سود مضاليل

[نوف]

[poem=font="Simplified Arabic,4,white,bold,normal" bkcolor="teal" bkimage="" border="double,10,darkred" type=0 line=0 align=center use=ex num="0,black"]
سبحان من سوا الاوادم من الحور=انا اشهد ان الله هو اللي يسوي
زول خلق من نور وبخدته نور=نور من الخالق مهو نور ضوي
ادعج غنج خده به الملح منثور=تقول بدر بان بفتوق نوي
وعيون تذبح بالهوى كل منعور=سود مضاليل على القلب سوي
نيشانهن رمانة القلب ياسرور=وحرابهن من عرق جوفي تروي
هو مسرف فيني وانا فيه مجبور=حبه ملىء قلبي وجوفي وجوي
من وزد حبه كن كل البني عور=لاغاب عني قمت ادوج واهوي
ابو جديل اشقر على المتن منثور=واهني من بيديه فيه متلوي
وان كان شدو يم وسمية الثور=واحسرتي لقالو البيت طوي
وان مت من مركوز الانهاد معذور=اللي عليها هالزمان متكوي
ولو هو عطاني صاحبي كبر الاظفور=قلت الدواء منك وعلى الله بروي[/poem]


الشاعر محمد الخس

[الغريق]

يعطيك الف عافيه يانوف

الليله اتحفتيتنا

بس ما نبي منقولك بقدر ما نبي نشوف قولك


اخوك الصغير/ غريق

[حسام هوازن]

قصيدة جميلة ورائعة وأحسنت بحق الاختيار لهذي القصيدةالمنقولة


يأخـت نوف



بارك الله فيكي


ويسلمووووووووووووووو على القصيدة الرائعة

[إبن ثعلي]

شكرا يانوف على اتحاف المنتدى بهه القصيده
تحياتي

[ولد غابي]

والله الليله عايشه بالماضي والماضي البعيد بعد

والله إنك معذوره فب قصائد الأيام هذه ،، اللي الواحد يقرأ القصيده عشرين مره مايدري وش قرأ .............

المهم أشهد بالله انك متذوقه للشعر الأصيل يا أصيله

يعطيك العافيه

ولك تحياتي

[نوف]

الاخوان
غريق ماضي
حسام هوازن
بن ثعلي
ولد غابي

شكرا على المرور ولاهنتم وتسلموووووووو

[نوف]

الاخ ولد غابي مشكور ومافيه مقارنه بين قصيد اليوم وقصيد الامس من كل النواحي ولو ترجع الى الشعر القديم اقوى وافضل من شعر اليوم


تحياتي لك

[ابوسـعد]

[align=right]مشكوره يانوف والقديم زين لكن الحقايق ماادري...كل زمن وله فطاحلته من الشعراء وفي هالزمن شعراء كبار ولكنهم لم يخرجوا على الساحه لأسباب عده من ابرزها الثقافيه..مجتمعاتنا اليوم تقتل التنوع الثقافي على الرغم من وجود المثقفين الكبار وهذه احد الاسباب في عدم وجود الشعر الرصين في هذا الوقت...وان شاء الله تتغير الامور وتشوفين العطاءات الادبيه والفكريه وهذه يبا لها وقت.....لك التحية[/align]

[نوف]

مشكور اخوي ابوسعدانشاء الله نسمعهم ويفيدونا بس متى ؟

تحياتي لك

[فهد العايضي]

صح لسانك يانوف ولسان الشاعر محمد الخس


وربي يعطيك الف عافيه على هالقصايد الجزله


اللي اتحفتي هذا القسم بها


لكِ مني جزيل الشكر