غيث المشاعر (بمناسبة عودة الشيخ عبدالله بن عمر بن ربيعان)

[سويلم الخراص]

بعد السلام عليكم لا اطيل عليكم متواضعه بمناسبة
عودة الشيخ عبدالله بن عمر بن ربيعان
سالما من المانيا الى ارض المملكه العربيه السعوديه

[poem=font="simplified arabic,5,white,normal,normal" bkcolor="transparent" bkimage="backgrounds/21.gif" border="groove,6,white" type=0 line=0 align=center use=ex num="0,black""]

غيث المشاعر فجر صمت الخفوق الحزين=معاد يمدي ولدري كيف كتمانها

ياعتيبه اليوم لابد المخبى يبين =أقولها لجل ينظر ويش برهانها

عيدين ماني مع العالم بحال السجين=أحزان تجتاحني والصدر ميدانها

أحارب اليأس واذكردعوة الساجدين=اللي ولي البشر يفك بيبانها

اناجي الصبر واطلب سامع الصامدين=يشفيك ياحامي الوقفه يسلطانها

ياشيخنا ياسندنا يالحسام الثمين=ياتاج رأس القبيليه وانت عنوانها

ياحصنها اللي تذريها عن الشامتين =ياعدلها اللي تحكم وزن ميزانها

ياعزها اللي تفاخربك مع الشامخين=في حاضر الوقت والماضي من ازمانها

مدام شفت لخبر عبر المحطه يبين=غطت دموع الفرح محاجر اعيانها

وسجدت لله واثني له مع الشاكرين=اعداد نبت الوطى من سيل وديانها

واعداد برقن سرى ليله يهل الغشين=لين الرمه والجرير تصك جيلانها

اللي شافاكم ورجعكم لنا سالمين=من المانيا لسعودي ولوطانها

والختم يالله تعز الاسره الحاكمين=وتحمي وطنامن الارهاب وأعوانها

وتحفظ مليك القلوب لأمة المسلمين=اللي سعى للصلاح ولدعدوانه[/poem]

[شيخ الشيوخـ]

صح لسانك مليارات ياسويلم على هالجوهره الثمينه
قصيده رائعة ومانستغرب الابداع منك
بيض الله وجهك
ونحمد الله على سلامة الامير عبدالله بن ربيعان وعودته سالماً

[سويلم الخراص]

المشاركة الأصلية كتبت بواسطة شيخ الشيوخـ صح لسانك مليارات ياسويلم على هالجوهره الثمينه قصيده رائعة ومانستغرب الابداع منك بيض الله وجهك ونحمد الله على سلامة الامير عبدالله بن ربيعان وعودته سالماً

شيخ الشيوخ صح بدنكـــ يا طويل العمر

والحمد لله ملايييييين على سلامة ابو ماجد

تحيتي

[بنتـ الشيخ ..]

صح لســأإأإنك ولا هنت ..
ويستاهل ولد عمر
وعساه سالم غانيم
دوم ويوم ..
ومشكور على القصيدة
مرة ثانيه ..

[سويلم الخراص]

المشاركة الأصلية كتبت بواسطة بنتـ الشيخ .. صح لســأإأإنك ولا هنت .. ويستاهل ولد عمر وعساه سالم غانيم دوم ويوم .. ومشكور على القصيدة مرة ثانيه ..

صح بدنكـــ

واللهـــ يقبل منك

تحيتي

[وجودك يكفي]

صح لسانك ياسويلم الخراص وبيض الله وجهك على القصيدة الجزله ياراع الجزاله


والحمد لله على سلامة شيخ الشمل الامير عبدالله بن عمر بن ربيعان وعودته سالما معافا

[سويلم الخراص]

المشاركة الأصلية كتبت بواسطة وجودك يكفي صح لسانك ياسويلم الخراص وبيض الله وجهك على القصيدة الجزله ياراع الجزاله والحمد لله على سلامة شيخ الشمل الامير عبدالله بن عمر بن ربيعان وعودته سالما معافا

صح بدنكــ ياولد ثابت ووجهك ابيض

تحيتي

[نايف تراحيب]

هلا وغلا بسويلم الخراص


صح لسآنك يالغالي وحمد لله على سلامة الامير وعودته سالما معافا


ولاهنت على هالوافيه والجزله



سجل اعجابي



/



،

[سويلم الخراص]

المشاركة الأصلية كتبت بواسطة نايف تراحيب هلا وغلا بسويلم الخراص صح لسآنك يالغالي وحمد لله على سلامة الامير وعودته سالما معافا ولاهنت على هالوافيه والجزله سجل اعجابي / ،

هلا ابو تراحيب وصح بدنك
تحياتي الغالي

[فهيد مقعد الرويس]

صح لسانك

ياسويلم

والله يشفي ابوماجد ومرضى المسلمين

تحيتي وتقديري