أرجي ثلاثٍ منك من دون منـَّـه *** الدين الأول والكرم والشجاعه

[محماس بن عبيد]

هذه القصه قديمه من قصص قبيلة الدواسر رواها شبٌاب بن شارع الدوسري .
وهي جرت على الشاعر سعد بن هتيل المساعرة من قبيلة الدواسر والشاعر ابن هتيل يعد من الشعراء البارزين وله قصائد بالحكم ويجيد النظم والمحاوره.
المذكور في سنه من السنين أراد أن يسافر لقضاء بعض المستلزمات وكان عنده والده وكان بارا به ودائما حوله يوقد له النار ويصلح له القهوة ولا يتركه حتى ينام ولما اراد السفر أحب أن يوصي عليه ابنه سحمي وقال له:اترك جميع ماعندك من اعمال واجلس عند والدي مدة غيابي كما أوصاه على التمسك بالثلاث وهن الدين والكرم والشجاعه بقوله:

سحمي أنا بوصيك في العود فِـنـَّه000ماحَـط من دوني ودونك بضاعه
خله وما حاشت يمينك ألسنه000أيضا وقم لــه بالهدى والمطاعــه
خالك يظن وعندي اخلاف ظنه000وأنا أحتري الطارش بخطوات ساعه
الطيب وسطناك بالشبر منه000ولا على منهو جذابه اذراعـــــــــــــه
أرجي ثلاث منك من دون منه000الدين الاول والكرم والشجاعــــــه
والرجل لا من الثلاث افخـتـنه000لاينبغي طيبه ولا به اطماعــــــــــــه
حاذورد تجعل دون ربعك مضنه000واعرف ترى ربع الفتى طول باعه
والجار الادنى فيه وقته فدنه000يطري عليك امفارقه وانقلاعــــــــــه
والضيف لامن فطره قربنه000خله قريب منك لوكان ساعـــــــــــــــه

منقول من الأخ / سحمان المري ، بموقع مزامير آل داوود 0

[فهيد مقعد الرويس]

[align=center]أرجي ثلاث منك من دون منه000الدين الاول والكرم والشجاعــــــه
والرجل لا من الثلاث افخـتـنه000لاينبغي طيبه ولا به اطماعــــــــــــه[/align]

[align=center]في انظري ان هالبيتين

تسوى الكثير من بعض القصايد

لاهنت يامحماس على النقل المتميز

والله يرحم من قالها

تقبل اطيب تحيه[/align]

[م ا ج د]

الله يعطيك العافيه اخوي محماس وبارك الله فيك


تقبل مرور اخوك

م ا ج د

[محماس بن عبيد]

أخي الكريم / فهيد الرويس ، يشرفني مرورك على الموضوع ، والله يبارك في الأنترنت اللي عرفنا على رجال ٍ مثلك وشرواك 0

[محماس بن عبيد]

أخي الكريم / م ا ج د : مـــــرورك على الـــمـــوضــوع يـــشـــــرفـنـي 0

[راعي المقناص]

ابداع مميز


لاهنت على الطرح الجميل متميز في مواضيعك

لاتحرمنا من النقل الرائع والابداع الرووووووووووعه

ننتظر جديدك

راعي المقناص

[محماس بن عبيد]

أخوي راعي المقناص : لك شكري وتقديري على مرورك ، والمقناص ما يحبه ويهواه إلا رجال مثلك وشرواك ، كنك تدري أني أتحرى سهيل بفارغ الصبر ، والطير يتحرى الهـدد صابه الملل من الربطة 0
على ما يقول بن فطيس :
الله على الربطة يعين الصقاقير *** اللي تعد الريش وتعد الأيام

الله يحييك يا راعي المقناص 000تحيات المطر 0