[align=center]أتـشرف بـمصافحتكم من خـلال هـذة الـنافـذة الـمتواضـعه
واتــمنى أن تـنال الـرضى ...[/align]
[poem=font="Traditional Arabic,6,darkred,bold,normal" bkcolor="transparent" bkimage="" border="double,4,darkred" type=2 line=0 align=center use=ex num="0,black"]
(هيه يلي غرك الحسن واطغـاك الجمـال)=التفت لي واسمـع اللـي بقولـه وافهمـه
أنت حديت المعنى علـى قطـع الوصـال=عقب ماظمـك بقلبـه وغطـاك اكرمـه
وانت حديت المعنى على سـوق الرحـال=عن هواك اللي سرى في وريده مـع دمـه
لو تقول أن الهوى يهزم اقلـوب الرجـال=قلت لك ماكـل رجـلٍ هـواه ابيهزمـه
ولو تقول أن الجفا والهجـر شـىٍ محـال=قلت لك صحيح يـوم الليالـي مظلمـه
يوم كنت اسير خلفك ورى نسج الخيـال=وابني الآمال خلـف الـدروب المبهمـه
واتخيل صورتك بارزه فـي كـل حـال=وارسم الصورة بحلمي .. واعود وآحلمـه
وقتها طيفك سكن بين جسمي والظـلال=واغلب الاحيان مابين صـدري وانسمـه
كنت اشوفك مثل روحي واعدك راس مال=وارخص الغالي لعينك واجيـك امقدمـه
عيشتك عيشت ترف كلها غنـج ودلال=والتعب من زود حبـك عليـك امحرمـه
والهمـوم الكايـده مالهـا يمـك مجـال=اتحملهـا وانــا هـمـي الله يعلـمـه
لجل عينك كم تحملت واشتلـت الثقـال=يوم انا حالـي معنـا عسـى الله يرحمـه
كنت كامـل فـي عيونـي ولله الكمـال=لين صار الحب لـي دون خلـق الله سمـه
كنت مغوينـي بسحـرك وانـا ياهمـلال=ادمح الغلطات واقـول عـذرك مكرمـه
كان صوتك يستبيـح المسامـع بالحـلال=من حدود النبره .. اليـا حـدود التمتـمه
كنت حاجه راجحه غصب في كل احتمال=مايوصفهـا قصيـدي وحبـري واقلمـه
لين بان الوضع من عقب دورات الليـال=واتضح لي سـر حبـك بدمـه ولحمـه
اه لو الكلمه اللي وسط صـدري تقـال=كان اريح صدري اللي كـواه ابميسمـه
مار دام الحب شرف على وقـت الـزوال=بحفظ اللي صار في وسط صدري واكتمـه
واكتفي واقول قلبي عشق مـالا يُطـال=ماصفالي غيـر دمعـي وذكـرى مؤلمـه [/poem]
[align=center]وسـلامتكم ...
فـايـز بـن الـعـبري الـعضياني[/align]
....
| 
|
02-27-2009, 02:30 AM
العرض المتطور
