من جوال شيخـ الشيوخ

[ناصر بن سعدي]

أحبتي ,,

صباحكم سعيــد .. ودمتم بخيـر أينما كنتم ,,

وردني أبيات جميله أشكر من أعماق قلبي كاتبها ومرسلها لي .. حيثُ وصلتني من جوال شيخ الشيوخ ..

يقول شيخ الشيوخ:

[poem=font="simplified arabic,5,firebrick,bold,normal" bkcolor="transparent" bkimage="" border="solid,4,blue" type=2 line=0 align=center use=ex num="0,black""]

أرسل رسالة من الجوال=على رفيقي ولد سعدي
رجال وأرسل على رجال=وأولع النار من زندي
سلام مني وكيف الحال=من قبل أعلمك وش عندي
خابرك والله عريب الخال=ما أنته من عيال طشكندي
لكن علينا غيابك طال=وين أنت ياناصر أفندي

[/poem]

شيخ الشيوخ

وكان بجواري الشاعر القدير / محمد بن دغيم السميري ولا غرابه أعجبته الأبيات كما أعجبتني وقال أرسلها لي وكانت له هذه المداخلة ..

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

جتني رسالة مع الإرسال=من صاحبٍ صدق متفندي
أرسلها له شيخ وإبن أبطال=شيخٍ على العز مستندي
وحبيت أجاوب على الأقوال=بأقوال بالمثل من بندي
هاوي وحصلت لي مدخال=بين أبو تمام والكندي
أبا أسأل الربع بس سؤال=عن فاتح الهند والسندي
وش صار له بعد صال وجال=وأذعن له السند والهندي
جزاه وش كان قبل يزال=القائد المؤمن الجندي



[/poem]

محمد بن دغيم السميري

وكان ردي مايلي :

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يامرحبا يأقرب العقال=والرد من هاجسي شندي
حييت فالٍ ماهوب عقال=على أزرق العود والمندي
وأوضاعي اليوم عال العال=من هامة الرأس لا .. زندي
والحمد للواحد المتعال=والحظ مرات يعلندي
لكن لو تكثر الأشغال= سيرت لو من سمرقندي

[/poem]

ناصر بن سعدي

وإختتمها شيخ الشيوخ برد على الشاعر محمد بن دغيم السميري

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يالشاعر الناقض الفتال=حييت في قافية إندي
زودٍ على الحيل صفر دلال=والمدخنة طيبها يندي
يافارس البر يالقتال=وفالبحر قبطان نورمندي
وحتى ولو العلوم طوال=تقضي مع اللين والعندي
[/poem]
شيخ الشيوخ

ومن الأعماق أشكر الشعراء والقراء الكرام .. ودمتم بخيــر ..

[نايف تراحيب]

ما شاء الله تبآرك الرحمن

هذا والله العلم


صح لسان شيخ الشيوخ ولسانك ولسان ابن دغيم

ولله دركم


وزين ان رسالة شيخ الشيوخ جابتك يابو تراحيب



ودي واعجابي وتقديري



/



،

[شيخ الشيوخـ]

لاهنت يابوتراحيب وانا الي اشكرك واعذرنا على القصور غلاك وتقديرك تعرفه وهو سبب هالابيات

وغيابك ماهو اي غياب


بيض الله وجهك وصح لسانك على الرد وانتبه لرسايلنا الثانيه لا احد يدري عنها :) خلها بيني وبينك

وبيض الله وجه الشاعر الكبير ابو عمر على مجاراته الي تشرفنا وجعله مايهون واعذروني على القصور

[شيخ الشيوخـ]

مراقبنا نايف تراحيب

يامرحبا وحياك الله

صح بدنك يالغالي ولاهنت

[اصايل]

الله الله


رائعين الحقيقه


ابيات اعجبتني حيل


صح لسانكم جميع


وانا بعد مثل شيخ الشيوخ اقول


وينك ياناصر افندي *_*


والا الخصم بس علي َ *_*



لاهنت اخوي ناصر ..

[النجم الأصيل]

صح ألسنتكم مبدعين وعمداء المنتدى

شيخـ الشيوخ

ابن سعدي

محمد بن دغيم السميري

وبيض الله وجيهكم

والحقيقة ابن سعدي غيابه ما هو اي غياب عسى المانع خير

وماتشوف شر يالغالي ابن سعدي

[وجودك يكفي]

صح لسان شيخ الشيوخ وصح لسانك يابو تراحيب وصح لسان الشاعر محمد بن دغيم السميري


ابيات رائعه وبصراحه اعجبني لغز موجود في الابيات
وش رايك يابو تراحيب ننقله لقسم الالغاز

[البارع]

الله ’’ الله ,, الله ,,

عليـــــــــــــــــــــــــــــــكم يالثلاثه والله انهن كايفات وكل وحده تكمل اللي بعدها ...

شيخ الشيوخ ’’ ابن سعدي ’’ السميري ’’ ابدعتم وصحت الالسن .... تقبلوا مروري

[صقـر عتيبـة]

صح السان ( شيخ الشيوخ ) والسان ( محمد بن دغيم السميري ) والسان ( ناصر بن سعدي )

أبيات جميلة أعجبتني كثيراً جزله من رياجيل جزلين فالكم البيرق والمليون

وانت يا شيخ الشيوخ ليه مخبي ها الابداع نبي جديدك ونباه في عتيبة

تقبلو جميعاً تحيااااااااااااتي الخااااااااااااااااااصه

أخوكم المحب لكم ( صقر عتيبة )

[الماجــد]

صحت ألسنتكم ودام إبداعكم

لوكنت شاعر لـ جاريتكم

ولا تحرمونا هذه الإبداعات