الله محيي اصلك
كان اختلافي معك انه مايصلح اننا نتكلم عن انفسنا بها الكلام حنا
ماننفع , حنا ما نسوي شيء حنا همنا الضحك وبس , وين راح ايماننا
بالله وبانفسنا وبتاريخنا اللي تنبع منه ثقتنا , لان الكلام هذا هو احد
الافكار اللي غزت عقولنا من الخارج وراح تقلل ثقتنا بانفسنا ويخلي
الواحد يفكر ويقول انا وش له اتعب وش له اربي تربيه صالحه ليش
اتعلم ليش ليش ليش.... , وتقل معنوياتنا وهذا اللي يبغاه عدونا .
عزيزي بالنسبه لحال الامه صحيح انه ضعيف ولكن مانقلل من الظروف
اللي حنا نمر فيه والعدو اللي يعد لنا احكم الخطط , وقد مر علي الامه
زمن العن من وقتنا هذا من التفكك والانحلال , وانتبه الناس انهم سوف
يغرقون وبدوا بالاهتمام من اصغر وحده في المجتمع اللي هي الاسرة ,
يعني بدو بتربيه الاطفال تربيه سليمه حتى طلع لهم من بين هولاء
الاطفال قائد قاد المسلمين الي العز والكرامه ( صلاح الدين ) وهذا اللي
حنا نحتاجه الحين بدل من الندب علي حضنا والبكاء .
بالنسبه لايران وامتلاكه القنبله الذريه , قبل فتره من الوقت كان فيه
تصريح ل وزير الخارجيه السعودي مؤتمر والله ماذكر بالضبط وش قال
ولكن معنى كلامه ان السعوديه عنده استعداد ان لو عرض عليه مثل كذا
موضوع يعنى حنا وصلنا لمرحله اننا كفؤ لمثل هذي الامور ,
ولا ننسى شغله ان ايران تصنف من اكبر الدول المكتفيه ذاتياً.
وبالنسبه لنا حنا يالسعوديين خصوصاً ياخي ليه الجحود هذا كله للي قاعد
يصير , ياخي وين كنا قبل 70 سنه ويننا الحين , كنا يابدو في هالابراري
نرعي البهم , ولا قراويه في هالمزارع نزرع الارض يعني كنا في جهل .
والحين نعد من ارفه دول العالم في 70 سنه وعندنا زي اللي عند الدول
المتقدمه في سبعين سنه . اللي ابي اوصل له من هالكلام ان الامور
ماتجي بسرعه يعني تونا نعرف نكتب تبينا نصنع . هذاحنا نشوف الحين
جمود العادات والتقاليد بالنسبه للوظائف بدت تروح يعني الحين الشاب
يرضي انه يتوظف في مطعم او في ورشه او في بنشر ياخي عادي الشغل
موهوب عيب وشوي شوي الين نصير مكتفين ذاتياً ان شاء الله . وزي
ماقلت سابقاً ان الامور هذي ماتجي بين يوم وليله .
الله يدوم حكومتنا الرشيده ويصلح ولاءة امورنا
سامحني قاعد اكتب من غير ربط الافكار ببعض يمكن شطحت
منا ولا منا
وتحياتي اخوي ساحر
| 
|
09-15-2007, 08:46 PM
شـــــــــــــــعب الفكاهه ... من جرف لدحديره
المواضيع المتشابهه
العرض المتطور
