هل من الظروري تعرف الزوجة كم راتب زوجها ؟

[المـاشي]

[align=center]دائما الرجل يحسب حساب التوفير

طبيعي حاط في باله ان الزوجه راح تصرف

كل ما في الجيب غالبية الرجال لايذكرون لزوجاتهم


كم الراتب بالضبط---


لديهم قاعده :

الرجال مايعلم وش عنده وكم يملك ..


هل من الظروري ان تعرف الزوجة كم راتب زوجها ؟ [/align]

[بنت السلاطين]

[align=center]انا بتكلم عن نفسي وبمنطق العقل

انا اذا تزوجت بكره اذا ربي اراد واخذت شخص احبه ويحبني خلاص انا وياه بنكون واحد يعني جت على راتبه مااعرفه اذا هو بيعرف راتبي وكل شي عندي له والعكس


افضل المراه تعرف كم عند زوجها علشان على الاقل تساعده اذا احتاج لانهم شي واحد يعني روح وحده في جسدين[/align]

[تاجي عتيبه]

يعطيك العافيه اخووي لكن انا اخالفك الرأي ...

دائما الرجل يحسب حساب التوفير طبيعي حاط في باله ان الزوجه راح تصرف كل ما في الجيب غالبية الرجال لايذكرون لزوجاتهم كم الراتب بالضبط---

اولا نادرا ماتلاقي ازواج يوفرون والغالبيه التوفير بيدين الحريم

يمكن البعض يقول تخلص الفلوس بالسوق كل الحريم ينزلون السوق

لكن بعضهم تحسب حساب لاغراضها الخاصه وبعضهم تحب

تنزل تشتري الي بالسوق كله

اما يخبي كم راتبه عن زوجته انا ضد هالفكره زوجتك شريكة حياتك

ومن حقها تعرف عنك كل شي يعني لو بتقولها انك توفر 2000

او 3000 ريال من راتبك لوقت الحاجه تتوقع انها ترفض هالشي

ولا بتقول اسحب الفلوس واعطينياهم

مابي اطول عليك لكن الكفه غير متعادله

مثل مافيه حريم ينفضون مخابي ازواجهم

فيه رجال مولعين بالسفر للخارج وعلى طول تلاقيه يسافر

ليه مايقضب ارضه والفلوس الي بيصرفها على وناسته برى

زوجته واولاده وبيته احق فيهم من يدين الغريب

[البارق]

تخبى والا تقعد مصيرها فى هالوقت تدرى

لكن الحل حط لك حساب ثانى ماتدرى عنه واذا طلبت شئ عطها ايصال الحساب باللى فيه

هذا حل جديد واشوفه مقنع للى يبى يوفر


وعلى رد بنت السلاطين
المراه نادرا ماتكون متعاونه بقدر الحاجه وانما تطغى عليها اهوائها
الا من رحم الله


تحيااااتى

[ملاك]

المشاركة الأصلية كتبت بواسطة البارق تخبى والا تقعد مصيرها فى هالوقت تدرى لكن الحل حط لك حساب ثانى ماتدرى عنه واذا طلبت شئ عطها ايصال الحساب باللى فيه هذا حل جديد واشوفه مقنع للى يبى يوفر وعلى رد بنت السلاطين المراه نادرا ماتكون متعاونه بقدر الحاجه وانما تطغى عليها اهوائها الا من رحم الله تحيااااتى

البارق وش ذا المشوااار الطويل العريض

من جد اشوف الحركه هذي مالهاا اي هدف

ومستحيل فيه زوجه تطلب إيصال من البنك

على حسابك

وبعدين وين الثقه انت كذا تبني بيتك من غير أساس

صدقني متى ما كانت الصراحه والصدق بين الازواج راح تستمر حياتك

بأحس ما يكون

وإذا كان الزوج يبي يوفر هذا شي راجع له وانا راح اكون مأيده لــ فكرته

بلعكس راح اكون عون له مو فرعون

والصراحه انا اشوف رد بنت السلاطين صحيح ميه بـ الميه

وبعدي انت تقول المراء نادر ما تكون معااونه ؟؟؟ ليش ؟

بلعكس انا اشوف المراء اكثر عون لــ زوجهااا

اصلا شي بــ العقل اشوف زوجي في مشكله ولا في حااجه ما اكون معه ؟؟

إذا ما وقفت معه اوقف مع من على ما اعتقد ما فيه احد يستحق اقف معه
غير زوجي

وانت تقول ناادر ان المراء تكون عون ؟ مو الكل

وانا اقول نادر تحصل رجل يكون عووون

البارق الناس يختلفون

مو الكل مثل بعض

صدقني لو ربي كتب وتزوجت

ما يهمني اعرف كم راتبه

لكن اللى يهمني انه يعيش وهو مرتااح

حتى إذا كنت راح اتزوج ما راح ارضى انه يأخذ سلفياات او ديون على شان الزواج

يجمع ويعدل بــ راحته

من راتبه

لاني ما راضى اكون سبب في اخذ الدين

وبعدين الزواج يسر مو عسر

واسفه على الاطاله

تحياااتي لــ الجميع

[المـاشي]

[align=center][align=center]الغالين

شرفتونا بالمرور الجميل

بنت السلاطين وجهة نظرها مثاليه يصعب تطبيقها في وقتنا الحاضر


تاجي عتيبه رأيك صائب السفر في غير حاجه يجلب لصاحبة الضرر الصحي قبل المادي

البارق فكرة جهنمية لكن الخوف من الوقوع في الاخطاء
والنتجيه اكيد راح تكون فتاكه .يمدحون الوضوح والصراحه

بارك الله فيكم على التعقيب وإبداء وجهات نظركم المتميزه

لاعدمناكم

دمتم بود[/align][/align]

[البارق]

اعرف اين موطئ قدمك حتى لاتزل بك القدم وبخاصه مع زوجتك

لانها صعب ان تنسى اخطائك

اما الوضوح والصراحه سوف تجلب لك الفقر والطفره فماذا عساها نفعتنى

[بنت السلاطين]

[align=center]ردا [color=#FF3333]عليكم يامعشر الرجال [/color]...انا قلت وجهت نظري اللي طبقت جزا منها حاليا في حياتي والباقي اذا ربي كتب وتزوجت... التعاون لابد ان يكون من الطرفين وليس من طرف على حساب طرف اخر .....وراح اطبقها ....وانشالله ربي يعطيني طولت العمر واقولكم نتاجئها[/align]

[البارق]

سلطانه هههههههه
مادام ماجربتى توك صغيره على الامور هذى

تكبرى وتتغيرى

[المـاشي]

[align=center]الغالي

البارق

كلامك بمحله اخذ الحذر واجب لأن العواقب وخيمه

بنت السلاطين جميل منك الثقه والاصرار على تطبيق وجهة نظرك

يعطيكم الف عافيه على التواجد وتبادل وجهات النظر

لاعدمناكم


دمتم بود[/align]