عله يجي في تالي الليل غادي

[عبدالله المرشدي]

أمل ان تنال الرضا منك والاستحسان

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تراي مازلت انتظر واتحراك=علك تجي في تالي الليل غادي
استقبل طيوفك وانا اقول حياك=مثل الكريم اللي لضيفه ينادي
لو ماتجي طرياك فالبال طرياك=تغدي بفكري معك في كل وادي
اراجع الماضي واحسب نواياك=واقول ماعينت علم وكادي
ترضى وتزعلني وانا ادور رضاك=وامشي واقول بسلم الاحباب عادي
يابري حالي يوم اناظر سواياك=تضحك وتغرس حربتك بالفوادي
ياللي شبيه البدر طلة محياك=والليل عن غرتك جاله سوادي
ياجامع انواع الحلا في حلاياك=وش لون تقتل نظرتك وانت هادي
ما أقدر على صدك ولايكمن أنساك=عقبك عيوني ماتذوق الرقادي
رح وين ماتبغى وعود لمرباك=وانا انتظر جيتك مع كل بادي[/poem]

[ميااااح]

الله الله الله الله

حقا انك مبدع

وهذا هو القصيد والا بلاش

ماهوب قصايد بعض الربع اللي يقول عسى ان تنال اعجابكم مايدري انها تغث

اهدي باقة ورد فيها كل الالوان لك على هالقصيده

ولي الشرف اني اول من علق على هالرائعه

تشكر ياالمرشدي وصح لسانك

[عبدالله المرشدي]

المشاركة الأصلية كتبت بواسطة ميااااح الله الله الله الله حقا انك مبدع وهذا هو القصيد والا بلاش ماهوب قصايد بعض الربع اللي يقول عسى ان تنال اعجابكم مايدري انها تغث اهدي باقة ورد فيها كل الالوان لك على هالقصيده ولي الشرف اني اول من علق على هالرائعه تشكر ياالمرشدي وصح لسانك

العفو يامياح

وصح بدنك

وعلى شااانك


والحقيقه اني تشرفت بردك

ولايهونون الجيمع

تحيت وتقديري لك

[ناصر بن سعدي]

شاعرنا الرائع

عبدالله المرشدي ..

لله درك ..

وحيه من حضور .. وحيها من طلــه ..


يابري حالي يوم اناظـر سوايـاك
تضحك وتغرس حربتك بالفـوادي


أبيات روعه ..

سجل إعجابي المرمس :)

[عبدالله المرشدي]

المشاركة الأصلية كتبت بواسطة ناصر بن سعدي شاعرنا الرائع عبدالله المرشدي .. لله درك .. وحيه من حضور .. وحيها من طلــه .. يابري حالي يوم اناظـر سوايـاك تضحك وتغرس حربتك بالفـوادي أبيات روعه .. سجل إعجابي المرمس :)

ناصر بن سعدي


صح بدنك

ولاهنت

واعجابك وسام

تحيتي لك

[نايف تراحيب]

عبد الله المرشدي

قصيده راقيه من شاعر رآقي

شكراً لك على هالوافيه

سجل متابعتي


/

،

نايف العتيبي

[عبدالله المرشدي]

المشاركة الأصلية كتبت بواسطة [ نايف العتيبي ] عبد الله المرشدي قصيده راقيه من شاعر رآقي شكراً لك على هالوافيه سجل متابعتي / ، نايف العتيبي

نايف العتيبي


صح بدنك

والعفو

تحيتي لك

[رغدالشيباني]

ياجامع انواع الحلا فـي حلايـاك
وشلون تقتل نضرتك وانت هادي

عبدالله المرشدي
...
صح لسانك ولاهنت
تقديري لك..

[عبدالله المرشدي]

المشاركة الأصلية كتبت بواسطة رغدالشيباني ياجامع انواع الحلا فـي حلايـاك وشلون تقتل نضرتك وانت هادي عبدالله المرشدي ... صح لسانك ولاهنت تقديري لك..

رغد الشيباني

صح بدنك

تحيتي

[ابن مسلم]

ابو بدر

الحمدلله على السلامه


وعوداُ حميداُ


صح لسانك

وبيض الله وجهك