الـطــيــب فـــــرصـــــه

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
الطيب فرصه والجمايل توافيق = ومن لا توفق ماكتب له جماله
ومن لارقى للطيب روس الشواهيق =مازان له وقته على مابداله
ومادام لفعول الجمايل عشاشيق = كسب الجمايل مايجي بالسهاله
ولو انها تشرب مع فكة الريق = كلن خذاله كل ما أصبح بياله
والطيب منوه للقلوب المشافيق = كلن يتوق ومنوته راس ماله
والمدح مايزهي على الرجل ويليق =الا لاصارت وافيات خصاله
يستاهله رجلن يفك المزانيق = اللي يقال ونعم لا جا مجاله
ومن ساقته نفسه وهو مابعد سيق = لأجل الجميل يزين الله فاله
والمرجله ماهي بتحتاج تنسيق = من بين قلب اللي عشقها وباله
ومن عادة الدنيا تخون المواثيق = تفتر مكرتها سوات المحاله
ولولا اللوازم ماعرفنا المخاليق = مانعرف الرجال لين انعناله
والكفؤ تظهر فزعته حزة الضيق = وينشاف في الشده بعين العداله
نسل الرجال متعبين الملاحيق = متوسطن من بين عمه وخاله
واللي يطيق ولابغى قال ما أطيق = تحرم عليه المرجله والشكاله
والهينه تكبر على اللاش والهيق = له في الرخا قاله وفي الضيق قاله
والطيب شاره والضماير صناديق = واللاش طيبه ما تعدى ظلاله
وأنا أسبر قلوب الرجال المغاليق = والصامت أقطع غايته من مقاله
ومادام في الدنيا رجال ومطاليق = نصيتهم واللاش مالي وماله

وســـــلامـــتـــكـــم[/poem]

[ناصر بن سعدي]

وأنت سالم وغانم...


وتسلم على النقل الجزل...


وياليت تكتب إسم شاعرها...

الشاعر/سعد مناحي بن شفلوت...


حسب الرابط......هنا

[السيف الصقيل]

صح لسانك ياساري ولسان أبن شفلوت

قصيدة جزلة

تحيااااااتي


السيف الصقيل

[برقاوي هواوي]

تسلم يمينك ياساري وصح لسانك ولسان قايلها

[رمح عتيبه]

لاهنت عالقصيده وصح لسانك

[محمد العتيبي]

ساري صح لسانك على النقل وصح لسان شاعرها

ومن عادة الدنيا تخون المواثيـق .. تفتـر مكرتهـا سـوات المحالـه
ولولا اللوازم ماعرفنـا المخاليـق .. مانعـرف الرجـال ليـن انعنالـه

تحياتي

[مخاوي النشامى]

سلمت يمناك اخوي ساري وصح لسان شاعرها

[النـايــــــف]

صح لسانك اخوي ساري

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،،

[العريدي11]

صح لسانك والله يعطيك العافيه