عتب واعتذار

[الجوهرة]

السلام عليكم ورحمة الله وبركاته

.

.

[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
السؤال يبين لو أنه خفا لك = والليالي تبدي الشي الدفيني
الغياب بغيبتك سوى مهالك = لو كتمته تظهره دمعات عيني
لا تساءل عن رجوعي وش بدا لك ! = لا تحجج با الخطا دامك تبيني
الخيال اللي خرج بك عن مجالك = ابتلاك وجيت كلك تبتليني
وش لي بحلم ٍ نسجته من خيالك ؟ = تحسب إنك في حلومك تحتويني ؟!
ليلي اللي من غيابك صار حالك = في غيابك غاب شوقي والحنيني
قلت لا تسمع كلام اللي حكى لك = لا تسمّع في كلام العاذليني
قلت .. وأيضاً قلت لا تكرر سؤالك = فرّقت الأيام ما بينك وبيني
الحكي بعّد وصالي عن وصالك = والسكوت يحل بعض اللي يجيني
مير با الله لا تلوم اللي شكى لك = ما شكيت إلا بعادك والسنيني
ما نسى المعروف من هو قد لجا لك = شاعرة غنيت من قلب ٍ حزيني
[/poem]

.

.

للجميع أطيب التحايا ..

[ابوسـعد]

حفظك الله نص جميل وصح لسانك ياشاعرتنا الفاضلة...وياهلاوغلا

[الجوهرة]

المشاركة الأصلية كتبت بواسطة ابوسـعد حفظك الله نص جميل وصح لسانك ياشاعرتنا الفاضلة...وياهلاوغلا

صح بدنك أبو سعد ..
والجمال يكمن في حضورك .. شكرا لك ..

[عبدالله المرشدي]

الخـيـال الـلـي خــرج بــك عــن مجـالـك=ابـــتــــلاك وجــــيــــت كــــلــــك تـبـتـلـيــنــي
وش لي بحلم ٍ نسجته من خيالك ؟=تحسب إنـك فـي حلومـك تحتوينـي ؟!
ليـلـي الـلـي مــن غيـابـك صــار حـالـك=فــي غيـابـك غــاب شـوقــي والحنـيـنـي
قلـت لا تسـمـع كــلام الـلـي حـكـى لــك=لا تــســمّــع فــــــي كـــــــلام الـعـاذلـيــنــي

ماشاء الله عليك

يالجوهره

تكتبي الشعر كما ينبغي

صح لسااانك

[الجوهرة]

المشاركة الأصلية كتبت بواسطة عبدالله المرشدي الخـيـال الـلـي خــرج بــك عــن مجـالـك=ابـــتــــلاك وجــــيــــت كــــلــــك تـبـتـلـيــنــي وش لي بحلم ٍ نسجته من خيالك ؟=تحسب إنـك فـي حلومـك تحتوينـي ؟! ليـلـي الـلـي مــن غيـابـك صــار حـالـك=فــي غيـابـك غــاب شـوقــي والحنـيـنـي قلـت لا تسـمـع كــلام الـلـي حـكـى لــك=لا تــســمّــع فــــــي كـــــــلام الـعـاذلـيــنــي ماشاء الله عليك يالجوهره تكتبي الشعر كما ينبغي صح لسااانك

تسلم على الإشادة أبو بدر ..
وصح بدنك .. شكرا لك ..

[اصايل]

شاعره غنيت من قلبٍ حزيني


يارب يبعد عن قلبك الحزن وعن قلوبنا :)

صح لسانك ملاييين ولايكفون

لاهنتي

[الجوهرة]

المشاركة الأصلية كتبت بواسطة اصايل شاعره غنيت من قلبٍ حزيني يارب يبعد عن قلبك الحزن وعن قلوبنا :) صح لسانك ملاييين ولايكفون لاهنتي

آمين .. وياك يا الغلا ..
وصح بدنك أصولة ..

[عبدالعزيز الفرج]

ما شاء الله تبارك الرحمن



صح لسانتس يالجوهرة


كتبتي وأبدعتي




لاعدمناش

[الجوهرة]

المشاركة الأصلية كتبت بواسطة عبدالعزيز الفرج ما شاء الله تبارك الرحمن صح لسانتس يالجوهرة كتبتي وأبدعتي لاعدمناش

صح بدنك أخوي .. وشكرا لك على الإشادة والحضور ..

[الأدميرال]

صح السانك ياالجوهره
ولاهنتي