صوت عذرى من خجلها فيه ذله

[عبدالله المرشدي]

قصيده موجهه للشيخ الشاعر مــــــــدله بن نشى المرشدي

امل ان تنال رضاكم وردها طولها مرتين بحاول اورده فيما بعد .

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black"]
راكب اللي طول خطه ما تمله=سايقه وقت السفر ينسر باله
جيب فكسار الفخامه ميزةٍ لـه=من مديل الفين مضمون الوكاله
كن زولـه لاوقفت مقابلٍٍ لــه=زول غروٍ قام يستعرض جماله
وان عرض لك كاملٍ مافيه خله =صانعه فنان بالَغ في كماله
كن لونه لون غراً مستهله= من مزون الصيف في مقدم خياله
مثل نوره لاسطع شمسٍٍ مطله=يجهر اللي في طريقه جاء قباله
صوت عذرىً من خجلها فيه ذِلـه=يوم تضحك كنها صوت اشتغاله
لاستوى بالخط كنه في محله=يطوي السكه مثل طوي المحاله
سايقه لاراح فـي دربٍ يدله=ما يحسب في طريقه وش بداله
مع بزوغ الفجر لافللت تله=واحمد اللـي سخره رب الجلاله
نصه اللي بالمهمه ينـزبن لـه=شيخ قومٍٍ لارتكا للحمل شاله
طير حوران المعالي مدهلٍٍ لـه= ماكرٍٍ لـه من ذخر جده وخاله
يفتل الصعبات والمبهم يحله=كل معنى للرجوله من خصاله
كل ربعه دلهم من نفس دلـه=كاسبين الطيب من واسع مجاله
فعلهم بالطيب ماني محصيٍ لـه=لوكتبته ماتكفيه الرساله
لا وصلت الجمش تلقى منـزلٍ لـه=بينٍ من قبته كنه لحاله
أي واحد فالبديعه قف وقله=وين بيت الشيخ كسّاب الجماله
ابيقول ان كان تنشد عن مدله=شف هذاك القصر بابه من شماله
مجلسه مفتوح طول اليوم كله=عامرٍ بالجود ما تفضى دلاله
صبحه بالخير وبورده وفله=وانشده بعد التحيه كيف حاله
احفظ اعلومه وقلي وش حصل لـه=ودي اعـرف في زمانه وش جراله
انشده قل ويش خلٍ جنب خله=بعْضهم عن بعض ياقل انفصاله
تنظر الأول ولانت بسامعٍٍ لـه=تسمع الثاني وشوفه ما تناله[/poem]


عبدالله مرزوق المرشدي

[اخو من طاع الله]

صح لسانك يا ابو مرزوق

رائعه القصيده الله لا يهينك

[عبدالله المرشدي]

عبدالله الحافي


الله لايهينك

وصح بدنك

دقديري مع خالص التحيه

[سلمان]

صح لسانك يابو مرزوق على الجزله


تسلم مليون ثم مليون ثم مليون
والله يعطيك العافيه





مع خالص تقديري
اخوك سلمان

[عبدالله المرشدي]

المشاركة الأصلية كتبت بواسطة سلمان صح لسانك يابو مرزوق على الجزله تسلم مليون ثم مليون ثم مليون والله يعطيك العافيه مع خالص تقديري اخوك سلمان

حياك الله اخوي سلمان وبارك الله فيك

وصح بدنك عدد الاسهم اللي تداول في السوق

وبيض الله وجهك

دمت بود

تقبل خالص تحيتي وموفر احترامي

[((الدلبحي))]

صح السانك وعلا شانك

جزله من جزل

ياليت توافينا بردها ولاتحرمنا من جديدك

تحياااااااااااااااااااااااااااااااااااااتي

[عبدالله المرشدي]

المشاركة الأصلية كتبت بواسطة ((الدلبحي)) صح السانك وعلا شانك جزله من جزل ياليت توافينا بردها ولاتحرمنا من جديدك تحياااااااااااااااااااااااااااااااااااااتي

هلا بالمشرف الوافي ( الدلبحي)

صح بدنك

لاهنت

وابشر بعزك

خالص تحيتي وتقديري

[رهين السهر]

اللــــــــــــــــــــــــــــــــــه

صح لسانك أبو مرزوق،،،،

ولاعدمنا جزلك وجديدك ياولد العـــــــــــــــم

[عبدالله المرشدي]

صح بدنك

يارهين السهر

الله لايهينك

دمت بود

[وليد الزراقي]

تشكر على القصيده
تحياتي