـب ضبـه ومـزلاج

تحياتي

[** راس حربه **]

الشاعر الفهري

صح السانك واتحفتناا بهذه القصيده الجميله

وننتظر منك المزيد ..

ودمت كما تحب