الرنج روفر

[ناصر الحافي]

اخواني الاعضاء وزوار المنتدى
السلام عليكم ورحمة الله وبركاته
[img][/img]
راكب اللـي ماملكه ابن الضعيـف**ماجلب للســوق لاجل انه يبــــاع
تــو طلــع كلبوا بديـــــه نظيــــف**زين بشتك في زوايـاه الوســــاع
المراتب شكلهـــا شكـلا ضريــف**وجلدها كنه من جلــود السبـــــاع
لونهن يجذبك لاشجــار الخريــف**وصفها مكتب وزيــــراً فاجتمـاع
والبدي مـروه من النوع التحيـــف**وقفتـه تشفي لها قلوبـاً وجـاع
لاشرقت الشمس فالبدي الكسيـــف**قـام يلمع ويتــلـــون بالـخـــداع
فزتـــــه تبعد وليـفن عن وليـــــف**لاستوا فالخط يعطيـك انــدفـــاع
سرعته لو جات فالحد المخيـــــف**يشبك الخطين من دون انقطاع
من وسط ساجر لين اقصى عفيف**ساعتيــن ونص مافيهـــا نـزاع
يعجب الراكــب ولو انـه كفيــــف**ياخذ الراحــــه ولو بالاستمــــاع
ولامـــلكته ماتقيــش بالشـــــريف**ولا منهو انتصــر في قينقـــــاع
رنج روفر موقفه فوق الرصيــف**مايوقــــف غير فالشي الرفـــاع
انجليــز الصنع توريده كليـــــــف**جابه (السيـف)المسمى باقتنـاع
فرخه البي ام و(الناغي) حليــــف**نالوا بصنعه شهـــادة اختــراع
غار منه فالوصف عبد اللطيـــف**وبيع الفكسار في سوق الضباع
ناصر الحافي

[بدر الروقي]

ههههههههههههه صح السانك يالحافي




مير الفكسار الفكسار



على العموم


قصيده جميله جداً



تحياتي لك


بدر الروقـي

[حسام هوازن]

ولد العم ناصر الحافي

صح لسانك على هالقصيدة الرائعة

دمت بخير

[بنت* عتيبة]

صح لسانك ناصر على القصيدة الرائعة

[ابن مسلم]

صح لسانك ناصر على القصيدة الرائعه

شكراًلك

[ناصر الحافي]

بدر الروقي اشكرك على مرورك وصح بدنك


اخوك / الحافي

[ناصر الحافي]

حسام هوازن اهلين وسهلين يابن العم

الله لايهينك واشكرك على اطلالتك

اخوك/ الحافي

[ناصر الحافي]

بنت عتيبه الله يحييك شكرا على مرورك العطر

اتمنى لك التوفيق

[ناصر الحافي]

ابن مسلم هلا والله وغلا الله يحييك ياطويل العمر وصح بدنك

تقبل مني فائق التحيه والاحترام
اخوك / الحافي

[ابن فانك]

يالحافي شوقتنا في الرنج وحنا مانقدره ياكود نسرقة من احد هالتجار
تحياتي لك قصيدة رائعة امتعتنا بوصفك الرائع

تحياتي,,,,,